Read Kishambala 1. Wakolinto 5 Bible Online

1. Wakolinto 5 - Kishambala bible

1. Wakolinto 5

¹Kosheni taiva, kuti kwenyu kuna kilanga, kangi kilanga che ivyoho nkachiγosholwa hata kwa wamzimu, kuti muntu ana mkaza ishe.

²Vikibinda mwahikuka, nkamna ukiwa hata, yuja aγosholeye iyo mbuli akaushiγwa kwenyu.

³Hambu hata siho kwenyu na ṅwili wangu, miya moyo wangu u hsho, viya ni kwenyu, niibindile kulaha mbuli ya yuja atendileye uhambanyi weinga aho.

⁴Mwe zina ja Zumbe Yesu mwunganane inywi na mpeho yangu, kwa nguvu ya Zumbe ywetu Yesu,

⁵yuja muntu ainkilwe kwa Satani, ṅwili wakwe ubaniγwe, kangwe ṅwenye mpeho yakwe ihone, mushingwa wa Zumbe ukizabula!

⁶Kilango so kitana; nkamtaila kuti: Vishimbi vidashi vyashelusha kiγa kigima cha mpombe?

⁷Ushai shimbi ja kale, kangwe mγaluke holwe hya kwa viya mulivyo kishishimbi! Hambu hata ishwi tiikomelwe ngoto yetu ya Pasa, ni Kilisito.

⁸Kwa ivyoho tibinde nyemi tiishina shimbi ja kale, tiishina shimbi ja ubada na ja uwiwi, miya tiina shimbi ja uṅazi na ja ukweli!

⁹Nizamigondela mwe baluwa, msheangilane na watesi;

¹⁰uko so kuγamba watesi wa inu shi na mabuγe na wampoko na wevika mizimu ati ni ivyoho anga ni kuγamba: Shuti mulawe mwe inu shi.

¹¹Miya lushe nizamigondela, msheangilane na muntu mweitangwa kuti: Ni mnduγu, kangi ni mtesi ao buγe ao mvika mizimu ao mnywezi ao mumpoko;

¹²mnduγu mwe ivyoho msheje ndala naye! Hambu waja wese nina mbuli ani nawo nikiwalaha?

¹³So ndima yenyu kulaha muwona nawo? Miya waja we se Mulungu ne ndiye nezeawalahe. Yuja muwiwi mubentei, asheikale kwenyu!