Read NT LS 2005 – Инжил ЛС (2005 Ayan 22 Bible Online

Ayan 22 - NT LS 2005 – Инжил ЛС (2005 bible

Ayan 22

¹Anan al maga Kudaydın jana Kozunun taktısınan agıp çıgıp jatkan ömür suusunun kristallday tunuk darıyasın körsöttü.

²Anın köçösünün ortosunda, darıyanın arkı tarabında da, berki tarabında da ömür daragı ösüp turuptur. Al ay sayın, bir jılda on eki jolu jemiş beret eken. Anın jalbıraktarı elderdi ayıktıruuga arnalıptır.

³Al şaarda kargışka kalgan eç nerse bolboyt. Al jerde Kudaydın jana Kozunun taktısı bolot, Aga Özünün kuldarı kızmat kılışat.

⁴Alar Anın jüzün körüp turuşat, alardın çekesinde Anın ısımı jazıluu bolot.

⁵Al jerde tün bolboyt, alar şam çıraktın jarıgına je kündün jarıgına muktaj boluşpayt, antkeni Kuday-Teŋir Özü alardın üstünön jarkırap turat. Alar tübölükkö padışaçılık kılışat.

⁶Anan al maga mınday dedi: «Bul sözdör tuura jana çındık, ıyık paygambarlardın Kuday-Teŋiri jakında emne bolo turgandıgın Özünün kuldarına körsötüü üçün, Özünün periştesin jiberdi».

⁷Iysa mınday deyt: «Mına, Men jakında kelem. Bul kiteptegi paygambarçılıktardı karmangan adam baktıluu».

⁸Men, Jakan, uşunu kördüm jana uktum. Men munu ukkandan kiyin jana körgöndön kiyin, maga uşunu körsötkön periştege taazim kıluu üçün, butuna jıgıldım.

⁹Birok al maga mınday dedi: «Mınday kılba, antkeni men senin, senin bir tuugandarıŋ bolgon paygambarlardın jana uşul kiteptegi sözdördü saktagandardın kızmattaşımın. Kudayga taazim kıl».

¹⁰Anan al maga mınday dedi: «Bul kiteptegi paygambarçılıktarga möör basıp bekitpe, antkeni ubakıt jakındap kaldı.

¹¹Adiletsiz işterdi jasagan adam adiletsiz işterin jasay bersin, ıpılas adam ıpılas işterin jasay bersin. Al emi adil adam adil işterin jasay bersin, ıyık adam ıyıktala bersin».

¹²Iysa mınday deyt: «Mına, Men jakında kelem. Ar bir adamga işterine jaraşa bere turgan sıylıgımdı ala kelem.

¹³Men Alpamın jana Omegamın, birinçimin jana akırkımın, başımın jana ayagımın.

¹⁴Ömür daragının jemişinen jegenge jana şaarga darbaza arkıluu kirüügö ukuk aluu üçün kiyimderin juugandar baktıluu.

¹⁵Şaardın sırtında bolso – itter jana sıykırçılar, buzulgandar jana kişi öltürgüçtör, butka tabınuuçular, jalgandı süyüüçülör jana adiletsiz işterdi kıluuçular.

¹⁶Men, Iysa, uşunu silerge Jıyındarda kübölöndürüşü üçün, Özümdün periştemdi jiberdim. Men Dööttün tukumunan çıkkan taŋkı jarık jıldızmın».

¹⁷Ruh menen koluktu: «Kel!» – deşet. Munu ukkan da: «Kel!» – desin. Suusagan kelsin, kaalooçu ömür suusun beker ele alsın.

¹⁸Men, Jakan, bul kiteptegi paygambarçılıktardı ukkan ar bir adamga eskertemin: kim alarga bir nerse koşo turgan bolso, Kuday aga bul kitepte jazılgan alaamattardı koşup beret.

¹⁹Kim bul paygambarçılıktar jazılgan kiteptegi sözdördön bir nerse alıp salsa, Kuday andan ömür daragındagı jana ıyık şaardagı ülüşün, oşondoy ele bul kitepte jazılgan ülüşün alıp koёt.

²⁰Munu kübölöndürüüçü mınday deyt: «Ooba, Men jakında kelem!» Oomiyin. Ooba, kel, Teŋir Iysa!

²¹Bizdin Teŋiribiz Iysa Maşayak bardıgıŋarga ırayımın tögö bersin!Oomiyin.