Read Kishambala Yohana 11 Bible Online

Yohana 11 - Kishambala bible

Yohana 11

¹Ne kwina muntu mwehuma, ndiye Lazalo ywa Betaniya, ni uja muzi wa Maliya na mkuluwe Malita.

²Maliya ni yuja amshishizeye Zumbe mafutilo ya mluziluzi haṅwe na kuhonola meshozi mwe milundi yakwe na swili zakwe; uyu lumbuje Lazalo azahuma.

³Waja walumbuze wazamtumiza angwe: Zumbe, olela! Yuja, uyemkundisha, ahuma.

⁴Yesu akiviiva azalonga: Unu utamu so wa kufa, ni wa kumgimbika Mulungu, kangwe ṅwana Mulungu agimbikwe ndiwo.

⁵Yesu azamkundisha Malita na nduγuye na Lazalo.

⁶Akiiva, kuti ahuma, azanaikala haja hantu, aliho, mishi mili.

⁷Vikibinda azaγamba wahina wakwe: Netiliite vituhu Yudeya!

⁸Waja wahina wamuti: Mfuzi mkulu, zuzi Wayuda wazalonda kukuhomela mawe, kangi vituhu wahita na γuko?

⁹Yesu azalandula angwe: Mush: nkauna saa kumi na mbili? Ati muniu aanga mushii, nkakikwila, hambu aona langaila ja inu shi.

¹⁰Ati muntij aanga na kilo, akikwila, hambu langaila nkana najo.

¹¹Akilonga ivyoho, akibinda awati: Mumbuya ywetu Lazalo aisisile; miya nahita, nikamwinule mwe usisiza.

¹²Angwe ni wahina: Zumbe, ati aisisile, inga ahone.

¹³Miya Yesu alongile mbuli ya kufa kwakwe, miya waja wafanyanye, kuti atelonga kusisila ṅwenye.

¹⁴Ne Yesu aholonga na kulaviliza: Lazalo azafa;

¹⁵miya natamilwa kwa mbuli ya inywi, kangwe mtozeshe, kwa kuti ne niishiho; miya netihite na uko, aliko!

¹⁶Toma mweitangwa Mpasha azawati wahina weyae: Netihite neshwi, tikakoṅwe haṅwe naye!

¹⁷Yesu akibula azamubwila, a mwe mbila mishi mine.

¹⁸Miya Betaniya ni hehi na Yelusalemu, ni luγendo lwa kahindi ka saa.

¹⁹Wayuda wangi waiizile kwa Malita na Maliya, wawahongeze kwa mbuli ya lumbu jawe.

²⁰Malita akiiva kuti: Yesu aiza, azamγendela singili, Maliya azanyamala kaya.

²¹Malita azamγamba Yesu: Zumbe, ati ne ui haha, anga lumbu jangu nkafile.

²²Hata ivi lushe nataila kuti: Vyoshe, ndivyo umlombeze Mulungu, Mulungu neavikunke.

²³Yesu azamuti: Lumbujo neafufuke.

²⁴Angwe ni Malita: Nataila, kuti neafufuke mwe ufufuki mushi wa bindilizo.

²⁵Yesu amuti: Imi ni ufufuki na nkalamo; mwenitozesha neakalame, hata akifa.

²⁶Kangi kila mwe moyo akinitozesha nkezeafe kale na kale. Wavitozesha ivi?

²⁷Angwe: Ehe, Zumbe; imi niitozeshe kuti: Iwe u Kilisito, ṅwana Mulungu, aizileye mwe inu shi.

²⁸Akibinda kulonga ivyoho azahita, azamwitanga nduγuye Maliya, azamlonga he njama, azamuti:

²⁹Mtuzi a haha, akuitanga. Yuja akiviiva azafikainuka, azamtimila; miya

³⁰Yesu nkazati aingile mwe uja muzi, ake haja hantu, Malita akintaneho naye.

³¹Wayuda, ndiwo waina naye muja nyumbai wakimhongeza, wakimwona Maliya, kuti azafikainuka, akilawa, wazamtongela, hambu wazafanyanya kuti: Azahita kwe mbila, akalilile γuko.

