Read Kishambala Waloma 3 Bible Online

Waloma 3 - Kishambala bible

Waloma 3

¹Lushe Muyuda azinka weyae nani? Ao kuwo ja kushengwa ni mbwai?

²Hoshe hoshe ni hakulu, bosi kuti wazainkwa mbulingwa ya Mulungu.

³Hambu muγambai? Ati kuṅwe nkawatozesha, lushe kuja kushetozesha kwawe kuushe kutozesha kwa Mulungu?

⁴Sivyo, shuti Mulungu amanyike, kuti ni mkweli, miya kila muntu amanyike, kuti ni mumambeza, sa vivyogondwa kuγamba: Kangwe ukanilwe na mbuli zako, kangwe uvote, ndiho walahilane na iwe.

⁵Ati uhuza wetu waleka, utanda wa Mulungu utailikane, tiviγambe ze? Lushe Mulungu siye mhuza akitiγendela na maya? Nalonga kimuntu.

⁶Sivyo, Mulungu angazalaha zeze inu shi?

⁷Miya ati ukweli wa Mulungu waγenyeziγwa utana wakwe ni mambeza yangu, lushe imi nilahiγwa zeze, viya ni mhuza?

⁸Lushe so tivyoshingwa, kuṅwe wakiγamba, kuti talonga ishwi: Tiγoshole vibada, kuunga vitana viize? Mlaho wa awa waagiza.

⁹Lushe ni zeze? Titewazinka? Sivyo hata, hambu ṅwande tizawabunkula Wayuda haṅwe na Wagiliki kuti:

¹⁰Wosheni wahuza, savivyogoudwa; Nkakuna mtanda hata muṅwe,

¹¹nkakuna mkiyuγo, nkakuna mwemlonda Mulungu;

¹²woshe wazabahuka, waiaγile haṅwe, nkakuna mwezifya mbuli bata muṅwe du.

¹³Mumelo wawe ufanana, viya ni mbila ye ṅwazi, wahemba kulonga, ushunguwa nyoka uikala mwe milomoyawe.

¹⁴Vyanwa vyawe vyaγenyeza lukanko na mbifya.

¹⁵Milundi yawe yaγulukila kuitila mpome za wantu.

¹⁶Sila zawe ziiγenyeze gila na luhosa,

¹⁷miya sila ya utondolo nkawaitaila.

¹⁸Mesho yawe nkayanawoγa na Mulungu.

¹⁹Miya tataila, vyoshe, mulomongwa uvyolonga, uvilonga kwawajawena nawo, kangwe kila kanwa chiuke nkani, kangwe inu shi ngima ikole masa kwa Mulungu.

²⁰Kwa inu mbuli haja aliho nkahana muntu mwekanilwa na kuγoshola mulomongwa, hambu mulomongwa waleka, titaile uhuza.

²¹Miya lushe hashiho mulomongwa, utanda wa Kimulungu uzalawila, kangi walongwa uwona ni mulomongwa haṅwe na wateγanyingwa.

²²Ni uja utanda wa Kimulungu weinkilwa kwa waja wetozesha aho wakimtozesha Yesu Kilisito; hambu nkawazinkana,

²³kwa kuti woshe wazabana, washowa utana wa Mulungu,

²⁴wainkwa utanda bule du ni mbazi zakwe, kwa kuti Kilisito Yesu azabinda kulavya makombo.

²⁵Mulungu azamwika uyu, mpome yakwe iγalukile hozezo waja wetozesha, aonyeshe, utanda wakwe ulivyo, akishetala mbuli zibanikezo mishi ija, Mulungu akezizimiza kubana kwa wantu,

²⁶miya mishi inu ya ivi lushe utanda wakwe uonyesha, ṅwenye akimanyika kuti: Ni mtanda akikanila bule du woshe wemtozesha Yesu.

²⁷Lushe kukitogola ku kuhi? Kuzaushiγwa. Ni mulomo ani ukuushizewo? Ni mulomo wa kuγamba: roshola visiku? Ivyo sivyo, miya ni mulomo wa kuγamba: Tozesha!

²⁸Ne tivyofanyanya, kuti imintu ainkwa utanda kwa mbuli ya kutozesha kwakwe, hata akishebontola niulomongwa.

²⁹Hambu Mulungu ni Mulungu ywa Wayuda du? So ywa mbali zoshe? Kweli ni Mulungu ywa mbali zoshe.

³⁰Hambu Mulungu ni muṅwe du, washengiγwewo awainka utanda sho wakitozesha, washishengiγwewo wohena awainka utanda aho wakitozesha.

³¹Lushe tachakula mulomongwa na kuja kutozesha? Sivyo, kangi titaushimika.