Read NT LS 2005 – Инжил ЛС (2005 Rut 2 Bible Online

Rut 2 - NT LS 2005 – Инжил ЛС (2005 bible

Rut 2

¹Naaminin küyöösü Elimelektin Buuz degen uruulaş tuuganı bar ele, al ataktuu adam bolçu.

²Maaptık Rut Naamige: «Men talaaga barayın, kimden ırayım tapsam, oşonun artınan maşak tereyin», – dedi. Naami aga: «Bara koy, kızım», – dedi.

³Rut talaaga kelip, orokçulardın artınan maşak terip jürdü. Al talaa Elimelektin uruulaş tuuganı Buuzga taandık ele.

⁴Oşol uçurda Buuz Beyt-Lehemden kelip, orokçularga: «Teŋir siler menen bolsun!» – dedi. Alar aga: «Teŋir saga batasın bersin!» – deşti.

⁵Anan Buuz orokçularının başında turgan kızmatçıdan: «Bul jaş kelin kimdin ayalı?» – dep suradı.

⁶Orokçulardın başında turgan kızmatçı mınday dep joop berdi: «Bul jaş kelin – Maap talaalarınan Naami menen koşo kelgen maaptık ayal.

⁷Al maga: “Men orokçulardın artınan, boolordu aralap maşak terip alayın”, – dep, erteŋ menenden beri uşul jerde jüröt. Al üyündö az bolot».

⁸Oşondo Buuz Rutka: «Kulak salçı, kızım, sen başka talaaga maşak tergeni barba, bul jerden ketpe, uşul jerde menin kızmatçı ayaldarım menen birge bol.

⁹Alar orgon talaadan or, alardın artınan kalba. Kızmatçılarıma saga tiyböönü buyruk kıldım. Suu içkiŋ kelse, barıp, kızmatçılarım suzup alıp içken idişterden iç», – dedi.

¹⁰Rut jüztömöndöp jıgılıp, jerge çeyin iyilip taazim kıldı da, aga: «Jat jerlik bolgonuma karabastan, meni kabıl algıday, men senin aldıŋda emnem menen ırayım taptım?» – dedi.

¹¹Buuz mınday dep joop berdi: «Maga bardıgın aytıştı, küyööŋ ölgöndön kiyin kayın eneŋ üçün emne kılganıŋdı, öz ataŋdı, öz eneŋdi, ata mekeniŋdi taştap, murun bilbegen, çooçun elge kelgeniŋdi uktum.

¹²Bul işiŋ üçün Teŋir saga tieşeŋdi bersin, Israyıldın Kudayınan saga toluk sıylık berilsin, antkeni sen Anın kanatının astınan tınçtık tabuu üçün keldiŋ!»

¹³Oşondo Rut aga: «Senin aldıŋda ırayım tapsam eken, mırzam! Küŋdörüŋdün içinen bir küŋüŋdün kununa tatıbasam da, jürögümö jakkan sözdördü aytıp, köŋülümdü kötörüp koyduŋ», – dedi.

¹⁴Buuz tüşkü tamak ubagında Rutka: «Beri kelip nan je, nanıŋdı suusundukka malıp je», – dedi. Al orokçulardın janına oturdu. Buuz aga nan alıp berdi. Al nandan toygonço jedi, nanınan dagı artıp kaldı.

¹⁵Anan al maşak tergeni turdu. Buuz kızmatçılarına mınday dep buyruk berdi: «Bul kelin boolordun arasınan maşak tere bersin, anı taarıntpagıla.

¹⁶Aga boolordon da ırgıtıp, kaltırıp turgula, terip alsın, anı uruşpagıla».

¹⁷Oşentip, al talaada keçke çeyin maşak terip jürdü. Terip algan danın bastırganda, bir eypaga jakın arpa boldu.

¹⁸Arpasın alıp, şaarga ketti. Anın terip kelgenin kayın enesi kördü. Rut özü toygondon kiyin kaltırıp koygon nandı koynunan çıgarıp, kayın enesine berdi.

¹⁹Kayın enesi Rutka: «Sen bügün kaysı jerden terdiŋ, kaysı jerde iştediŋ? Seni kabıl algan kişige Kuday batasın bersin!» – dedi. Rut kayın enesine kimdikinde iştegenin ayttı: «Men bügün Buuz degen kişinin talaasında iştedim».

²⁰Oşondo Naami kelinine: «Tirüülörgö da, ölgöndörgö da ırayım körsötkönü üçün, aga Teŋir batasın bersin!» – dedi. Anan Naami aga: «Al bizdin jakın tuuganıbız bolot», – dedi.

²¹Maaptık Rut: «Atügül, al maga: “Oruu-jıyuu bütkönçö, menin kızmatçı ayaldarım menen birge bol”, – dep ayttı», – dedi.

²²Oşondo Naami kelini Rutka: «Anın kızmatçı ayaldarı menen çoguu bolgonuŋ jakşı, kızım, seni başka talaadagılar kordoşpoyt», – dedi.

²³Oşentip, al Buuzdun kızmatçı ayaldarı menen birge bolup, arpa orumu menen buuday orumu bütkönçö, maşak terip, kayın enesinin üyündö jaşap turdu.