³²Maliya akibula, Yesu aliho, akimwona azamkinila he milundi, azamuti: Zumbe ati ne ui haha, anga lumbu jangu nkafile.

³³Yesu akimwona, avyolila, hata waja Wayuda waizilewo haṅwe naye wavyolila, azaihilwa mwe moyo wakwe, azaona futofuto,

³⁴azalonga: Mumwikile hi? Angwe: Zumbe, so, ukaolele!

³⁵Yesu azalila.

³⁶Wayuda wazaγamba: Olelai, ndivyo akimkundisha!

³⁷Weyae wawe kuṅwe wazaγamba: Yuja aγubuleye mesho ya jiya tuntu nkadahile kufingiza, uyu yohena ashefe?

³⁸Yesu azaihilwa vituhu mwe moyo wakwe, ne ahobula he mbila; ni mpanga izuγalweyo na iwe.

³⁹Yesu azalonga: Ushai iji iwe! Malita, lumbuje ja yuja afileye, amuti: Zumbe, aanunka, hambu lelo ni mushi wakwe wa ne.

⁴⁰Yesu amuti: Sikuγambile kuti: Ati watozesha, neuone utana wa Mulungu?

⁴¹Wazausha lushe jiya iwe. Yesu azainula mesho na ulanga, azalonga: Tate nakutogola kuti: Uzaniiva.

⁴²Miya niitaile kuti: Waniiva mishi yoshe; miya nivilongile kwa mbuli ya awa wantu weγoloka aha na kunidenganila, kangwe watozeshe, kuti uzanituma.

⁴³Akibinda kulonga ivyoho azaitanga na kanwa kikulu: Lazalo, lawa!

⁴⁴Yuja afileye azalawa, aikantiγwe milundi na mikono na shuke, hata cheni chakwe chiiγubikwe na mhaluma. Yesu awati: Mshungulei, mumleke, ahite!

⁴⁵Wayuda wangi waizilewo kwa Maliya wakiona, aγosholevyo, wazamtozesha.

⁴⁶Miya weyae wawe kuṅwe wazahita kwa Mafaliseyo, wazawaγambila, Yesu aγosholevyo.

⁴⁷Wavikizi wakulu na Mafaliseyo wazaunganyanya wafuṅwa woshe, wazaγamba: Titende zeze? Hambu uyu muntu aγoshola ntangilo nyingi.

⁴⁸Ishwi likimleka vivyoho, wosheni watazamtozesha; bindilizo Waloma wataiza, watatihoka shi haṅwe na wantu.

⁴⁹Kuna ṅwiyae ywawe muṅwe, ni Kayafa, ni mvikizi mkulu jiya vuli, yuja awati: Inywi nkamna mchotaila!

⁵⁰Kangi nkamtongonyeza, kuti vyaagiza, muntu muṅwe akifa kwa mbuli ya mbalingwa, kangwe mbali ngima ishebanike.

⁵¹Ivyoho nkalongile ṅwenye, miya kwa kuti ni mvikizi mkulu jiya vuii, azateγanya; hambu Yesu aifanyanyiziγwe, afe kwa mbuli ya mbalingwa,

⁵²kangi so kwa mbuli ya mbalingwa du, miya hata kwa mbuli ya wana Mulungu waasakanyiγwewo wohena awaunganyanye hantu haṅwe.

⁵³Mushi uja wazaandiila kufanyanya, ndivyo wamkome.

⁵⁴Yesu azaleka lushe kuanga kwa Wayuda cha sale, miya azahauka, azahita mwe shi ye hehi na nyika, ni muzi weitangwa Efulayimu, azaikala mumo na wahina wakwe.

⁵⁵Miya mviko wa Pasa wa Wayuda ne ui hehi, wangi wazakwela Yelusalemu wakilawa kwawe, uwo mviko wa Pasa ushizati ukinte, kangwe wakihoze.

⁵⁶Wazamlonda Yesu, wazaγambilana, waiγoloke mwe vikilongwa: Muγambai? Nkeaize kwe unu mviko?

⁵⁷Wavikizi wakulu na Mafaliseyo wailavize milomo kuγamba: Ati muntu ataila aliho, shuti alonge, kangwe wamgwile.