Read NT LS 2005 – Инжил ЛС (2005 1 Şemuel 23 Bible Online

1 Şemuel 23 - NT LS 2005 – Инжил ЛС (2005 bible

1 Şemuel 23

¹Döötkö: «Peliştilikter Keilaga kol salıp, kırmandardı talap jatışat», – dep bildirişti.

²Oşondo Dööt Teŋirge kayrılıp: «Barayınbı, bul peliştilikterdi talkalay alambı?» – dep suradı. Teŋir Döötkö: «Bar, sen peliştilikterdi talkalaysıŋ, Keilanı kutkarasıŋ», – dep joop berdi.

³Birok Dööttün janındagılar aga: «Jüyüt aymagında ele korkup turabız, anan kantip Keilaga, peliştilikterdin askerine karşı barabız?» – deşti.

⁴Oşondo Dööt Teŋirden kayra suradı. Teŋir aga: «Tur, Keilaga bar, antkeni Men peliştilikterdi senin koluŋa salıp berem», – dep joop berdi.

⁵Dööt öz kişileri menen Keilaga jönödü. Peliştilikter menen soguşup, alardın malın aydap ketti, alarga çoŋ bülgün saldı. Oşentip, Dööt Keilanın turgundarın kutkardı.

⁶Akimelektin uulu Abıyatar Döötkö kelip, anı menen Keilaga barganda, epoddu da ala bargan.

⁷Dööttün Keilaga kelgenin Şabulga bildirişti. Oşondo Şabul: «Anı Kuday menin koluma salıp berdi, antkeni al darbazaluu, kulpuluu şaarga kirip, özün özü bekitti», – dedi.

⁸Keilaga barıp, Dööttü jana anın kişilerin kurçoo üçün, Şabul bütkül eldi soguşka çakırdı.

⁹Dööt Şabuldun jamandık oylogonun bilgende, ıyık kızmat kıluuçu Abıyatarga: «Epoddu alıp kel», – dedi.

¹⁰Anan Dööt Teŋirge mınday dep kayrıldı: «Teŋir, Israyıldın Kudayı! Şabul Keilaga kelip, men üçün şaardı talkaların kuluŋ uktu.

¹¹Keilanın turgundarı meni anın koluna salıp berebi? Senin kuluŋ ukkanday, Şabul bul jakka kelebi? Israyıldın Kuday-Teŋiri! Öz kuluŋa açıp ber». Teŋir: «Kelet», – dep joop berdi.

¹²Dööt: «Keilanın turgundarı meni jana menin kişilerimdi Şabuldun koluna salıp berişebi?» – dep suradı. Teŋir: «Salıp berişet», – dep joop berdi.

¹³Oşondo Dööt özünün altı jüzgö jakın kişisi menen Keiladan çıgıp, bir jerden bir jerge köçüp jürdü. Dööt Keiladan kaçıp ketti dep, Şabulga bildirişkende, al jürüşün toktottu.

¹⁴Dööt bolso adam jürbögön een talaada, andan soŋ Zup een talaasındagı toodo jürdü. Şabul anı kün sayın izdedi, birok Kuday Dööttü anın koluna salıp bergen jok.

¹⁵Şabuldun öltürgönü çıkkanın Dööt bildi. Dööt bolso Zup een talaasındagı tokoydo bolçu.

¹⁶Şabuldun uulu Jonatan Döötkö, tokoygo kelip, anın Kudayga bolgon işenimin bekemdedi.

¹⁷Jonatan aga: «Korkpo, atam Şabul saga eç nerse kıla albayt, sen Israyılga padışa bolosuŋ, a men senden kiyinki ekinçi adam bolom, munu atam Şabul bilet», – dedi.

¹⁸Alar Teŋir aldında kelişim tüzüştü. Dööt tokoydo kaldı, Jonatan bolso üyünö ketti.

¹⁹Zuptuktar Gibaga, Şabulga kelip, mınday deşti: «Dööt bizdin jerde, Jeşimondun oŋ jagındagı Hahil döŋsöösündö, tokoydun kişi bara algıs jerinde jaşırınıp jüröt.

²⁰Emi padışam, kaalasaŋ, oşol jakka bar. Al emi anı padışanın koluna salıp berüü – bizdin iş».

²¹Şabul alarga: «Maga boor ooruganıŋar üçün, silerge Teŋir batasın bersin.

²²Bargıla da, kayradan karap körgülö, anın kaysı jerde ekenin çalgındap bilgile, anı al jerden kim körgönün suraştırgıla, antkeni maga anın ayabay amalduu ekenin aytıp jatışat.

²³Karap çıkkıla, al jaşıngan bardık jerlerdi çalgındap bilip, maga işenimdüü kabar menen kaytıp kelgile, oşondo men siler menen baram. Eger al uşul jerde bolso, men anı miŋdegen jüyüttördün arasınan bolso da izdep tabam», – dedi.

²⁴Alar turup, Şabuldan murun Zupka ketişti. Dööt bolso öz kişileri menen Jeşimondun oŋ tarabındagı tüzdüktö, Maon çölündö ele.

²⁵Şabul öz kişileri menen anı izdep çıktı. Birok bul jönündö Döötkö bildirişkende, al Maon çölündögü askaga jaşındı. Şabul munu ukkanda, Dööttün artınan Maon çölünö jönödü.

²⁶Şabul toonun bir jak beti menen kele jattı, Dööt bolso öz kişileri menen toonun berki betinde kele jattı. Dööt Şabuldan kaçuuga şaşılıp jattı, Şabul bolso öz kişileri menen Dööttü jana anın kişilerin kurçap alıp kolgo tüşürüü üçün kele jattı.

²⁷Oşol uçurda Şabulga kabarçı kelip: «Şaşılış kayt, antkeni bizdin jerge peliştilikter kol salıştı», – dedi.

²⁸Şabul Dööttü kuuganın toktotup, artka kayttı. Al peliştilikterdi közdöy bet aldı. Oşondon tartıp bul jer Sela-Amahlekot dep atalıp kaldı.