Read Kishambala 2. Watesalonike 1 Bible Online

2. Watesalonike 1 - Kishambala bible

2. Watesalonike 1

¹Paulo na Silwano na Timoteyo tagondela bumba ja Walesalonike baluwa jena Mulungu, Tate yweshu, na Zumbe Yesu Kilisito:

²Mbazi imiikaile na mpeho yeanduka kwa Mulungu Tate na kwa Zumbe Yesu Kilisito!

³Vyatitala kumlaviliza Mulungu ntogolo mishi yoshe kwa mbuli ya inywi, wanduγu, sa vivyoagiza, kwa kuti mitozesheze yenyu yakulisha, kangi inywi nyoshe kila muntu aisiiza kumkundisha ṅwiyae.

⁴Kwa izi mbuli ishwi wenye tadaha kukiombola na inywi kwe mabumbangwa ya Mulungu, kuti mwazizimiza, kuti mwamtozesha mwe nkondo zenyu zoshe na mwe ukiwa woshe,

⁵muwojiγwa ndiwo, ne vyetionyesha utanda wa milahile ya Mulungu: Inywi nezemufilwe mbazi na uzumbe wa Mulungu, kwa kuti mwalumila kwa mbuli yakwe,

⁶hambu ni utanda kwa Mulungu kuuziza ukiwa waja wemionya ukiwa,

⁷miya inywi mweonyiγwa ukiwa mtashangalaziγwa haṅwe na ishwi, Zumbe Yesu ahozalawila akilawa mwe lwingu haṅwe na walau we nguvu yakwe, akisheela mwe bilibili ja moto,

⁸alahize waja washiwomtaila Mulungu kuti: Wazalemela kuitika ulau wa Zumbe ywetu Yesu.

⁹Awa watazainkwa upokezi wawe, ni mubaniko wa kale na kale, hambu watazabentwa ha Zumbe na he utana wa nguvu yakwe uja mushi,

¹⁰ndiho nezeaizile kwa gimbikwa ni waṅazi wakwe na kwa makwa ni woshe wemtozesha; hambu uwona wetu uzatozeshiγwa kwenyu.

¹¹Kwa inu mbuli tamihembelezeza mishi yoshe, kangwe Mulungu ywetu aleke, myangile yenyu iivane na mwitango, niwisiize kutamilwa ni vitana vyoshe, mγoshole ndima zoshe zeanduka mwe kutozesha kwe nguvu,

¹²kangwe zina ja Zumbe ywetu Yesu jigimbikwe kwenyu, kangi inywi mgimbikwe ndijo kwa mbazi ya Mulungu ywetu na ya Zumbe Yesu Kilisito.