Read Kishambala Yohana 10 Bible Online

Yohana 10 - Kishambala bible

Yohana 10

¹Kweli namiti: Ashiyeingila mwe dewa ja ngoto he kifiγwe, akikwela na hatuhu, yuja ni mubavi na mumpoko.

²Miya mweingila he kifiγwe ni mulishi ywa ngoto.

³Uyu azuγwilwa ni muluγojo; ngoto zaiva kanwa chakwe, ngoto zakwe ṅwenye aziitanga na mazina yawe, azilavya.

⁴Akibinda kulavya ziya zakwe ṅwenye azilongwela, ngoto zakwe zamtongela, kwa kuti zataila kanwa chakwe.

⁵Mtuhu nkazimtongela, miya zitamnyilika, kwa kuti nkazitaila vyanwa vya watuhu.

⁶Ulu lushimo Yesu azaluwaγambila, miya waja nkawataile bontokelo ja viya, awalongilevyo.

⁷Yesu azalonga vituhu angwe: Kweli namiti: Imi ni kifiγwe cha ngoto.

⁸Woshe wanilongwelewo ni wabavi na wampoko; miya ngoto nkaziwaivile.

⁹Imi ni kifiγwe; ati muntu aingila hangu, atavunilwa, ataγenda akihaingila, kangi akihalawa, aone vya ja.

¹⁰Mubavi nkahaiza, aiza du, abawe, afuwe, akome; imi niizile, wainkwe nkalamo, waγenyeze vyoshe.

¹¹Imi ni mulishi mtana; mulishi mtana akiinkila kwa mbuli ya ngoto.

¹²Mndima ashiye mulishi, ashiye ṅwenye ngoto, akiona, shuwi jikiiza, aasha ngoto, aoyilika, shuwi japakula ngoto na kuziasakanya.

¹³Hambu ni mndima, nkana sungu kwa mbuli ya ngoto.

¹⁴Imi ni mulishi mtana, nalaila ngoto zangu, zohe zanitaila, sa Tate avyonitaila, nami nivyomtaila Tate;

¹⁵nakiinkila kwa mbuli ya ngoto.

¹⁶Kangi nina ngoto ntuhu zishizo za iji dewa, zoshe shuti nizilete, ziive kanwa changu, ziγaluke ifyo iṅwe, mulishi muṅwe.

¹⁷Ne vyeleka, Tate akinikundisha, kwa kuti nakiinkila, kangwe niuye moyo vituhu.

¹⁸Nkakuna mwevinikundila, miya imi nikiinkila ṅwenye. Niishungulwe Kukiinkila, kangi niishungulwe kuuya moyo vituhu. Unu ni mulomo, nihokelewo kwa Tate.

¹⁹Vituhu Wayuda wazapangana kwa izi mbuli. Hambu weyae

²⁰wawe wangi wazaγamba: Ana mzimu, alaluka, mumteγeleza ywai?

²¹Watuhu wazaγamba: Inu so milongele ya muntu mwelaluka, kuna mzimu wedaha kuγubwila matuntu mesho?

²²Mishi ija Yelusalemu kuna nyemi ya kufukila, vikilongwa jizengiγwevyo vituhu, ni mishi ya nyota.

²³Yesu azaanga mwe vikilongwa mwe banda ja Salomo.

²⁴Wayuda wazamdenganila angwe: Utizunganya mpaaa lini? Tiγambile na kulaviliza, ati iwe u Kilisito!

²⁵Yesu azawahitula angwe: Nizavimiγambila, kangi nkamtozesha. Ziya ndima, nizoγoshola mwe zina ja Tate, zanilongela uwona,

²⁶miya inywi nkamtozesha, kwa kuti nkamu ngoto zangu.

²⁷Ngoto zangu zaiva kanwa changu, naml nazitaila, zanitongela;

²⁸naziinka nkalamo ya kale na kale, nkezeziaγe kale na kale, nkakuna ndiye azipakule mwe mkono wangu.

²⁹Tate azininkileye ni mkulu kuzinka wosheni, nkakuna ndiye adahe kuzipakula mwe mkouo wa Tate.

³⁰Imi na Tate ti haṅwe.

³¹Wayuda wazainula vituhu mawe, kangwewamhomele.

³²Yesu azawalandula angwe: Nizamionyesha ndima ntana nyingi ziandukezo kwa Tate, ni ndima ani yeleka, mkinihomela mawe?

³³Wayuda wazamlandula, wazamuti: Nkatikuhomela mawe kwa kuti uzazifya ndima, miya kwa kuti wamweza Mmungu, hambu u muntu, kangi wakiγalusha Mulungu.

³⁴Yesu azawalandula angwe: Nkavigondiγwe mwe milomo yenyu kuti: Imi nizaionga: Mu walungu?

³⁵Ati waja walongiγwawo na mbuli ya Mulungu azawaitanga walungu — kangi vigondiγwevyo nkavidaha kuushiγwa — lushe imi,

³⁶Tate aniṅazizeye, anitumileye mwe inu shi, inywi mtanilonga kuti: Wamweza Mulungu, kuti nizalonga: Ni ṅwana Mulungu?

³⁷Ati nasheγoshola ndima za Tate, mshenitozeshe!

³⁸Ati naziγoshola, mkishenitozesha imi, tozeshai ziya ndima, kangwe mtailishe mwive kuti: Tate a haṅwe na imi, kangi imi ni haṅwe na Tate!

³⁹Wazalonda vituhu kumgwila, miya azalawa mwe mikono yawe.

⁴⁰Azahita vituhu na sheja jiya ja Yolodani haja hantu, ndiho Yohana akibatiza bosi, azahaikala.

⁴¹Wangi wazamubasha, wazalonga: Yohana nkana lwitangilo, aγosholelo, mbuli zoshe Yohana alongilezo za uyu, ni za kweli.

⁴²Wangi wazamtozesha kuja.