Read Kishambala Tito 3 Bible Online

Tito 3 - Kishambala bible

Tito 3

¹Uwakumbushe, watumikile, waitike wazumbe na wafuṅwa, wakiteγe kuγoshola ndima ntana zoshe, washekanke muntu,

²washetende nkumbizi, waivane, waangilane na wantu woshe na uhozu ungi!

³Hambu hata ishwi aho kale ne tii wababashi na wapapala, ne tikiazaγanyiγwa, ne tikitumikila kihelehele na uhalami ungi, ne tii wabada na wawizu, ne tikishukwa, kangi ne tikishukana wenye na wenye.

⁴Ne uhozu na ukuwi wa mhonya ywetu Mulungu utilawileho,

⁵so kwa mbuli ya utanda, tiγosholewo ishwi, miya kwa mbazi yakwe ṅwenye azatihonya, akitihaka mazi na kutivyala ka mbili, kangi akitiuza uhya na kutinka mpeho ṅazi;

⁶inu azaitigisa na kuitiitilila akititumila mhonya ywetu Yesu Kilisito, kangwe tiγaluke watanda kwa mbazi za uyu,

⁷vikibinda tiγaluke wapazi wa nkalamo ya kale na kale, sa tivyoalila. Inu mbuli ni ya kweli.

⁸Ne vyeleka, nikikunda, uilongele uwona wevota, kangwe waja wemtozesha Mulungu waipikile na kuzifya mbuli kuzinka watuhu. Ivi ni vitana, kangi ne vyezifya waotu.

⁹Miya mikanano mibada na mbuli za wakale na mbifya na nkumbizi kwa mbuli ya vitigo uzitowe hulu! Hambu nkazizifya, ni za bule.

¹⁰Muntu mweazaγanya bumbangwa umshunde kaṅwe ao kaili! Akisheiva, umtowe hulu!

¹¹Hambu wataila kuti: Mwe ivyoho azabinda kubahuka, ṅwenye akigela masa na kubana kwakwe.

¹²Nikizamtuma Alitema ao Tikiko na kwako, ufikeiza na kwangu uko Nikopoli, hambu ne mkokunda kubinda inu nyota.

¹³Zena, yuja mtalizi ywa mulomongwa, na ṅwiyae Apolo uwashungule, wahite, miya uoleleshe, washezakosa kintu.

¹⁴Wantu wetu wohena shuti wakizweze kuγoshola ndima ntana kuzinka watuhu, waonele navyo viya vyewaagiza, kangwe washezafanana na miti ishiyovyala!

¹⁵Waluγushiγwa ni woshe, niwona nawo; utiluγushize kwa waja wetikundisha na kutozesha! Mbazi imiikaile inywi nyosheni! Amini.