Read Kishambala Luka 5 Bible Online

Luka 5 - Kishambala bible

Luka 5

¹Wantu wangi wakiisiiza kumfinta, waive mbuli ya Mulungu, ṅwenye aiγoloke nkandai he ziwa ja Genesaleti,

²azaona vyombo vili nkandai he jiya ziwa; miya waja walowi wenye wazabinda kulawa kwa chunta nyavu zawe.

³Azaingila mwe chombo kiṅwe, ni cha Simoni, azamhembeleza achiiγale na gati hadodo, chiuke kuja nkandai, azaikala mwe chiya chombo, na kufuza waja wantu.

⁴Akibinda kubilikila, azamlonga Simoni angwe: iγala chombo na kuja kwe mazi mangi, mgele nyavu zenyu, mgwile nyama.

⁵Simoni azamhitwila angwe: Zumbe, tizapika kilo kigima, nkatigwizile, miya kwa mulomo wako nenigele nyavu.

⁶Wakiγoshola ivyoho wazagwila nyama nyingi muno kabisa, nyavu zizatatuka.

⁷Wazakonyeza weyae wawe mwe chiya chombo kituhu, waize, wawaambize kuhuna; wazaiza, wazamemeza vyombo vyoshe vili, vizabuza kunywilimila.

⁸Simoni Petelo akiviona azamgintila Yesu mazwi angwe: Zumbe, uka kwangu! Hambu imi ni muntu mhuza.

⁹Hambu woγa ukulu uzamwingila na weyae woshe awona nawo, kwa mbuli ya ija migwilile ya nyama, watendileyo;

¹⁰wakina Yakobo na Yohana, wana Zebedeyo, ne weyae wa Simoni. Miya Yesu azamγamba Simoni: Usheogohe! Hambu kuandiila ivi Iushe neugwile wantu!

¹¹Wazaiγala vyombo vyawe na mpwai, wazaasha vyoshe, wazamtongela.

¹²Akiikala kuja mwe muzi, kuna mγoshi agisizeye ukoma, akimwona Yesu azakina funi, azamhembeleza angwe: Zumbe, ati wakunda, wadaha kunihonya.

¹³Azakusula mkono, azamdowa angwe: Nakunda, uhone. Viya du lushe uja ukoma uzauka mwe ṅwili wakwe.

¹⁴Ṅwenye pzamlaγiliza kuγamba: Ushezavimγambila muntu! Miya hita, umlawile mvikizi, uiγale tulongwa kwa mbuli ya mpoza yako, sa viyaho Mose alaγilizevyo, viwaγalukile uwona.

¹⁵Mbuli yakwe izaisiiza kuγendesha, wantu wangi waakaunganana, wamwive, kangwe wahonyiγwe ndiye mahisho yawe.

¹⁶Miya ṅwenye aakakifisha hantu he ike, kangwe adahevika.

¹⁷Mushi muṅwe akifuza, Mafaliseyo na wafuzi wa mulomongwa waiikale haho, wazalawa mwe mizi yoshe ya Galileya, hata ya Yudeya, hata Yelusalemu.

¹⁸Nguvu ya Zumbe izaleka, akihonya wantu. Kuzaiza waγoshi weleta mtamu ywa pengene mwe lusazi, wazalonda, ha kumwingiziza wamwike haja, aliho.

¹⁹Wakisheona miingizize kwa mbuli ya wantu wangi, wazakwela mwe nyumba ulanga, wazaipuchula, wazamsheleza haṅwe na lusazi lwakwe na haja gati, Yesu aliho.

²⁰Akiona mitozesheze yawe azalonga: Mγoshi, uhuza wako uzauushiliziγwa.

²¹Waja watabaluwangwa na Mafaliseyo wazaandiila kufanyanya kuγamba: Uyu ni ndai akilonga na kumweza Mulungu?

²²Mwedaha kuusha uhuza so Mulungu ike du? Yesu akitaila ntongonyezi zawe azawalandula angwe: Nini mkifanyanya ivyoho mwe myoyo yenyu? Vihufu ni vihi?

²³Kulonga: Uzaushiliziγwa uhuza, haidu kulonga: Inuka, ukaange?

²⁴Miya mtaile kuti: Ṅwanangwa ywa muntu ana ufuṅwa kunu shi wa kuusha uhuza! Ne ahomlonga yuja mtamu ywa pengene: Nakuti iwe: Inuka, uinule lusazi lwako, uhite na kaya kwako!

²⁵Azafikainuka, waimwolele, azainula lusazi, ndilo ailele, azahita na kaya kwakwe na kumtogola Mulungu.

²⁶Woshe wazashentukisha, wazamtogola Mulungu, kangi wazaingilwa ni woγa kuγamba: Tizaona lelo vintu vyashavyooneka.

²⁷Vikibinda azamlawa, azaona mngelu, zina jakwe ndiye Lewi, aiikale he ngelu, azamuti: Nitongela!

²⁸Ne ahoasha vyoshe, azainuka, azamtongela.

²⁹Lewi azalaiika waγeni wangi mwe nyumba yakwe, waje nkande naye. Kuna bumba kulu ja wangelu na weyae wawe watuhu, wazaikala nawo mwa jiila nkande.

³⁰Mafaliseyo na watabaluwangwa wazaṅuna, wazalonga wahina wakwe angwe: Nini mkija, mkinywa na wangelu na wahuza?

³¹Yesu azawalandula angwe: Weikala ugima nkawaagiziγwa ni mγanga, miya wehuma. Siizile, niitange watanda, niizile nii

³²tange wahuza wahitule ntongonyezi zawe.

³³Waja wazamuti: Nini wahina wa Yohana wakishedila kufunga na kuvika vivyoho, sa waja wa Mafaliseyo, miya wako waaja, waanywa.

³⁴Yesu azawati: Welalikilwa nteγuzi nkamdaha kuwakundila mfungo, yuja ṅwenye nteγuzi wakeanga naye.

³⁵Mishi yaiza, ndiho wamhokwe yuja ṅwenye nteγuzi, mishi iyo ne ndiho nezewafungile.

³⁶Kangi azawazisa lushimo kuti: Nkakuna mweshenga ndame ya shuke mpya akiigela mwe nkazu shakazu; ati aγoshola ivyoho, atabana ija shuke mpya, kangi ija ndame ya shuke mpya nkaitoγa mwe ija shuke shakazu.

³⁷Kangi nkakuna mwegela mvinyo mwishi mwe mabene mashakazu; ati agela, uwo mvinyo mwishi utavusa yaja mabene, mvinyo ṅwenye utaitika, kangi mabene yohe yatabindilizika.

³⁸Mvinyo mwishi ugelwa mwe mabene mahya, ne kuhonya mvinyo haṅwe na mabene.

³⁹Waniu wenywa mvinyo niwizu nkakuna mwekunda mwishi, hambu waγamba: Uja mwizu ne mtana.