Read Kishambala 2. Yohana 1 Bible Online

2. Yohana 1 - Kishambala bible

2. Yohana 1

¹Imi mγolokezi namgondela baluwa mke zumbe ashaγulweye na wanae, niwokundisha kweli; kangi si miyo ike, hata woshe wetaila mbuli ya kweli.

²Inu mbuli ya kweli ne yetiikaila, kangi ilaanga na ishwi mpaka kwe nkalamo.

³Mbazi na utungu na mpeho yeanduka kwa Mulungu Tate na kwa Zumbe Yesu Kilisito, ṅwanangwa ywa Tate, imiikaile kweli haṅwe na lukundisho!

⁴Nizatamilishiγwa nikiona wanawo kuṅwe, wakianga na kweli, sa tivyolaγiliziγwa ni Tate.

⁵Lushe nakulombeza iwe, mke zumbe, so viya nitekugondela mlaγilizo muhya, ni uja, tiinkiγwewo aho kivoko, kangwe tikundishane.

⁶Kangi kukundishana ni γuko, tikianga, sa tivyolaγiliziγwa ndiye. Unu ni mlaγilizo wakwe, sa tiivilevyo aho kivoko, kangwe fiange nawo.

⁷Hambu waazaγanyi wangi wazaingila mwe inu shi washiwolaviliza kuti: Yesu Kilisito aizile na ṅwili wa kimuntu; mwe ivyoho ni mwazaγanyi, ne mwemwomanya Kilisito.

⁸Kiolelei wenye, kangwe mshezaaza viya, mumotilevyo na kuγoshola ndima, kangwe nezemuhokele upokezi woshe.

⁹Kila mwezisa, ashiyeanga sa viya, Kilisito ahinyizevyo, uyu Mulungu nkana naye; miya mweanga sa viya, Kilisito ahinyizevyo, uyu Tate ana naye, hata Ṅwanae.

¹⁰Ati muntu aiza kwenyu ashiyeleta viya muhinyiγwevyo, mushemhokele mwenyu, mshemunke tuio!

¹¹Hambu mwemunka tulo aivana na mbuli zakwe mbada.

¹²Nina vingi vya kumigondela, miya sikunda kuvibinda na talatasi na wino, miya naalila, kuti neniize kwenyu, tidahevitamwilana kanwa kwa kanwa, kangwe nyemi yetu iisiize kuγenela.

¹³Wana mkuluwo ashaγulweye wakuluγusha! Amini.