Read Kishambala Ntuṅwa 17 Bible Online

Ntuṅwa 17 - Kishambala bible

Ntuṅwa 17

¹Wakibinda kuzinka Amufipoli na Apoloniya, wazahita Tesalonike; hambu kuna vikilo ja Wayuda.

²Sa Paulo avyozwela, azawabasha na muino, sabato ntatu azashimwelana nawo mbuli za ugondengwa.

³Azawafumbwila ija mbuli nal kuwalaviliza kuti: Kilisito vizamtala kulumiziγwa na kufufuka kwa wafilewo, kangi azawaonyesha kuti: Uyu Yesu, niyemibilikila mbuli yakwe, ni yuja Kilisito.

⁴Kuṅwe wazavotwa, wazaandakana na Paulo na Sila, kangi walawilewo kwa Wagiliki wemwogoha Mulungu ni bumba kulu, hata wavyelengwa waγoli so waγeke.

⁵Mayuda wazaingilwa ni wizu, wazakilondela kabumba ka wantu wabada washinawo ndima; wakibinda kutunya wantu wangi ivyoho wazagwisha nkondo, wazatimila nyumba ya Yasoni, wawalonde, kangwe wawaiγale kwa wajawantu.

⁶Wakishewaona wazamhuna Yasoni na wanduγu kuṅwe na kwa wazumbe wa muzi wakikema: Weazaγanya ngulu ngima shawa! Hata kunu wazabula.

⁷Yasoni awafikiza; kangi awa woshe waikila milomo ya Kaiza nkani na kuγamba: Zumbe ni mtuhu, ni Yesu.

⁸Wazatunya wantu wangi, hata wazumbe wa muzi wazaiva izi mbuli zawe.

⁹Miya wazaγuwa matuvo kwa Yasoni na weyae, wazawashungula.

¹⁰Waja wanduγu wazawalohola Paulo na Sila na chiya kilo, wahite Beloya; wakikubula wazaingila mwe vikilo ja Wayuda.

¹¹Wantu wa kuja ni watana kuzinka waja we Tesalonike, wazahokela mbulingwa kwa myoyo yoshe, wazafyoma ugondengwa kila mushi, waone, ati ni ivyoho.

¹²Weyae wawe wangi wazatozesha, hata waγoli wa Kigiliki, wavyele na waγoshi, watozeshewo so waγeke.

¹³Miya waja Wayuda kuja Tesalonike wakitaila, kuti Beloya kohena kwabilikilwa ni Paulo mbuli ya Mulungu, wazahita na kuja, wazatunya kuja kohe wantu wangi.

¹⁴Ne wanduγu wahofikamlohola Paulo, ahite na he bahali, Sila na Timoteyo wazahumula kuja.

¹⁵Waja wamshindikizewo Paulo wazamwiγala mpaka Atene; vikibinda wazauya na baluwa kwa Timoteyo na Sila, kangwe wahite nguzunguzu na kuja kwakwe.

¹⁶Paulo akiwaafiza kuja Atene, moyo wakwe uzaihilwa, hambu azaona, kuti uja muzi uzaγenyeza vinyuwa vya kuvika.

¹⁷Vikiloi azashimwelana na Wayuda na watuhu wemwogoha Mulungu, hata kwe γulilo azawabilikila kila mushi, awokintana nawo.

¹⁸Miya kuna watalizi wa bumba ja Waepikuliyo na Wasitowiko, wazakelana nkani naye, kuṅwe wazaγamba: Uyu mweshindatilosa aunga kulongai? Kuṅwe wazaγamba: Ni mubilikizi ywa milungu miγeni, hambu azawabilikila mbuli ya Yesu na ufufuki.

¹⁹Ne wahomγuwa wakimwiγala hantu heitangwa Aliyopago angwe: Tadaha kutaila, kuti uja ufuzi uhya webilikilwa ni weyo ni ufuzi ani?

²⁰Hambu waingiza mbuli ngeni mwe mashikilo yetu; takunda kutaila lushe izo mbuli, zihohita kwa bontokela naho.

²¹Waatene woshe, hata waγeni wekafikila muja nkakuna vituhu viisiizevyo kuwatamila kushima ija mbuli ya kutamwila ao du ya kuteγeleza mbuli mpya.

²²Paulo azaγoloka Aliyopago gati, azalonga angwe: Waγoshi wa Atene inywi, koshe koshe naona, muvyoisa kuogoha milungu.

²³Hambu nikizunguluka na kuolela mavikilo yenyu nizaona komelo ja ṅombe za mviko jigondiγwejo: Ja Mulungu ashiyetailikana; lushe viya, muvyovika na kushetaila, navimihilikila.

²⁴Mulungu aγosholeye ngulu ngima na vyoshe vye mumu, uyu ne Zumbe ywa lwingu na ywa shi, nkaikala mwe mavikilo yazengiγweyo ni mikono ya wantu,

²⁵kangi nkaγojiγwa ni mikono ya wantu viya ateagiziγwa ni muntu, hambu ne mweinka vintu vyoshe ugima na muhuye na vyoshe vituhu.

²⁶Azaleka, mwa muntu muṅwe mulawe mbali zoshe za wantu, zigise kuikala shi zoshe kunu shi, azawafanyanyiza aho kale mishi yawe, ndiyo waje, na mihaka ya maikailo yawe,

²⁷wamlonde Mulungu, ati wadaha kumnyatila, mpaka wakimwona, kangi nka hale na ṅweshu muṅwe du ywa ishwi toshe aha.

²⁸Hambu mwe uyu ne timo moyo, ne timovuviγwa, ne tilimo, sa wenyu kuṅwe watuzilevyo maimbo wakiγamba: Ti mbah yakwe.

²⁹Lushe kwa kuti ti mbali ya Mulungu, nkavitiagiza kufanyanya kuti: Mulungu afanana na vinyuwa vya zahabu ao vya feza aovya mawe viγosholwevyo ni mhembo wa ntongonyezi za wantu.

³⁰Hambu Mulungu azaleka, mishi ya kuikala tuniala izinke du, ivi lushe alaγiliza wantu woshe hantu hoshe, wahitule ntongonyezi zawe.

³¹Kwa viya aikilevyo mushi, awounga kulaha nawo shi ngima na utanda kwa nguvu ya muntu muṅwe, amunkileye imu ufuṅwa, bosi azanawahimilawoshe, wamtozeshe, kuti azamfufula kwa wafilewo.

³²Miya wakiiva mbuli ya ufufuki, kuṅwe wazafyula, kuṅwe wazaγamba: Takunda, tikuteγeleze inu mbuli mushi mtuhu.

³³Ne Paulo alawilevyo haja, waliho.

³⁴Miya waγoshi kuṅwe wazaandakana naye wazatozesha: ṅwiyae ywawe muṅwe ni Diyonisiyo ywa Aliyopago na mvyele, zina jakwe ndiye Damali, na weyae wawe watuhu.