Read Kishambala Mateyo 19 Bible Online

Mateyo 19 - Kishambala bible

Mateyo 19

¹Yesu akibinda kulonga izi mbuli, azainuka kuja Galileya, azahita mwe shi ya Yudeya sheja ja muto wa Yolodani.

²Wantu wangi wazamtongela, azawahonya kuja.

³Mafaliseyo wazamwizila, wamγeze angwe: Kumbe nkavina ṅwiko, muntu akihalekana na muke?

⁴Azawalandula angwe: Nkamfyomile, kuti Kiumbe aho kale azaumba mγoshi na mvyele?

⁵Azawati: Ne vihokaleka, mγoshi akimwasha ishe na nine, aandakane na muke, awa waili waγaluke, viya ni ṅwili muṅwe.

⁶Kwa ivyoho awa so waili, miya ni ṅwili muṅwe. Kangi viya, Mulungu agombekezevyo, muntu ashezavigombola!

⁷Wamuti: Lushe ni zeze, Mose akilaγiliza kuinkana vyeti vya kukoma unyumba, vikibinda walekane?

⁸Angwe: Kwa mbuli ya kutoγa kwa myoyo yenyu Mose azamikundiza kulekana na wavyele wenyu; miya kuja kuandiila nkaviγosholwe ivyoho.

⁹Miya imi namiti: Muntu akilekana na muke, ati so kwa mbuli ya kilanga, akiγuwa mtuhu, alenda kilanga naye.

¹⁰Angwe ni wahina wakwe: Ati mbuli ya mγoshi na muke yaγenda ivyoho, lushe kuγuwa mvyele so kwedi.

¹¹Azawati: So woshe wetaila bontokelo ja inu mbuli, ni waja du wejifumbwilwa.

¹²Hambu kuna washiwoanga na wavyele, ne wavyelwevyo ni wanine zawe. Vituhu kuna washiwoanga na wavyele, miva watekundilwa ni wantu; vituhu kuna washiwoanga na wavyele, watekikundila wenye kwa mbuli ya uzumbe wa lwingu. Mwedaha kuiva neaive!

¹³Haja azaletelwa vizana, avibadikile mikono na kuvihembelezeza, miya waja wahina wazawavaila.

¹⁴Miya Yesu azawati: Lekai vizana, viize na kwangu mshevifingize! Hambu we ivyoho

¹⁵uzumbe wa lwingu ni wawe. Azavibadikila mikono, vikibinda azahita.

¹⁶Muntu azamwizila, azamuti: Mfuzi mtana, niγoshole mbuli ani ntana, kangwe nezeniinkwe nkalamo ya kale na kale?

¹⁷Azamuti: Nini ukiniitanga mtana? Nkakuna mtana kushima Mulungu ike du; ati wakunda kuingila he nkalamo, γoshola milaγilizongwa!

¹⁸Angwe: Ihi? Angwe ni Yesu: Ija ya kuγamba: Ushekome! Ushetende kilanga! Ushebawe! Ushemshinge ṅwiyawo ukilonga uwona wa lulimi!

¹⁹Gimbika isho na nyokwe! Umkundishe ṅwiyawo, sa uvyokikundisha ṅwenye!

²⁰Angwe ni yuja mubwanga: Ivi vyoshe nizaviγolokela, vivyo nikuzilevyo; nishiγaze mbwai?

²¹Yesu azamuti: Ati wakunda kubontoleza, hita, ukataγe vyoshe, uvyona navyo, uviinkile kwa wakiwa! Ne ndivyo utende mali mwe lwingu; ukibinda uize, unitongele!

²²Yuja mubwanga akiiva inu mbuli azahita na ukiwa, hambu ne aina kitende chingi.

²³Yesu azalonga wahina wakwe angwe: Kweli namiti: Mzuli ana ntoγo za kuingila mwe uzumbe wa lwingu.

²⁴Vituhu namiti: Ngameya ntoγo zakwe za kuingila mwe kihula cha singano nkaziinga sa ziya, mzuli azoona za kuingila mwe uzumbe wa lwingu.

²⁵Wahina wakwe wakiviiva wazashentukisha angwe: Lushe ndiye adahe kuzahona, ni ndai?

²⁶Yesu azawaolela, azawati: Kwa wantu nkavidahikana, miya kwa Mulungu vyoshe vyadahikana.

²⁷Petelo azahitula, azamuti: Olela! Ishwi tizaasha vyoshe, tizakutongela; lushe nezetiinkwe mbwai?

²⁸Yesu azawati: Kweli namiti: Inywi mzanitongela; aho ndiho vyoshe vihozauziγwa uhya, ṅwanangwa ywa muntu ahozaikala mwe kiti chakwe cha utana, ne ndiho hata inywi nezemwikale mwe viti kumi na vili, mulahe ziya mbali kumi na mbili za Isilayeli.

²⁹Kila mweasha nyumba ao wakuluwe ao wanduγuze ao walumbuze ao ishe ao nine ao wanae ao miγunda kwa mbuli ya zina jangu atazaviuziziγwa na kuzisa, kangi hata nkalamo ya kale na kale ataiinkwa.

³⁰Miya wangi walongolewo watazashilikiza, kangi washilikizewo watazalongola.