Read Kishambala Waebuleyo 6 Bible Online

Waebuleyo 6 - Kishambala bible

Waebuleyo 6

¹Miya netileke lushe mbuli ya Kilisito ya kuandiila, titimile ziya za kubontola! Tisheandiile vingi kumibuza aha ha kuγamba: Towai hulu ndima zekoma, mumtozeshe Mulungu!

²Mufuziγwe mbuli ya kubatizwa, ya kubadikilwa mikono, mbuli ya ufufuki wa wafilewo na ya mlaho wa ukalami.

³Ivi nezetiviγoshole, ati Mulungu atikundiza.

⁴Hambu waja wabindilewo kulangazwa myoyo na kudomela viya vya kilwingu, tivyoinkwa na kupangilwa mpeho ṅazi, na kudomela mbuli ya Mulungu,

⁵kuti ni ntana, hata kudomela nguvu za mishi, ndiyo ilawile:

⁶Ati we ivyoho wazauya na nyuma, lushe nkavizadahikana kuwauza uhya, wahitule ntongonyezi zawe, hambu wafanana viya watemkoma ṅwanangwa ywa Mulungu vituhu haṅwe na kumluvya.

⁷Hambu shi ikikoleza fula yekaigweela yavyala viya vyetamila waja walimilewo, yaṅazwa mesho ni Mulungu.

⁸Miya ati yavyala miwa na ntuula, izabunkuka, kuti ni ya bule, izabuliza kulanwa, bindilizo jakwe ni kuokwa.

⁹Miya wanduγu, hata tikilonga ivyoho, inywi tamialila kuti: Viya vitana vyetinka uhonya, mima navyo.

¹⁰Hambu Mulungu nkana mbifya akijala ndima yenyu na lukundisho, ndilo mkikundisha nalo zina jakwe mkitumikila waṅazi kale mpaka mishi inu.

¹¹Miya talondesha, kila muntu kwenyu akihime sa ivyoho hata kwa mbuli ya kialilo, mchitozeshe choshe mpaka bindilizo, kangwe msheleγele,

¹²miya mtongele waja wepala viya, waikilwevyo kilaγa, kwa kuti wazatozesha na kuzizimiza.

¹³Mulungu akimwikila Abulahamu kilaγa azakilisha naye ṅwenye, hambu ne aishina vikulu kumzinka, ndivyo akilishe navyo,

¹⁴azaγamba: Nezenikuṅaze mesho, nezenikuγalushe mbali nkulu!

¹⁵Kangi akizizimiza vivyoho, azaona viya vya kilaγa.

¹⁶Hambu wantu wakilisha na yuja mwewazinka ukulu, kangi kuja kukilisha kwabinda mikanano yawe yoshe na kubontola mbuli.

¹⁷Kwa kuti Mulungu azakundisha kuwaonyesha wapazi wa kilaγa kuti: Viya avyokunda nkavihitulwa, ne vilekilevyo, akikilisha. Kangwe mbuli mbili zishizohitukilana,

¹⁸kwa kuti Mulungu nkadsha kuhenya, zitihimile na nguvu ishwi, ndiwo tikimγulukila, tidahetozesha ichi kialilo, ticholonga.

¹⁹Ne tichona nacho, viya ni kitozezo cha moyo chishichochopoka, chetoza vitana, chetiingiza na muja ndai, ndimo tikifingiziγwa ni jiya shuke.

²⁰Hambu Yesu mwetilongwela sila azamwingila aho akiγaluka mvikizi mkulu ywa kale na kale, sa ndivyo Melikisedeki ai mvikizi mkulu.