Read Kishambala Mateyo 20 Bible Online

Mateyo 20 - Kishambala bible

Mateyo 20

¹Uzumbe wa lwingu wafanana na mγoshi ywa chengo mwekilawa makelo kwa londa wandima, walimile mizabibu yakwe.

²Akiivana na wandima sumuni kwa ndima ya mushi mgima azawatuma kwe mizabibu yakwe.

³Saa ntatu azalawa vituhu, azaona watuhu, waiγoloke bule du he

⁴ndumi, azawati: Hitai hata inywi kwe mizabibu yangu! Neniminke vyemiagiza.

⁵Wazahita. Vituhu azalawa saa mtandatu na saa kenda, azaγoshola sa viyaho.

⁶Hata saa kumi na ṅwenga akiiawa azaona watuhu, wakihaγoloka, azawati: Nini mkihaγoloka aha mushi mgima bule du?

⁷Wazamuti: Nkakuna atinkileye ndima. Azawati: Hitai hata inywi kwe mizabibu yangu!

⁸Kukishwa yuja ṅwenye mizabibu azamlonga muluγojo ywakwe: Itanga wandima, uwainke upokezi wawe! Andiila kwa waja washilikizewo, ubontoleze kwa waja walongolewo!

⁹Kukiiza waja wa saa kumi na ṅwenga, wazainkwa sumuni sumu

¹⁰ni. Kukiiza waja waandiilewo makelo, wazaγamba, kuti newazisiγwe, miya wohena wazainkwa sumuni sumuni.

¹¹Wakipokeziγwa ivyoho wazamṅuna yuja ṅwenye mizabibu angwe:

¹²Awa washilikizewo wazaγoshola ndima saa ṅwenga du, kangi uzawaliγanyanya na ishwi tienewo lulali na ndima mushi mgima tikishindakasiγwa ni zuwa.

¹³Yuja azamlandula ṅwiyae ywawe muṅwe angwe:

¹⁴Ṅwiyangu, sitekueza, nkuivane na imi sumuni? Γuwa vyako, uhite! Nakunda kumunka uyu ashilikizeye, nikunkilevyo iwe.

¹⁵Viya vyangu sidaha kuγoshola navyo, nivyokunda? Hambu uteshimbuka, kwa kuti imi nina mbazi?

¹⁶Ivyoho washilikizewo watazalongoia, kangi walongolewo watazashilikiza.

¹⁷Yesu akiunga kukwela Yelusalemu silai azawainula waja kumi na waili na he njama, azawati:

¹⁸Olelai, takwela Yelusalemu, ṅwanangwa ywa muntu ainkilwe kwa wavikizi wakulu na kwa watabaluwangwa, wakamlahe masa ya kumkoma,

¹⁹wamwinkile kwa wamzimu, wamfyulile, wamtowe, vikibinda wamkome na kumwamba mwe muti, miya mushi wa ntatu atafufulwa.

²⁰Haja nine ja wana Zebedeyo azamwizila haṅwe na wanae, azamkinila na kumhembeleza mbuli.

²¹Azamuti: Ukundai? Angwe: Laγiliza, kangwe awa wanangu waili nezewaikale muṅwe kulume, muṅwe kumosho kwako mwe uzumbe wako!

²²Yesu azamlandula angwe: Nkamtaila, muvyolombeza. Mwadaha kunywa icho kinywelo, nichounga kunywa? Angwe: Tadaha.

²³Angwe: Kinywelo changu nezemuchinywe, miya kumwikaza muntu kulume ao kumosho kwangu so ndima yangu, kuja kutala waja wakufanyanyiziγwewo ni Tate.

²⁴Waja kumi wakiviiva wazaihilwa ni awa wanduγu waili.

²⁵Miya Yesu azawaitanga, azawati: Mwataila kuti: Wazumbe wa mbali za wantu wawatoza wantu na nguvu, hata wafuṅwa watunguluka wantu.

²⁶Kwenyu kusheoneke ivyoho! Miya kwenyu mwekunda kuγaluka mkulu, shuti amitumikile!

²⁷Mwekunda kuγaluka ywa bosi, shuti aγaluke mupuna ywenyu!

²⁸Sa muvyomwona ṅwanangwa ywa muntu: Nkakundile kutumikilwa, miya azakunda kutumikila, akiinkile ṅwenye, akombole wantu wangi.

²⁹Wakilawa Yeliko, wantu wangi wazamtongela.

³⁰Kuna matuntu maili, yaiikale silai; wakiiva kuti: Yesu azinka, wazakema angwe: Zumbe, ṅwana Dawidi, tife mbazi!

³¹Waja wantu wazawavaila, kangwe waleke lwashu, miya waja wazaisiiza kukema angwe: Zumbe, ṅwana Dawidi, tife mbazi!

³²Yesu azaγoloka, azawaitanga, azawati: Mwakunda, nimiγoshwele mbwai?

³³Wazamuti: Zumbe, takunda, mesho yetu yaγubulwe!

³⁴Yesu azabulwa ni utungu, azadowa mesho yawe, viya du lushe yazaona, ne wahomtogola Mulungu.