Read Kishambala Mfumbulo 10 Bible Online

Mfumbulo 10 - Kishambala bible

Mfumbulo 10

¹Nizaona mlau mtuhu mwe nguvu, akisheela mwe lwingu, kizwiko chakwe ni zunde, nkofiya yakwe ni lunywa mazi, cheni chakwe viya ni zuwa, milundi yakwe viya ni shiki ze moto;

²mwe mkono wakwe aitozize kitabu kidodo chikusukecho, na mulundi wa kulume aijatile mwe bahali ulanga, na mulundi wa kumosho aijatile mwe shi.

³Azakema na kanwa kikulu, sa shimba ivyoluluma; kangi akikema, mbambala mfungate zizaitikila.

⁴Izi mbambala mfungate zikiitikila, nizakunda kuvigonda; ne nihoiva kanwa chilawilecho mwe lwingu, chikiγamba: Izi mbambala mfungate zilongilevyo vifishe na kuvigela magongezo ya wafu, miya ushevigonde!

⁵Yuja mlau, nimweneye, akijata mwe bahali na mwe shi, azaoloteza mkono wakwe wa kulume na mwe lwingu,

⁶azakilisha na yuja mwekalama kale na kale, aumbileye lwingu na viya vye mumo na shi na viya vye mumo na bahali na viya vye mumo, azaγamba:

⁷Mishi nkezeikawe, miya aho, ndiho mlau ywa mfungate nezeatowe gunda jakwe, ne ndiho habontoke viya, Mulungu afishizevyo, sa alongavyo wateγanyi, ndiwo wai wapuna wakwe.

⁸Chiya kanwa, niivilecho, chikilawa mwe lwingu, chizalonga vituhu na imi angwe: Ndoko, γuwa chiya kitabu chikusukecho mwe mkono wa yuja mlau mwejata mwe bahali na mwe shi!

⁹Ne nihohita kwa yuja mlau, nizamlonga, aninke chiya kitabu kidodo. Aniti: Chiγuwe, uchimeze! Chitakuifya mwe ifu jako, miya mwe kanwa chako chitatama, viya ni woki.

¹⁰Nizaγuwa chiya kitabu kidodo mwe mkono wa yuja mlau, nizachimeza; mwe kanwa changu chizatama, viya ni mulile wa woki; miya nikibinda kuchimeza, ifu jizaniifya.

¹¹Wazaniti: Shuti uteγanyize vingi mbali nyingi za wamzimu zeγenyeza vilosi na wazumbe wangi!