Read Kishambala Waloma 12 Bible Online

Waloma 12 - Kishambala bible

Waloma 12

¹Namihimila, inywi wanduγu wangu, kwa mbuli ya utungu wa Mulungu, mγalushe mili yenyu ṅombe ṅazi za mviko ze moyo zemtamila Mulungu, ivi viγaluke mviko wenyu weivana na viyuγo vya kweli.

²Mshekifanyanye na inu shi! Miya hitukai mkiγuwa ntongonyezi ntuhu, kangwe mdahetaila Mulungu avyokunda, kuti ni vitana, vyaziha vina bontokelo.

³Kwa mbuli ya mbazi nifilwezo namilonga inywi nyosheni: Muntu ashefanyanye kuzinka haja heagiza kufanyanya! Miya afanyanye du, ndivyo atende viyuγo, kila muntu sa Mulungu amupangilevyo mitozesheze yakwe!

⁴Sa viya vya ṅwili vilivyo: Mwe ṅwili muṅwe tina madango mangi, miya madango yoshe nkayana ndima ṅwenga.

⁵Vivyoho ishwi wangi ti ṅwili muṅwe, kwa kuti ti wa Kilisito, vituhu kila muntu na ṅwiyae ni madango.

⁶Kangi tiinkiγwevyo ni vingi, kila muntu sa avyofilwa mbazi; ati muntu ana miteγanyize yakwe, aiivanye na mitozesheze yakwe;

⁷ati muntu ana ndimangwa, aitumikile, ati ni mfuzi, shuti akifuze ṅwenye;

⁸ati ni kushunda, shuti ṅwenye ashundike; ati muntu apangila weyae, aviγoshole na viyuγo; ati ni mγolokezi, akihime; ati muntu afila weyae mbazi, shuti atunilwe ndivyo!

⁹Kukundishana kwenyu kusheγaluke kwa ulongo! Towai viya vibada hulu, mtongele viya vitana!

¹⁰Kundishanai kinduγu kwa myoyo, mvotane kinduγu na kushimilana!

¹¹Kihimei, mshezuzulike! Nyinyihalai kimpeho,

¹²mumtumikile Zumbe!

¹³Tamilwai ni kialilo chenyu! Zizimizai vye ukiwa! Kazai kuvika! Ukosi wa waṅazi uγaluke wenyu! Waγeni wafikizei na kusheṅuna! Ṅazai mesho wemiifya!

¹⁴Zifyai kulonga, mshekanke!

¹⁵Tamilwai haṅwe na waja wetamilwa! Lilal haṅwe na waja welila!

¹⁶Myoyo ya inywi nyoshe iγaluke muṅwe! Mshefanyanye viya vikulu, miya viya vinyonge, mwiγalane navyo!

¹⁷Wenye mshekifanyanyize, kuti mu wakiyuγo! Vibada musheviinwuzize muntu vibada, wantu woshe mndewafanyanyiza mbuli ntana!

¹⁸Kwa mbuli ya inywi, ati vyadahikana, ivanai na wantu woshe! Weyangu, mshekilahizize wenye!

¹⁹Miya mhakanye mayangwa! Hambu kuigondiγwe: Mlahizo ni wangu, imi nezenimilahizize, ne Zumbe avyolonga.

²⁰Ati mnkulu ywako ana sala, munke vya ja! Ati ana nkilu, munke vya nywa! Hambu ukiγoshola ivyoho, viya utaumbika makala ya moto mwe mutwi wakwe.

²¹Ushevotwe ni mbuli mbada, miya vibada uvivote na viya vitana!