Read Kishambala 1. Watesalonike 5 Bible Online

1. Watesalonike 5 - Kishambala bible

1. Watesalonike 5

¹Mbuli ya mavuli na ya mishi nkamshindagondelwa, wanduγu,

²hambu wenye mwataila vyedi kuti: Mushi wa Zumbe utabula, sa mubavi avyoiza na kilo.

³Hambu wakiγamba: Kuna mpolele, nkakuna nkondo, ne ndiho mubaniko uwatutukanye, sa mvyele mwena nda avyoizilwa ni kulumilwa kwakwe, nkewadahe kunyilika.

⁴Inywi wanduγu, nkamu mwe lwiza, mushingwa nkezeumikikilishe sa mubavi.

⁵Hambu inywi nyoshe mu wana wa langaila, mu wana wa mushi; nkati wa kilo, nkati wa lwiza,

⁶lushe tishesisile sa waja watuhu, tigone mesho, tizile vyetengeza!

⁷Hambu wesisila wasisila na kilo, wetengela watengela na kilo.

⁸Ishwi wa mushi tizile vyetengeza tiitozize mata ya kutozesha na ya kukundishana, tiizwikile nkofiya ya nkondo, ni kialilo cha uvunizi.

⁹Hambu Mulungu nkatetiika, tibindwe ni maya yakwe, miya atiikile, timote uvunizi we mwe Zumbe ywetu Yesu Kilisito.

¹⁰Uyu azafa kwa mbuli ya ishwi, kangwe ati ti mesho, ati tasisila, tikalame haṅwe naye.

¹¹Ne vyeleka, nikimiti: Shangalazanyai na kuzengana kila muntu na ṅwiyae, viya mu zengo, sa muvyokaγoshola!

¹²Tamihembeleza, wanduγu, mtaile weona lulah na inywi, wemiγolokela kwa mbuli ya Zumbe, wemishunda.

¹³Isiizai kuwashimila na kuwakundisha kwa mbuli ya iyo ndima yawe! Ivanai wenye na wenye!

¹⁴Tamihimila, wanduγu: Shundai wahuza! Mhembulize wena myoyo midodo! Mupikile wanyonge, mtende uhozu na kila muntu!

¹⁵Mwoleleshe, vibada muntu aγoshwelwevyo ashevimwuzize ṅwiyae na kumγoshwela vibada, miya hoshe hoshe filanai mbazi wenye na wenye, kangi hata watuhu!

¹⁶Tamilwai mishi yoshe!

¹⁷Mshedile kuvika!

¹⁸Lavyai ntogolo kwa mbuli zoshe! Hambu ne Mulungu avyokunda, muviγoshole, kuti mu wa Kilisito Yesu.

¹⁹Mshefingize mpehongwa! Uteγanyingwa msheubele!

²¹Oleleshai mbuli zoshe, mtoze vyetama!

²²Kilango choshe kibada chilemelei!

²³Mulungu ṅwenye mwedaha butundwaza amiṅaze nyoshe mili na myoyo, kangwe mpeho zehyu zoshe haṅwe na myoyo na mili viikale kishimasa, mpaka ndiho Zumbe ywetu Yesu Kilisito auye!

²⁴Mwemiitanga ni mkoolezi, ne ndiye abontole.

²⁵Wanduγu, tihembelezezei! Luγushai wanduγu woshe mkifyosana milomo, sa waṅazi wavyoγoshola!

²⁷Namihimilisha kwa mbuli ya Zumbe, inu baluwa ifyomelwe wanduγu woshe!

²⁸Mbazi ya Zumbe ywetu Yesu imiikaile! Amini.