Read NT LS 2005 – Инжил ЛС (2005 Rut 3 Bible Online

Rut 3 - NT LS 2005 – Инжил ЛС (2005 bible

Rut 3

¹Anan aga kayın enesi Naami mınday dedi: «Kızım, özüŋö jakşı boluşu üçün, baş paana tapsaŋ kantet?

²Sen kızmatçı ayaldarı menen bolgon Buuz bizdin tuuganıbız. Al uşul tünü kırmanda arpa sapırat.

³Juunup, jıpar jıttuu may süykönüp, jakşı kiyimiŋdi kiyip, kırmanga bar, al jep-içip bütkönçö, közünö körünbö.

⁴Al uktaganı jatkanda, kaysı jerge jatkanın bil da, barıp, but jagın açıp, jatıp al. Al saga emne kıluunu aytat».

⁵Rut aga: «Men senin aytkanıŋdın baarın kılam», – dep joop berdi.

⁶Rut kırmanga barıp, kayın enesi aytkanday kıldı.

⁷Buuz içip-jep, köŋülün kötörgöndön kiyin, üymöktün janına barıp jattı. Oşondo Rut akırın kelip, anın but jagın açıp, jatıp aldı.

⁸Tün ortosunda al çoçup oygonup, ordunan turup karasa, but jagında bir ayal jatıptır.

⁹Oşondo Buuz andan: «Sen kimsiŋ?» – dep suradı. Rut aga: «Men senin küŋüŋ Rutmun. Küŋüŋö kanatıŋdı jay, antkeni sen tuugansıŋ», – dedi.

¹⁰Buuz mınday dedi: «Teŋir saga batasın bersin, kızım! Sen jakırlar menen baylardın arasınan jaş adam izdegen joksuŋ, bul kılganıŋ murunku işiŋden da jakşı boldu.

¹¹Oşonduktan korkpo, kızım, sen aytkandın baarın jasaym. Antkeni menin şaarımdagı eldin baarı senin jakşı ayal ekeniŋdi bilet.

¹²Menin tuugan ekenim ıras, birok menden da jakın tuuganıŋ bar.

¹³Bul tünü uşul jerde tünö. Erteŋ ele, egerde al tuugan seni kabıl alsa, anda jakşı bolot, kabıl alsın. Egerde al seni kabıl algısı kelbese, anda men özüm kabıl alam. Teŋir tirüü! Taŋ atkanga çeyin jata tur».

¹⁴Oşentip, al taŋ atkanga çeyin anın but jagında jattı. Anan al biri-birinin öŋün ajırata algan ubakka çeyin ele turup ketti. Buuz: «Kırmanga ayal kelgenin bilişpesin», – dedi.

¹⁵Anan Rutka: «Istüŋdögü sırt kiyimiŋdi ber, anı karmap tur», – dedi. Al karmap turdu. Oşondo Buuz aga altı çenem arpa ölçöp, iynine salıp berdi. Özü şaarga ketti.

¹⁶Rut bolso kayın enesine keldi. Kayın enesi: «Emne bolduŋ, kızım?» – dep suradı. Rut aga Buuzdun emne kılganının bardıgın aytıp berdi.

¹⁷Anan: «Al maga bul altı çenem arpanı berip: “Kayın eneŋe kuru kol barba”, – dep ayttı», – dedi.

¹⁸Kayın enesi: «İş emne menen bütörün bilgiçe, kütö tur, kızım. Antkeni al kişi işti bügün bütürmöyünçö jay albayt», – dedi.