Read Kishambala Luka 21 Bible Online

Luka 21 - Kishambala bible

Luka 21

¹Azainula mesho, azaolela, wazuli wavyoika matulo yawe mwe chiya kisanduku cha ntogolo.

²Azaona mvyele mkiwa afilweye ni mγoshi ywakwe, avyogela visenti vili.

³Ne aholonga: Kweli namiti: Uyu mvyelengwa mkiwa azagela vikulu kuzinka wosheni. Hambu awa wosheni wazausha mahela kuṅwe mwe mali yawe nyingi, wazayagela mwe ntogolo,

⁴wantu wazomunka Mulungu, miya uyu ṅwenye ni mkiwa vikulu, kangi nkande zakwe zoshe, azona nazo, azazigela.

⁵Kuṅwe wakilonga kuti: Vikilongwa jihambiγwe na mawe matana na luhambo lutuhu, azalonga:

⁶Ivi muvyoona, kuna mishi, ndiyo iize, ne ndiho hashelekwe iwe, jikiandakana na ṅwiyae vivyoho, jikishechakulwa.

⁷Wazamwuza angwe: Mfuzi, ni lini, ziya mbuli zikizabontoka? Kangi lwitangilo ni luhi, viya vikiunga kubontoka?

⁸Azawati: Oleleshai, mshezaazaγanyiγwa! Hambu wantu wangi watazalawila mwe zina jangu wakiγamba: Imi ndiye; vituhu wataγamba: Mishi izatimiza; miya mshewatongele!

⁹Miya ndiho nezemwivile, kuti kuna nkondo na kiva, msheingilwe ni woγa! Hambu viya shuti vinebontoka, miya hata vivyo bindilizo nkajizati jibule.

¹⁰Akibinda azawati: Mbali na mbali zitazainukilana, hata uzumbe utazainukila uzumbe ṅwiyae.

¹¹Shi zitazadidima kabisa, kangi hantu haṅwe na haṅwe kutagwa sala na humpa; hata kwe lwingu kutaoneka vilozo vikulu vyegwiza woγa.

¹²Viya vyoshe vishizati vibule, watamigwila, wamiγulushe, waleke, mshungwe mwe mafyomelo, mgelwe mwe vyumba, mwiγalwe kwa wazumbe ṅa kwa watoza shi kwa mbuli ya zina jangu.

¹³Ivi nevimiγalukile uwona! Toγwai ni myoyo!

¹⁴Msheandiile kuja sungu kwa viya, ndivyo mkikanile navyo!

¹⁵Hambu imi neniminke milongele yena viyuγo, ndiyo waja woshe wemikeleza nkani washedahe kuikeleza nkani na kuilandula.

¹⁶Inywi nezemwinkilwe ni wavyazi na wakuluwe wenyu na wanduγuze wenyu na wanduγu wenyu na wambuya wenyu; wenyu kuṅwe watawakoma.

¹⁷Nezemshukiziγwe ni wantu woshe kwa mbuli ya zina jangu.

¹⁸Kangi luzwili luṅwe du mwe mitwi yenyu nkelubaniγwe.

¹⁹Mkizizimiza, ne ndivyo muhonye myoyo yenyu.

²⁰Ndiho nezemwone, Yelusalemu mkidenganyiziγwa ni ntimizi, aho mtataila kuti: Kuchakulwa kwakwe ku hehi.

²¹Mishi ija we mwe shi ya Yudeya wanyilike kwe milima! We muja kaya wamlawe!

²²We tanga washeuye na muja! Hambu mishi ija ni mishi ya mlaho, vibontoke vyoshe vigondiγwevyo.

²³Wena nda na weonkeza nezewaone ukiwa mishi ija; hambu kutaoneka nkondo nkulu mwe inu shi, mayangwa yakilawila inu mbali;

²⁴watakoṅwa ni shime zekolesha, watuhu watatahiγwa na kwa wamzimu woshe, Yelusalemu mtajatiγwa ni wamzimu, mpaka ndiho mishi ya wamzimu itimize.

²⁵Kutazaoneka ntangilo he zuwa na he ṅwezi na he ntondwe; kunu shi wantu watavivilwa wakishetaila, ndivyo vibontoke, hambu hata bahali itavumila na kuvuwanika.

²⁶Wantu watafanana, viya watefa, kwa woγa na kwa kuafiza viya, ndivyo vilawile uko, wakoikala; hambu hata nguvu za lwingu zitavuwanika.

²⁷Ne ndiho wamwone ṅwanangwa ywa muntu, avyoiza mwe zunde na nguvu nyingi na utana ungi.

²⁸Viya vikiandiila kulawila, olezai mesho yenyu na ulanga haṅwe na kuinula mitwi yenyu, kwa kuti ukombozi wenyu u hehi!

²⁹Azawazisa lushimo angwe: Olelai mkuyu na miti yoshe!

³⁰Ndiho iandiile kushuka, mkiviona mwataila wenye kuti: Vuli ji hehi.

³¹Vivyoho hata inywi mkizaona, viya vikibontoka, tailai kuti: Uzumbe wa Mulungu u hehi! Kweli na

³²miti: Inu mbali nkeibanike, mpaka mbuli zoshe zinebontoka.

³³Lwingu nezelubanike, hata inu shi, miya mbuli zangu nkezezihanike.

³⁴Kiγojeshei, myoyo yenyu ishezatoγeshiγwa ni kujilisha na kunywelesha na sungu za kiinushi, uja mushi ukizamitutukanya!

³⁵Hambu viya ni mteγo, utazawagwila woshe weikala koshe koshe kunu shi.

³⁶Gonai mesho, muvike na kushedila, kangwe nezemdahe kunyilika viya vyoshe vyeunga kulawila, kangi mdaheγoloka he mesho ya ṅwanangwa ywa muntu!

³⁷Mishi ija azafuza vikiloi na mushii, miya na kilo azakulawa, azagona he mulima weitangwa wa miziyaγembe.

³⁸Wantu woshe wazachainuka, wazamtimiia, wamteγeleze muja vikiloi.