Read NT LS 2005 – Инжил ЛС (2005 Rut 4 Bible Online

Rut 4 - NT LS 2005 – Инжил ЛС (2005 bible

Rut 4

¹Buuz şaar darbazasının aldına barıp oturdu. Oşol uçurda anın janınan özü aytkan tuuganı ötüp bara jatkan ele. Buuz aga: «Beri kel, bul jerge otur», – dedi. Al kelip oturdu.

²Buuz şaar aksakaldarınan on kişini çakırıp alıp, alarga: «Bul jerge oturgula», – dedi. Alar oturuştu.

³Oşondo Buuz jakın tuuganına: «Maap talaalarınan kaytıp kelgen Naami bizdin tuuganıbız Elimelekke taandık jerdin bir bölügün satıp jatat.

⁴Senin kulagıŋa uguzayın, aytayın dep çeçtim: bul jerde oturgandardın jana elimdin aksakaldarının közünçö anı kunun tölöp kayrıp al. Egerde kunun tölöp kayrıp algıŋ kelse, kayrıp al. Anday kılgıŋ kelbese, maga ayt, men bilgidey boloyun. Antkeni senden bölök eç kim kunun tölöp kayrıp ala albayt. Senden kiyinki ele jakın tuuganı menmin», – dedi. Al: «Kunun tölöp kayrıp alam», – dedi.

⁵Buuz: «Naaminin jerin kayrıp algıŋ kelse, markumdun ayalı maaptık Ruttukun koşo kayrıp alışıŋ kerek, ülüşü markumdun naamında kalışı üçün, Ruttu ayaldıkka alışıŋ kerek», – dedi.

⁶Oşondo al tuuganı: «Men anı ala albaym, ülüşüm buzulup kalat. Anı sen kabıl al, men kabıl ala albaym», – dedi.

⁷Murun Israyıl elinde satıp aluuda jana almaşuuda, ar bir işti bekemdeş üçün mınday salt bolgon: biri özünün but kiyimin çeçip, ekinçisine bergen, bul Israyılda kübölük katarı bolgon.

⁸Anan tuuganı Buuzga: «Özüŋ satıp al», – dedi da, but kiyimin çeçti.

⁹Oşondo Buuz aksakaldarga jana büt elge: «Menin Naamiden Elimelektin büt jerin, Kiliyon menen Mahlondun büt jerin satıp alıp jatkanıma siler azır kübösüŋör.

¹⁰Ülüşü markumdun naamında kalışı üçün, markumdun ısımı bir tuugandarının arasında jana jaşagan jerinde öçpöşü üçün, Mahlondun ayalı maaptık Ruttu ayaldıkka alıp jatam. Siler bügün buga kübösüŋör», – dedi.

¹¹Darbazanın aldında turgan büt el jana aksakaldar mınday deşti: «Biz küböbüz, üyüŋö kirgen ayaldı Teŋir Israyıldın tukumun ulagan Rahel menen Leyaday kılsın. Epratada baylıkka ee bol, Beyt-Lehemde ısımıŋ daŋazalansın.

¹²Teŋir saga uşul jaş ayaldan bere turgan tukum Tamar Jüyütkö töröp bergen Perestin tukumunday bolsun».

¹³Oşentip, Buuz Ruttu aldı, Rut anın ayalı bolup kaldı. Al Rutka jakındadı, Teŋir berip, anın boyuna bütüp, uul törödü.

¹⁴Oşondo ayaldar Naamige mınday deşti: «Teŋirge daŋk, Al seni muraskorsuz kaltırgan jok! Anın ısımı Israyılda daŋktalsın!

¹⁵Al saga kubanıç tartuulayt, karıganıŋda bagat, antkeni anı seni jakşı körgön, sen üçün jeti uuldan artık bolgon keliniŋ töröp berdi».

¹⁶Naami al balanı alıp, koynuna salıp kötörüp jürdü, anın bakma enesi boldu.

¹⁷Koşuna ayaldar: «Naami uulduu boldu», – dep, balanın atın Obeyt koyuştu. Al – Dööttün atası Jışaydın atası.

¹⁸Perestin sanjırası mınday: Peresten Hesron törölgön;

¹⁹Hesrondon Ram törölgön; Ramdan Aminadap törölgön;

²⁰Aminadaptan Nahşon törölgön; Nahşondon Salmon törölgön;

²¹Salmondon Buuz törölgön; Buuzdan Obeyt törölgön;

²²Obeytten Jışay törölgön; Jışaydan Dööt törölgön.