Read NT LS 2005 – Инжил ЛС (2005 Ayan 21 Bible Online

Ayan 21 - NT LS 2005 – Инжил ЛС (2005 bible

Ayan 21

¹Anan men jaŋı asmandı jana jaŋı jerdi kördüm. Antkeni murunku asman menen murunku jer jok bolgon ele, deŋiz da jok bolgon.

²Men, Jakan, ıyık şaardı – jaŋı İerusalimdi kördüm. Al küyöösü üçün jasangan koluktuday dayardalıp, asmandan, Kudaydan tüştü.

³Anan men asmandan mınday degen katuu ündü uktum: «Mına, Kudaydın jıyın çatırı adamdar menen birge. Kuday alar menen jaşayt, alar Anın eli boluşat. Kuday Özü alar menen bolup, alardın Kudayı bolot.

⁴Kuday alardın bardık köz jaşın aarçıyt. Ölüm degen bolboyt. Iy degen, ökürük degen, ooru degen bolboyt, antkeni murunkunun baarı ötüp ketken».

⁵Anan taktıda Oturgan mınday dedi: «Mına, Men bardıgın jaŋı jaratıp jatam». Anan maga mınday dedi: «Jaz, antkeni bul sözdör tuura jana çındık».

⁶Anan maga mınday dedi: «Atkarıldı! Men Alpamın jana Omegamın, başımın jana ayagımın. Suusaganga tirüü suunun başatınan suunu beker berem.

⁷Jeŋip çıkkan adam bardıgın muraska alat, Men anın Kudayı bolom, al Menin uulum bolot.

⁸Korkoktor jana işenbegender, kara nietter jana kişi öltürgüçtör, buzulgandar jana sıykırçılar, butka tabınuuçular jana bardık jalgançılar küyüp jatkan kükürttüü kölgö ırgıtılışat: bul – ekinçi ölüm».

⁹Akırkı jeti alaamat tolturulgan jeti çöyçök karmagan jeti periştenin biri maga kelip: «Jür, men saga koluktunu – Kozunun üylönö turgan ayalın körsötöm», – dedi.

¹⁰Anan al meni Ruh arkıluu çoŋ jana biyik toogo alıp çıgıp, asmandan, Kudaydan tüşkön uluu, ıyık İerusalim şaarın körsöttü.

¹¹Al Kudaydın daŋkına tolup turgan ele. Anın şam çıragı asıl taşka, kristall sıyaktuu tunuk yaspis taşına okşoş eken.

¹²Anın çoŋ jana biyik dubalı, on eki darbazası bar ele. Darbazalardın üstündö on eki perişte, darbazalardın betinde Israyıl uuldarının on eki uruusunun attarı jazılıptır:

¹³çıgış tarapta üç darbaza, tündük tarapta üç darbaza, tüştük tarapta üç darbaza, batış tarapta üç darbaza bar eken.

¹⁴Şaardın dubalının paydubalı on eki taştan turat eken, alardın betine Kozunun on eki elçisinin ısımı jazılıptır.

¹⁵Meni menen süylöşköndün kolunda şaardı, anın darbazaların jana dubalın çeney turgan altın tayagı bar eken.

¹⁶Şaar tört burçtuk türündö ele, anın uzundugu menen tuurası birdey eken. Al şaardı tayak menen çenegende, on eki miŋ stadiy boldu: uzundugu, tuurası jana biyiktigi birdey.

¹⁷Al anın dubalın da çenedi: perişte adamdar koldongon çen menen çenegende, bir jüz kırk tört çıkanak boldu.

¹⁸Anın dubalı yaspis taşınan turguzuluptur, şaar bolso tunuk aynekke okşoş taza altından ele.

¹⁹Şaardın dubalının paydubalı ar kanday asıl taştardan eken: birinçi negizgi taş – yaspis, ekinçisi – sappir, üçünçüsü – halkidon, törtünçüsü – zımırıt,

²⁰beşinçisi – sardoniks, altınçısı – kızıl agat, jetinçisi – hrizolit, segizinçisi – berill, toguzunçusu – topaz, onunçusu – sarı zımırıt, on birinçisi – giatsint, on ekinçisi – ametist.

²¹On eki darbazası – on eki bermet. Ar bir darbazası özünçö bermetten jasalgan ele. Şaardın köçösü – tunuk aynek sıyaktuu taza altın.

²²Men al şaardan iybadatkananı körgön jokmun, antkeni bardıgın karmap turuuçu Kuday-Teŋir jana Kozu anın iybadatkanası eken.

²³Şaar kündün da, aydın da jarık kılıp turuusuna muktaj emes eken, antkeni anı Kudaydın daŋkı jarık kılıp turdu, anın şam çıragı – Kozu Özü.

²⁴Kutkarılgan elder anın jarıgı astında basıp jürüşöt, jer üstündögü padışalar özdörünün atak-daŋkın şaarga alıp kelişet.

²⁵Anın darbazaları kündüz bekitilbeyt, antkeni al şaarda tün bolboyt.

²⁶Al şaarga elderdin atak-daŋkın jana urmat-sıyın alıp kelişet.

²⁷Al şaarga eç bir taza emes nerse kirbeyt, jiyirkeniçtüü jana jalgan işterdi jasagan eç bir adam kirbeyt, ısımı Kozunun ömür kitebine jazılgandar gana kirişet.