Read Kishambala 1. Wakolinto 13 Bible Online

1. Wakolinto 13 - Kishambala bible

1. Wakolinto 13

¹Ati nalonga na milongele ya wantu, hata ni ijaya walaungwa, miya ati nashowa lukundisho, ne nizaγaluka lama jehakikemela ao mumanga wekema bambala.

²Ati nina uteγanyi, ati nataila vihili vyoshe na utalizi woshe, ati nina mitozesheze yoshe nikidaha kushamiza milima, miya ati nashowa lukundisho, viya vyangu vyoshe ni vya bule du.

³Ati napangila wakiwa vyoshe, nivyona navyo, hata nikiinkila ṅwili wangu ṅwenye, uokwe, miya ati nashowa lukundisho, sina nivyomota.

⁴Lukundisho luγenda haṅwe na uzizimizi na uhozu, lukundisho nkaluna wizu na mhembo, lukundisho nkaluna hiku,

⁵nkaluγoshola vye shoni, nkalulonda viya vyakwe ṅwenye, nkaluna lushongelezo, nkaluna mbuli mbada;

⁶nkalutamilwa ni uhambanyi, lutamilwa ni viya vya kweli.

⁷Lwatongomaila vyoshe, lwatozesha vyoshe, lwaalila vyoshe, lwazizimiza vyoshe.

⁸Lukundisho nkaluhela hata kale hoshe; ati ni vya uteγanyi vitazahaka, ati ni vyelongwa vitazahema, ati ni vya utalizi vitazahaka.

⁹Hambu tivyotaila ni hindi du, tivyoteγanya ni hindi vivyoho.

¹⁰Lushe aho ndiho kigima nezechilawile, kihindihindi chitahaka.

¹¹Aho ndiho nii ṅwana, ne nikilonga kiṅwana, ne nikitongonyeza kiṅwana, ne nikitenda viyuγo vya kiṅwana; miya nikiγaluka mγoshi viya vya kiṅwana nizavitowa hulu.

¹²Ivi lushe vyafanana, viya titeona fanyanyi du za viya vishivyotailikana, miya uko titaviona na mesho yetu, vilivyo. Ivi lushe nivitaila hindi du, miya uko nitazavibunkula, sa imi ṅwenye nivyobunkuka haho.

¹³Lushe vyekalama ni kutozesha, ni kualila, ni kukundisha, ivi vitatu du; miya vyeisiiza vikulu ni kukundisha.