Read NT LS 2005 – Инжил ЛС (2005 Ayan 3 Bible Online

Ayan 3 - NT LS 2005 – Инжил ЛС (2005 bible

Ayan 3

¹Sardestegi Jıyındın periştesine mınday dep jaz: Kolunda Kudaydın jeti Ruhu jana jeti jıldız bar Teŋir mınday deyt: “Men senin işteriŋdi bilem. Sen tirüü bolup atalıp jürgönüŋ menen ölüksüŋ.

²Sergek bol, ölüm aldında turgan nerseleriŋdi bekemde, antkeni Men senin işteriŋdi Kudayımdın aldında jetkileŋ dep tappadım.

³Emneni kabıl alganıŋdı, emneni ukkanıŋdı estep, oşonu sakta, tobo kıl. Egerde sen sergek bolbosoŋ, anda Men saga uuru sıyaktuu kelem, Menin kaysı saatta kelerimdi bilbey kalasıŋ.

⁴Birok senin Sardeste bir neçe kişiŋ bar, alar kiyimderin kirdetişken jok. Alar ak kiyimderin kiyip, Meni menen jürüşöt, antkeni alar oşogo tatıktuu.

⁵Jeŋgen adam ak kiyim kiet. Men anın ısımın ömür kitebinen öçürböym, anın ısımın Atamdın aldında jana Anın periştelerinin aldında açık taanıym.

⁶Kimdin kulagı bar bolso, al Ruhtun Jıyındarga emne dep aytıp jatkanın uksun”.

⁷Piladelpiyadagı Jıyındın periştesine mınday dep jaz: Iyık, Çınıgı, Dööttün açkıçın alıp jürüüçü Teŋir (Al açsa, eç kim jaba albayt; Al japsa, eç kim aça albayt) mınday deyt:

⁸“Men senin işteriŋdi bilem. Mına, Men senin aldıŋda eşikti açıp koydum, anı eç kim jaba albayt. Antkeni sen küçüŋ az bolgonuna karabastan, Menin sözümdü saktadıŋ, Menin ısımımdan baş tartkan joksuŋ.

⁹Mına, Men şaytanga taandık toptogu adamdardın kee biröölörün, jüyüt emes boluşsa da, jüyütpüz dep kalp aytkandardı, senin aldıŋa alıp kelip, taazim kıldıram, oşondo alar Menin seni süygöndügümdü bilişet.

¹⁰Sen Menin çıdamkaylık jönündögü sözümdü saktadıŋ, oşonduktan Men da seni jer üstündö jaşagandardın sınaluusu üçün büt düynödö bolo turgan sınoo ubagınan saktap kalam.

¹¹Men jakında kelem. Biröö senin taajıŋdı tartıp albaş üçün, emneŋ bar bolso, oşonu bekem karma.

¹²Jeŋip çıkkan adamdı Men Kudayımdın iybadatkanasının tirööçü kılam, al oşol jerden eç kaçan çıkpayt. Tirööçtün betine Men Kudayımdın ısımın jana Kudayımdın şaarının atın, Kudayımdan, asmandan tüşkön jaŋı İerusalimdin atın jana Özümdün jaŋı ısımımdı jazıp koёm.

¹³Kimdin kulagı bar bolso, al Ruhtun Jıyındarga emne dep aytıp jatkanın uksun”.

¹⁴Laodikeyadagı Jıyındın periştesine mınday dep jaz: Isımı Oomiyin, işenimdüü jana çınıgı kübö, Kudaydın jaratuusunun baştalışı, mınday deyt:

¹⁵“Senin işteriŋdi bilem. Sen muzdak da, ısık da emessiŋ. Ataganat, sen muzdak je ısık bolsoŋ emne!

¹⁶Sen ısık da, muzdak da emes, jıluu bolgonuŋ üçün, Men seni oozumdan bürküp çıgarıp salam.

¹⁷Antkeni sen: "Men baymın, bayıp kaldım, eç nersege muktaj emesmin", – dep aytıp jatasıŋ. Birok sen özüŋdün baktısız, ayanıçtuu, jakır, sokur jana jılaŋaç ekendigiŋdi bilbeysiŋ.

¹⁸Men saga mınday keŋeş berem: bayışıŋ üçün, sen Menden otko tazalangan altın satıp algın; jılaŋaç etiŋ körünböş üçün, Menden ak kiyim satıp alıp kiy; közüŋ körüş üçün, Menden közdün mayın satıp alıp, közüŋö sıypa.

¹⁹Men kimdi süysöm, oşolordu aşkerelep, jazalaym. Oşonduktan tırışçaak bol jana tobo kıl.

²⁰Mına, Men eşiktin aldında turup, eşikti çertip jatam. Kim Menin ünümdü ugup, eşigin açsa, Men anıkına kirip, anı menen birge tamak içem, al da Meni menen birge tamak içet.

²¹Men jeŋip çıgıp, Atamdın janına, Anın taktısına oturganımday ele, jeŋip çıkkan adamdı Özümdün janıma, taktıma oturguzam.

²²Kimdin kulagı bar bolso, al Ruhtun Jıyındarga emne dep aytıp jatkanın uksun”».