Read Kishambala 1. Wakolinto 10 Bible Online

1. Wakolinto 10 - Kishambala bible

1. Wakolinto 10

¹Sikunda, wanduγu, mkishetaila, kuti wababa zeshu woshe wazaanga waiγubikwe ni zunde, kuti woshe wazaomboka mwe bahali.

²Miya mwe jiya zunde na mwe ija bahah woshe wazabatizwa mwe zina ja Mose.

³Nkande ya kimpeho, woshe wajileyo, ni iyo ṅwenga;

⁴mazi ya kimpeho, woshe wanyweleyo, ni yayo maṅwe; hambu wazanywa he jiya kungu ja kimpeho, ndijo jikiwatongela, iji kungu ni Kilisito.

⁵Kangi waja wangi Mulungu nkatamilwe ndiwo, wazabindiγwa mwe nyika.

⁶Ivi vizaγosholeka, tihinile mumo, ishwi tishezatenda luzisho na mbuli mbada, sa waja waheheleziγwevyo.

⁷Msheγaluke wavika mizimu, sa waja kuṅwe watendilevyo, sa vigondiγwevyo: Mbalingwa izaikala, ije, inywe, vikibinda izainuka, isheziγe.

⁸Tishetende kilanga, sa waja kuṅwe watendilevyo kilanga, wakizakoṅwa mushi muṅwe makulija milongo mili na matatu!

⁹Tishemγeze Zumbe, sawaja kuṅwe wamγezizevyo wakizakoṅwa ni nyoka!

¹⁰Msheṅune, sawaja kuṅwe waṅunilevyo wakizakoṅwa ni mtakukoma!

¹¹Waja waviγoshwelwe, kangwe tihinile mumo; viigondiγwe kwa tishunda ishwi teunga kubwilwa ni bindilizo ja mishi.

¹²Kwa inu mbuli mweγamba: Naγoloka, aoleleshe, ashezakina!

¹³Nkamzati mwone mγezo wezinka nguvu ya muntu; miya Mulungu ni mkoolezi; nkealeke, mkiγezwa na mbuli zezinka nguvu yenyu; miya mkiγezwa, atamionela mzungu, kangwe mdahezizimiza.

¹⁴Ne nihomiti wambuyangu: Nyilikai uvika mizimu!

¹⁵Nimilonga, kwa kuti muna viyuγo; fanyanyai, ati mvyolonga sivyo!

¹⁶Kmywelo cha mṅazo wa mesho, tichoṅaza mesho, so mwangilano na mpome ya Kilisito? Mgate, tiwobendula, so mwangilano na ṅwili wa Kilisito?

¹⁷Kwa kuti mgate ni muṅwe, hata ishwi wangi ti ṅwili muṅwe, hambu toshe tipangilwa uja mgate muṅwe.

¹⁸Olelai, Waisilayeli wa kimuntu walivyo: Waja weja nyama za ṅombe za miviko siwo weangilana na okelo ja ṅombe?

¹⁹Lushe niγambe ze? Fika ina bontokelo? Hambu kinyuwa chevikwa china bontokelo?

²⁰Miya naγamba: Fika, wamzimu wazobinda, wazibindila mizimu, nkawazimubindila Mulungu.

²¹Miya sikunda, mkianga na mizimu. Nkamdaha kunywa kinywelo cha Zumbe na kinywelo cha mizimu; nkamdaha kuja he meza ya Zumbe na he meza ya mizimu.

²²Hambu tadaha kumshongeleza Zumbe? Tina nguvu kumzinka?

²³Vyoshe tiivishungulwe, miya nkaviziha vyoshe; vyoshe tiivishungulwe, miya nkavitamila vyoshe.

²⁴Kusheoneke muntu mwelonda vyakwe, shuti alonde vya ṅwiyae!

²⁵Vyoshe vyetaγwa γwilo jai, msheshindevidosa kwa mbuli ya myoyo yenyu!

²⁶Hambu inu shi ni ya Zumbe na vyoshe vye mumu.

²⁷Ati muntu ashiyetozesha amilalika, mkikunda kuhita jai vyoshe muvyoinkwa! Msheshindevidosa kwa mbuli ya myoyo yenyu!

²⁸Miya ati muntu amiγamba: Inu ni nyamaya fika, msheje kwa mbuliyayuja amiukwileye na kwa mbuli ya myoyo!

²⁹Silonga kuti: Ni kwa mbuli ya moyo wako, miya ni kwa mbuli ya moyo wa yuja ṅwiyawo, hambu nileke kwa mbuli ani viya nivyoshungulwa, vikilahwa ni moyo wa muntu mtuhu?

³⁰Ati imi navija na kulavya ntogolo, lushe nifyulilwa ni ndai kwa viya nivyolavihza ntogolo?

³¹Lushe ati mwaja, ati mwanywa, ati mwaγoshola mbwai vituhu, vyoshe viγosholei na kumgimbika Mulungu!

³²Msheihize Wayuda na Wagiliki na bumbangwa ja Mulungu!

³³Sa imi nivyowatamila woshe mwe mbuli zoshe nikishelonda vyenitamila imi ṅwenye, miya vyelamila waja wangi, kangwe wahonyiγwe.