Read NT LS 2005 – Инжил ЛС (2005 Ayan 6 Bible Online

Ayan 6 - NT LS 2005 – Инжил ЛС (2005 bible

Ayan 6

¹Anan men Kozunun jeti möördün birinçisin açkanın kördüm. Andan kiyin tört tirüü jandıktın birinin kündün kürkürögönündöy bolgon ün menen: «Kelip kara», – degenin uktum.

²Men barıp karap, ak at çıkkanın kördüm. Anı minip turgandın jaası bar eken. Aga taajı berildi. Al jeŋüüçü katarı jeŋüü üçün çıktı.

³Al ekinçi möördü açkanda, ekinçi tirüü jandıktın: «Kelip kara», – degenin uktum.

⁴Oşondo jeerde at çıktı. Adamdar biri-birin öltürüşü üçün, al attı minip turganga jer üstünön tınçtıktı alıp saluu ukugu berildi. Anan aga çoŋ kılıç berildi.

⁵Al üçünçü möördü açkanda, men üçünçü tirüü jandıktın: «Kelip kara», – degenin uktum. Karasam, kara at çıktı, anı minip turgandın kolunda taraza bar eken.

⁶Oşondo men tört tirüü jandıktın ortosunan mınday dep süylögön ündü uktum: «Bir çenem buuday bir dinariy, üç çenem arpa bir dinariy bolsun, al emi may menen şarapka kol tiygizbe».

⁷Al törtünçü möördü açkanda, törtünçü tirüü jandıktın: «Kelip kara», – degenin uktum.

⁸Karasam, boz at çıktı, anı minip turgandın ısımı «Ölüm» eken. Anın artınan ölgöndör jatkan jay eerçip alıptır. Aga jerdin törtünçü bölügün kılıç jana açkaçılık menen, juguştuu ooru jana jırtkıçtar menen öltürüügö biylik berildi.

⁹Al beşinçi möördü açkanda, men kurmandık çalınuuçu jaydın aldınan Kudaydın sözü üçün jana özdörünün kübölöndürüüsü üçün öltürülgön adamdardın jandarın kördüm.

¹⁰Alar ündörün biyik çıgarıp, mınday dep kıykırıp jatıştı: «Iyık jana çınıgı Egeder, kaçankıga çeyin sot jürgüzböysüŋ, kaçankıga çeyin bizdin kanıbız üçün jer üstündö jaşagandardan öç albaysıŋ?»

¹¹Oşondo alardın ar birine ak kiyim berildi jana alarga: «Kızmattaştarıŋar menen bir tuugandarıŋar da silerdey bolup öltürülüp, belgilengen sandı toluktaganga çeyin, dagı bir az ubakıt tınçtana turgula», – dep aytıldı.

¹²Al altınçı möördü açkanda, karasam, katuu jer titiröö boldu, kün zumbal sıyaktuu karardı, ay kan sıyaktuu kızardı.

¹³Katuu şamaldan anjır daragının bışa elek mömölörü kübülüp tüşkön sıyaktuu, asmandagı jıldızdar jerge tüştü.

¹⁴Asman da türülgön kagaz sıyaktuu türülüp jok boldu. Bardık toolor, bardık araldar ordunan jıldı.

¹⁵Jer üstündögü padışalar da, başçılar da, baylar da, miŋ başılar da, küçtüülör da, kuldar da, erkin adamdar da üŋkürlörgö jana kapçıgaylarga jaşınıp,

¹⁶toolorgo jana askalarga: «Istübüzgö kulap, bizdi taktıda Oturgandın jüzünön jana Kozunun kaarınan jaşıra körgülö.

¹⁷Antkeni Anın kaarı tögülö turgan uluu kün keldi, aga kim turuştuk bere alat?» – deşti.