Read Kishambala 1. Wakolinto 11 Bible Online

1. Wakolinto 11 - Kishambala bible

1. Wakolinto 11

¹Niiγai, sa imi nivyomwiγa Kilisito!

²Namitogola, kuti hoshe mwanifukila, kuti mwatozesha milaγilizo, niminkileyo.

³Nakunda, mtaile, kuti mutwi wa kila mγoshi ni Kilisito, mutwi wa mvyele ni mγoshi, mutwi wa Kilisito ni Mulungu.

⁴Kila mγoshi mwevika ao mwebilikila aiγubike mutwi agela mutwi wakwe shoni.

⁵Kangi kila mvyele mwevika ao mwebilikila aishiγubike mutwi agela mutwi wakwe shoni. Hambu ni haṅwe haṅwe viya ateleγulwa.

⁶Hambu mvyele akisheγubika mutwi nealeγulwe! Miya ati mvyele ana shoni na kushengwa vunga na kuleγulwa, shuti aγubike mutwi!

⁷Hambu mγoshi nkavimwagiza kuγubika mutwi, kwa kuti utana wakwe afanana na Mulungu, miya mvyele utana wakwe ni wa mγoshi.

⁸Hambu mγoshi nkaanduka mwe mvyele, mwe mγoshi ne mvyele amoanduka.

⁹Kangi mγoshi nkaumbiγwe kwa mbuli ya mvyele, miya mvyele ne aumbiγweye kwa mbuli ya mγoshi.

¹⁰Kwa ivyoho vyamwagiza mvyele, ainule mwe mutwi lwitangilo lwa kumwitika mulume kwa nibuli ya walau.

¹¹Utanda wa Zumbe shunu: Mvyele ashinaye mγoshi siye, hata mγoshi ashinaye mvyele siye;

¹²hambu sa viyaho mvyele alawilevyo mwe mγoshi, vivyoho mγoshi avyalwa ni mvyele. Vyoshe vianduka kwa Mulungu.

¹³Lushe fanyanyai inywi wenye, ati vyamwagiza mvyele, akimvika Mulungu aishiγubike mutwi!

¹⁴Myoyo yenyu wenye nkaimionyesha kuti: Mγoshi akilefya vunga, vina shoni?

¹⁵Miya mvyele akijilefya, ni luhambo lwakwe lutana; hambu azainkwa ijo vunga, jimγalukile kizwiko.

¹⁶Ati kwenyu kuna mwetamilwa ni kuγenyeza mikanano, ishwi unu msimo nkatina nawo, hata mabumbangwa ya Mulungu ni vivyoho.

¹⁷Inu mbuli nailaviliza, sivitogoia, kuti nkamkaungananilana vitana, miya vibada.

¹⁸Inywi mkiunganana mwe nyumbangwa, mbuli ya bosi, niyoiva, ni kuγamba: Kwenyu kuna mipangano, kangi aho siisiiza kuhakeleza nkani.

¹⁹Kangi ne mbulingwa ivyoγenda: Mizinkano yakaoneka kwenyu, kangwe wakweli wamanyike kwenyu.

²⁰Lushe inywi mkiunganana, so kwa mbuli ya kuja nkande ya Zumbe;

²¹hambu mkija, kila afikanyaṅanya nkande yakwe ṅwenye, kwa ivyoho muṅwe ana sala, mtuhu atengela.

²²Nkamna nyumba za kujiila na za kunyweela? Hambu mtabela bumbangwa ja Mulungu, mgele washinawo shoni? Imi nimiγambe ze? Nimitogole? Aho simitogola.

²³Hambu niteviγambilwa ni Zumbe, nimiγambilevyo kuti: Zumbe Yesu mwe chiya kilo, ahoinkilwa, azaγuwa mgale, azalavya ntogolo, azaubendula angwe:

²⁴Γuwai, muje! Unu ni ṅwili wangu weinkilwa kwa mbuli ya inywi.

²⁵Γosholai ivyoho, kangwe mkenifukila! Vivyoho, wakibinda kuja, azaγuwa kinywelo angwe: Ichi kinywelo ni kilaγa kihya che mwe mpomc yangu. Γosholai Ivyoho muhokanyweela, kangwe mkenifukila!

²⁶Hambu aho muhokajiila unu mgate, aho muhokanyweela ichi kinywelo, mwabilikila kifa cha Zumbe, mpaka ndiho nezeaizile!

²⁷Kwa ivyoho mwehakijiila unu mgate, mwehakinyweela kinywelo cha Zumbe akola yaja masa ya ṅwili na ya mpome ya Zumbe.

²⁸Shuti muntu akibunkule ṅwenye! Akibinda adaheja unu mgate, adahenywa ichi kinywelo.

²⁹Hambu mwehakijiila, mwehakinyweela aja masa, anywa masa, kuti nkagimbika ṅwilingwa.

³⁰Kwa ivyoho kwenyu wanyonge na watamu waγenela, hata wesisila ni bumba gima.

³¹Ati wenye takilaha, anga nkatilahwa.

³²Miya tikilahwa ni Zumbe, titashundwa, kangwe tishezalahwa haṅwe na inu shi.

³³Ne nihomiti, wanduγu: Mkiunganana kwa ja, shuti mγojane!

³⁴Ati kuna mwena sala, shuti aneja mwakwe, kangwe msheungananilane masa! Vyeshiγala nitazavibontola nikizaiza.