Read NT LS 2005 – Инжил ЛС (2005 Rut 1 Bible Online

Rut 1 - NT LS 2005 – Инжил ЛС (2005 bible

Rut 1

¹Başkaruuçular başkarıp turgan kündörü Jüyüt aymagında açarçılık boldu. Jüyüt aymagının Beyt-Lehem şaarınan bir kişi ayalı, eki uulu menen Maap talaalarına jaşaganı ketti.

²Al kişinin ısımı Elimelek, ayalının ısımı Naami, al emi eki uulunun ısımdarı Mahlon jana Kiliyon ele. Alar Jüyüt jerinin Beyt-Leheminen çıkkan epratalıktar ele. Alar Maap talaalarına kelip, oşol jerde kalıştı.

³Naaminin küyöösü Elimelek köz jumup, Naami eki uulu menen kaldı.

⁴Alar Maap kızdarınan ayal alıştı. Birinin ısımı Orpa, ekinçisinin ısımı Rut ele. Alar oşol jerde on jılga jakın jaşaştı.

⁵Birok anın eki uulu teŋ: Mahlon da, Kiliyon da köz jumdu. Al ayal eki uulu menen küyöösünön ajırap, jalgız kaldı.

⁶Oşondo al kelinderi menen Maap talaalarınan çıgıp, kayra öz jerine jönödü, antkeni Maap talaalarında jaşap turganda, Kuday Öz eline kelgenin, alarga nan bergenin uktu.

⁷Al jaşap turgan jerinen çıktı, anı menen koşo eki kelini da jönödü. Jüyüt jerine kaytıp bara jatkan joldo Naami eki kelinine:

⁸«Bargıla, ar biriŋer öz eneŋerdin üyünö kaytkıla. Markumdarga jana maga kılganıŋarga jaraşa Teŋir silerge ırayım kılsın!

⁹Teŋir batasın berip, ekööŋ teŋ küyöögö çıgıp, baş paana tapkıla!» – dedi. Anan alardı öptü, birok alar burkurap ıylap:

¹⁰«Jok, biz seni menen koşo senin eliŋe kaytabız», – deşti.

¹¹Naami bolso mınday dedi: «Kaytkıla, kızdarım. Meni menen barıp emne kılasıŋar? Menin içimde silerge küyöö bolo turgan baldarım bar beken?

¹²Kaytkıla, kızdarım, bargıla. Men emi küyöögö tiygidey, jaş emesmin. Egerde men: “Menden dagı ele ümüttönsöŋör bolot”, – desem da, atügül, uşul tünü küyööm menen bolup, uulduu bolsom da,

¹³alar çoŋoyguça kütüp jürmök beleŋer? Küyöögö çıkpay jürö bermek beleŋer? Jok, kızdarım, silerdi oylop, ayabay kapalanıp jatam, antkeni Teŋirdin kolu maga karşı kötörüldü».

¹⁴Alar kayradan burkurap ıylay baştaştı. Oşondo Orpa kayın enesi menen koştoştu, Rut bolso anı menen kaldı.

¹⁵Naami Rutka: «Mına, keliniŋ öz eline, öz kudaylarına kayttı. Keliniŋdin artınan sen da kayt», – dedi.

¹⁶Birok Rut: «Seni taştap, kaytıp ketüügö meni majburlaba. Sen kayda barsaŋ, men da oşol jakka baram; sen kaysı jerde jaşasaŋ, men da oşol jerde jaşaym. Senin eliŋ menin elim, senin Kudayıŋ menin Kudayım bolot.

¹⁷Sen kaysı jerde ölsöŋ, men da oşol jerde ölöm, söögüm oşol jerge koyulat. Teŋir meni jazalasın, katuu jazalasın. Meni senden ölüm gana ajıratat», – dedi.

¹⁸Naami Ruttun özü menen birge ketüünü bekem çeçkenin körüp, köndürgönün toktottu.

¹⁹Oşentip, eköö Beyt-Lehemge çoguu kelişti. Alar Beyt-Lehemge kelgende, büt şaar kıymılga kelip: «Bul Naamibi?» – deşti.

²⁰Naami alarga: «Meni Naami dep çakırbagıla, meni Mara dep çakırgıla, antkeni Bardıgın Karmap Turuuçu meni oor kaygıga saldı.

²¹Men bul jaktan tügöl ketkem, birok Teŋir meni kuru kol kaytardı. Teŋir meni ayıptagan soŋ, Bardıgın Karmap Turuuçu başımdı kaygıga salgan soŋ, meni Naami dep çakıruunun emne keregi bar?» – dedi.

²²Oşentip, Naami kaytıp keldi. Anı menen koşo Maap talaalarınan kelgen maaptık kelini Rut kaytıp keldi. Alar Beyt-Lehemge arpa orula baştaganda kelişti.