Read Kishambala Yakobo 5 Bible Online

Yakobo 5 - Kishambala bible

Yakobo 5

¹Inywi wazuli, lilai na kukemesha kwa mbuli za ukiwa, ndizo zimibwile!

²Uzuli wenyu uzavunda, shuke zenyu zizajiγwa ni visaga,

³zahahu na feza zenyu zizabanika na nkanga, kangi inu nkanga itazamifyalima, itazaja nyama za mih yenyu viya ni moto, mzaumbika mali mishi inu ya kushilikiza:

⁴Wandima waingizewo kitende cha mbuwa zenyu mzawazunganya upokezi wawe, ne wemkemela Zumbe; hata mikemele ya waluki izahula kwe mashikilo ya Zumbe ywa ntimizi.

⁵Mzaja vitana na nyemi kunu shi, mzagimbaza myoyo yenyu mushi wa kukoma nyama.

⁶Muntu mtanda muzamlaha, muzamhoka, nkamitendele nkani.

⁷Wanduγu, afizai na kuzizimiza kuuya kwa Zumbe! Olelai, mulimi avyoafiza matunda ya shi yena kima! Aγoja na kuzizimiza, mpaka fula ya vuli na ya ṅwaka igwe.

⁸Hata inywi γojai na kuzizimiza, mshikize myoyo yenyu! Hambu kuuya kwa Zumbe ku hebi.

⁹Wanduγu, msheṅunane, kangwe mshezalahwa! Olelai, mlaha masa aγoloka he mihindulo yenyu!

¹⁰Wateγanyingwa, ndiwo wakibilikila mwe zina ja Zumbe, waolelei, walumilevyo na kuzizimiza! Hinilai mumo! Ishwi tatogola waja wavotilewo.

¹¹Mizizimizize ya Iyobu mzaiiva, mwataila, Zumbe abontolavyo, hambu Zumbe akuza utungu na mbazi.

¹²Wanduγu, kushima viya mshekilishe, ati ni kukilisha na lwingu ao na shi, ati ni mikilishize ani mituhu! Mkilonga: Ndivyo, shuti viγaluke ndivyo, mkilonga: Sivyo, shuti viγaluke sivyo, kangwe mshezakigela masa!

¹³Ati kwenyu kuna mwelumila, neavike! Ati kuna mweikala mpolele, neatowe mazumo!

¹⁴Ati kuna mwehuma neaitange waγolokezi wa bumbangwa, wamhembelezeze, kangi wamshishe mavuta mwe zina ja Zumbe!

¹⁵Wakimhembelezeza na kutozesha, vitazamunka yuja mtamu ugima, kangi Zumbe atazamwinula. Hata ati ana uhuza, abanilewo, atazauushiliziγwa.

¹⁶Votekelanai mbuli, mubanilezo! Kangi hembelezezanyai, kangwe mhone! Nguvu ya mihembelezeze ya mkweli yadaha vikulu.

¹⁷Eliya ne ai muntu sa ishwi; kangi aho akihembeleza, fula ishenye, ne kuhoshenya fula kunu shi mavuli matatu na myezi mtandatu,

¹⁸mpaka akihembeleza vituhu, ne lwingu lulavizeho fula, ne kuholozoka kunu shi.

¹⁹Wanduγu wangu, ati muntu aaγa, akiasha viya vye kweli, kukioueka mwemhitula,

²⁰tailai kuti: Muntu akihitula mhuza aaγileye, mpaka aleke sila yakwe, uyu atazahonya moyo wakwe mwe kufa, ataγubika uhuza ungi!