Read Kishambala 1. Wakolinto 14 Bible Online

1. Wakolinto 14 - Kishambala bible

1. Wakolinto 14

¹Kihimei, mkundishane! Hangilizai viya vya kimpeho, kuzinka vituhu, mdahebilikila!

²Hambu mwelonga na kilosi kiγeni nkalonga na wantu, miya alonga na Mulungu; nkakuna mwemwiva, hambu mwe moyo wakwe alonga vishivyotailikana.

³Miya mwebilikila alonga na wantu, awazifyc akiwashunda na kuwahembuliza.

⁴Mwelonga na kilosi kiγeni azifya moyo wakwe, miya mwebilikila azifya humbangwa.

⁵Nakunda, inywi nyoshe mulonge na vilosi viγeni, miya nivyoisa kukunda, mubilikile; mwebilikila ni mkulu kumzinka mwelonga na vilosi viγeni kushima aho, kwina mtakufumbula, kangwe bumbangwa jizifiγwe.

⁶Wanduγu, ati imi naiza kwenyu nikilonga na vilosi viγeni, nimiambiza mbwai, ati nashelonga na kufumbula na kuminka viyuγo na kubilikila na kufuza?

⁷Viya vyekema vishinavyo moyo ni vivyoho, ati ni mululi, ati ni pango; mililo ikishetailikana, lushe vyetowiγwa na mululi ao pango vitailikana zeze?

⁸Gunda johe jikishekema vyedi, ndiye akiteγe kwe nkondo ni ndai?

⁹Vivyoho hata inywi mkilonga na kilosi kiγeni, ati mwashelonga mbuli yeivika, lushe vyelongwa vitailikana zeze? Hambu muvyolonga vifanana viya ni muhuye du.

¹⁰Vilosi vyaγenela mwe inu shi sa mbwai, kangi nkakuna chishichoivika.

¹¹Lushe nikishetaila bontokelo ja kilosi, yuja mwechilonga imi ni dashi jakwe, nami yuja mwelonga ni dashi jangu.

¹²Vivyoho hata inywi kwa viya, muvyohangiliza viya vya mpehongwa, londai, mγenyeze.

¹³Viya vyezifya bumbangwa! Kwa ivyoho yuja mwelonga na kilosi kiγeni ahembeleze iyo mbuh, adahe kufumbula kohena!

¹⁴Hambu nikivika na kilosi kiγeni, moyo wangu ne wevika, miya lutwi lwangu nkalumo.

¹⁵Lushe vyedi ni vihi? Nivike mwe moyo wangu, kangi nivike na lutwi! Niimbe mwe moyo, kangi niimbe na lutwi!

¹⁶Ati walavya ntogolo mwe moyo, lushe ati hana ashiyetaila mitogwole yako, ataitikila zeze na kuγamba: Amini?, kangi nkataila uvyolonga.

¹⁷Iwe kweli walavya ntogolo vitana, miya yuja ṅwiyawo nkazifiγwa ndivyo.

¹⁸Namtogola Mulungu, kuti imi nadsha kulonga na kilosi kiγeni kumizinka nyosheni;

¹⁹miya mwe bumbangwa kulonga mbuli shano du na lutwi lwangu, kangwe nifuze hata watuhu, nakukundisha kuzinka aho, nikilonga na kilosi kiγeni mbuli makulija na makulija.

²⁰Wanduγu, mitongonyezeze yenyu isheγaluke ya kinkebe! Uhambanyi mufanane na wankebe, mitongonyezeze itende ija ya wantu wagima!

²¹Mwe mulomongwa kuigondiγwe kuti: Inu mbuli nezenilonge nayo milongele mituhu na vyanwa vya watuhu, miya hata viya nkezewaniive! Ne Zumbe avyolonga.

²²Kwa ivyoho viya vilosi viγeni visheγaluke lwitangilo lwa waja wetozesha, miya lwa waja washiwotozesha! Miya uhilikizi so lwitangilo lwa waja washiwotozesha, ni lwa waja wetozesha.

²³Lushe bumbangwa gima jikiunganana, woshe wakilonga milongele miγeni, ati mwaingila washiwoitaila so washiwotozesha, nkewaγambe: Mwalaluka?

²⁴Miya woshe wakibilikila, ati mwaingila ashiyetozesha ao ashiyetaila, atavotwa ni wangi, atalahwa ni wangi.

²⁵Viya vikifishizevyo mwe moyo wakwe vyabunkulwa, ne ndivyo akine fimi na kumvika Mulungu, akilonga na kulaviliza kuti: Kweli Mulungu muna naye haha.

²⁶Wanduγu, vyeagiza ni vihi? Muhokaungananilana, kila mimtu, ati ana zumo ao mbuli ya kufuza ao ya kufumbula ao ya milongele ao ya kuhitula, vyoshe shuti vishikize myoyo!

²⁷Ati muntu alonga na kilosi kiγeni, watende waili ao watatu, sho washezinke, kangi walonge na kutalana, vikibinda shuti kuoneke mwehitula mbuli zawe!

²⁸Miya ati nkakuna mhituzi, shuti yuja aleke lwashu mwe bumbangwa, alonge mwe moyo wakwe ṅwenye na Mulungu!

²⁹Wabilikizi walonge waili, hata ni watatu, waja watuhu wateγeleze du, wataile!

³⁰Ati muntu aikaleye afumbwilwa mbuli, yuja ywa bosi shuti aneleka kulonga!

³¹Hambu muṅwe muṅwe rawadaha kubilikila nyoshe, kangwe woshe wahine, kangwe woshe washundwe;

³²kangi mpeho za wateγanyi ziitika wateγanyi.

³³Hambu Mulungu siye ywa mzinkano, ni ywa mwivano.

³⁴Sa mwe mabumba yoshe ya waṅazi hata kwenyu wavyele waleke lwashu, bumbangwa jikiunganana! Hambu nkaviwaagiza kulonga, shuti waitike, sa mulomongwa uvyolonga.

³⁵Ati wakunda kuhina, newauze walume wawe nyumbai mwawe; hambu vina shoni, mvyele akilonga mwe bumbangwa.

³⁶Hambu mbulingwa ya Mulungu izalawa kwenyu? Ao itaiza kwenyu ike?

³⁷Ati muntu akifanyanyiza kuti: Nimubilikizi ao ni ywa kimpeho neataile nivyomigondela, kuti: Ni mlaγilizo wa Zumbe.

³⁸Ati muntu ashetaila ivyoho, ne ashetailwe!

³⁹Kwa ivyoho, wanduγu, hangilizai kubilikila! Kangi mshefingize kulonga na vilosi viγeni!

⁴⁰Ntoγo vyoshe viγende na utanda, sa vivyoagiza!