Read NT LS 2005 – Инжил ЛС (2005 1 Şemuel 1 Bible Online

1 Şemuel 1 - NT LS 2005 – Инжил ЛС (2005 bible

1 Şemuel 1

¹Eprayım toosundagı Ramatayım-Sopim şaarında Elkana attuu epratalık adam jaşagan. Al Jerohamdın uulu ele. Jeroham Eylinin, Eyli Tohunun, Tohu Zuptun uulu bolgon.

²Elkananın eki ayalı bolgon: biröönün ısımı – Anna, ekinçisinin ısımı – Penina. Peninanın baldarı bar ele, Annanıkı bolso jok bolçu.

³Al kişi Sebayot Teŋirge tabınıp, kurmandık çaluu üçün, öz şaarınan jıl sayın Şilogo barçu. Al jerde Teŋirdin ıyık kızmat kıluuçuları Kopni jana Pinehas degen Eylinin eki uulu bolgon.

⁴Elkana kurmandık çalgan kündörü ayalı Peninaga jana anın büt uul-kızdarına kurmandık tamaktan bölüp berçü.

⁵Annaga bolso özgöçö bölügün berçü, antkeni Teŋir aga bala berbegenine karabay, anı süyçü.

⁶Teŋir Annaga bala berbegeni üçün, kündöşü anı dayıma kapa kılıp, anı naalıganga türtçü.

⁷Al jıl sayın Teŋirdin üyünö barganda, uşunday bolçu. Penina Annanı ıza kılçu, al ıylap, tamak jeçü emes.

⁸Oşondo küyöösü Elkana aga: «Anna! Emnege ıylaysıŋ, emne üçün tamak jebeysiŋ, emnege kaygırasıŋ? Men sen üçün on uuldan artık emesminbi?» – dedi.

⁹Alar Şilodo tamak jep bütköndön kiyin, Anna ordunan turup ketti. Oşol ubakta ıyık kızmat kıluuçu Eyli iybadatkananın kire berişinde oturguçta oturgan.

¹⁰Ayal kaygırıp, közünün jaşın köl kılıp ıylap, Teŋirge sıyındı.

¹¹Anan mınday dep ubada berdi: «Sebayot Teŋir! Eger Sen Öz küŋüŋdün kaygısına nazarıŋdı salsaŋ, meni esiŋe alıp, Öz küŋüŋdü unutpasaŋ, küŋüŋö erkek bala berseŋ, anda men anı ömürü ötkönçö Saga berem, başına ustara tiybeyt».

¹²Al Teŋirdin aldında köpkö sıyındı, oşol ubakta Eyli anın oozun karap turdu.

¹³Anna içinen süylöp jatkan, anın erinderi gana kıymıldap, ünü çıkpagandıktan, Eyli anı mas dep oylodu.

¹⁴Eyli aga: «Masıŋ kaçan tarayt? Sooluk», – dedi.

¹⁵Anna mınday dep joop berdi: «Jok, mırzam, men kaygıga malıngan ayalmın, şarap da, içkilik da içken jokmun, Teŋirdin aldında jürögümdögünü tögüp jatam.

¹⁶Küŋüŋdü naçar ayal dep oylobo, sebebi kaygı-kapam oor bolgonduktan, uşuga çeyin süylöp jattım».

¹⁷Oşondo Eyli: «Tınçtık menen bar, Israyıldın Kudayı suraganıŋdı bersin», – dedi.

¹⁸Ayal bolso: «Küŋüŋ senin aldıŋda ırayım tapsın!» – dedi da, öz joluna tüştü. Tamak içti, jüzü murdagıday kapaluu bolboy kaldı.

¹⁹Alar erteŋ menen erte turup, Teŋirge tabınıştı da, Ramadagı üyünö kaytıp kelişti. Elkana ayalı Annaga jakındadı, Teŋir al ayaldı estedi.

²⁰Bir neçe ubakıttan kiyin Annanın boyuna bütüp, uul törödü da: «Anı Teŋirden surap aldım», – dep, aga Şemuel degen at koydu.

²¹Küyöösü Elkana büt üy-bülösü menen Teŋirge jıl sayın çalınuuçu kurmandıktı çaluu üçün jana öz ubadasın atkaruu üçün ketti.

²²Anna bolso bargan jok. Küyöösünö: «Men balanı emçekten çıkkandan kiyin alıp baram, al Teŋirdin aldına barıp, oşol jerde tübölükkö kalat», – dep ayttı.

²³Küyöösü Elkana aga: «Kaalaganıŋday bolsun. Al emçekten çıkkança kala ber, birok oozuŋdan çıkkan sözdü Teŋir Özü atkarsın», – dedi. Oşentip, ayalı üydö kaldı. Uulun emçekten çıgarganga çeyin emçek sütün berip baktı.

²⁴Anı emçekten çıgargandan kiyin, al üç bukaçar, bir eypa un, bir çanaç şarap jana balanı alıp, Şilogo, Teŋirdin üyünö keldi. Bala bolso jaş ele.

²⁵Alar bukaçardı soyuştu. Eylige balanı alıp kelişti.

²⁶Anan ayal: «O mırzam! Ömürüŋ uzun bolsun, mırzam! Bayagıda uşul jerde, senin janıŋda Teŋirge jalınıp sıyıngan ayal menmin.

²⁷Men Kudayga uşul balanı surap sıyıngam, Teŋirim maga suraganımdı berdi.

²⁸Men anı ömürü ötkönçö Teŋirge kızmat kıluuga berem», – dedi. Anan al Teŋirge oşol jerde iyilip taazim kıldı.