Read Kishambala 1. Yohana 4 Bible Online

1. Yohana 4 - Kishambala bible

1. Yohana 4

¹Wanduγu, mshetozeshe mpeho zoshe, miya γezai mpeho, ati zianduka kwa Mulungu! Hambu kunu shi kuzalawila wabilikizi wangi wa ulongo.

²Na inu mbuli mtataila mpehongwa ya Mulungu: Mpeho zoshe zelaviliza kuti: Yesu Kilisito aizile na ṅwili wa kimuntu, zianduka kwa Mulungu,

³miya mpeho zoshe zishizolaviliza kuti: Yesu Kilisito aizile na ṅwili wa kimuntu, nkazianduka kwa Mulungu, kangi inu ni mpeho yuja mtakumwomanya Kilisito, mwivileyo, kuti yaiza, kangi ivi lushe i mumu mwe inu shi.

⁴Miya inywi muanduka kwa Mulungu; wanangu, mwiwavotile waja, hambu yuja muyena naye ni mkulu kumzinka yuja, inu shi iyena naye.

⁵Waja waanduka mwe inu shi, vyaleka, walonga viya vya kiinushi, kangi inu shi yawaiva.

⁶Miya ishwi tianduka kwa Mulungu; mwemtaila Mulungu atiiva, ashiyeanduka kwa Mulungu nkatiiva. Ne tivyotaila navyo mpeho ya nkweli na mpeho ya lwazaγanyo.

⁷Wanduγu, netikundishane wenye na wenye! Hambu lukundisho luanduka kwa Mulungu, kangi kila mwekundisha aivyelwe ni Mulungu, amtaila Mulungu;

⁸ashiyekundisha nkazati amtaile Mulimgu kuti: Mulungu ni lukundisho.

⁹Lukundisho, Mulungu alotikundisha nalo, luzalawila, kuti Mulungu azamtuma ṅwanae mwe ike mwe iou shi, kangwe nezetiinkwe nkalamo ndiye.

¹⁰Shulu lukundisho lwakwe, so kwa kuγamba: Ishwi tizamkundisha Mulungu, miya yuja azatikundisha ishwi, ahoze uhuza wetu.

¹¹Wanduγu, ati Mulungu azatikundisha ivyoho, hata ishwi vyatitala, tikundishane.

¹²Nkakuna amweneye Mulungu; miya tikikundishana, Mulungu aikala kwetu, kangi lukundisho lwakwe lwabontoka kwetu.

¹³Ati taikala naye, kangi ati aikala na ishwi, tavitaila na inu mbuli, kuti azatipangila mpeho yakwe.

¹⁴Ishwi tizaviona, tavilongela uwona kuti: Tate azamtuma ṅwanae, ahonye inu shi.

¹⁵Lushe mwelaviliza kuti: Yesu ni ṅwanangwa ywa Mulungu, ne Mulungu ayeikala naye, kangi ṅwenye aikala na Mulungu.

¹⁶Ishwi tizataila, tizatozesha lukundisho, Mulungu alotikundisha nalo; Mulungu ni lukundisho, lushe muntu mwe lukundisho aikala na Mulungu, kangi Mulungu aikala naye.

¹⁷Mwe inu mbuli lukundisho, tilokundishiγwa nalo, lwabontoka, kangwe tione nyemi, mushi wa masa ukizabula; hambu yuja alivyo, ne tilivyo hata ishwi mwe inu shi.

¹⁸Woγa nkaumo mwe lukundisho, hambu lukundisho lukibontoka lwausha woγa, hambu woγa ni wa masa; ati muntu akena woγa, nkanati abontole lukundisho.

¹⁹Netimkundishe! Hambu yuja azalongola kutikundisha.

²⁰Ati muntu aγamba: Namkundisha Mulungu, kangi amshuka mnduγu ywakwe, ni mulongo, hambu akishemkundisha mnduγu ywakwe, ayemwona, atadaha zeze kumkundisha Mulungu, ashiyemwona?

²¹Kangi unu mulomo tizauinkwa ndiye kuti: Mwemkundisha Mulungu, hata mnduγu ywakwe amkundisha.