Read Kishambala Mfumbulo 13 Bible Online

Mfumbulo 13 - Kishambala bible

Mfumbulo 13

¹Vikibinda nizaikwa he mshangalaγala he bahali. Nizaona nyama yekwela mwe bahali, ina feya kumi na mitwi mfungate, mwe ziya feya zakwe muna mabundu kumi, mwe ija mitwi yakwe muna mazina ya lukanko.

²Inu nyama nieneyo, ifanana na nkukulu, milundi yakwe viya ni ya nyeγeie, kanwa chakwe viya ni cha shimba. Jiya zoka jizamunka nguvu yakwe na kiti chakwe na ufuṅwa ukulu.

³Mutwi wakwe muṅwe ufanana, viya utekaṅantwa na kutakoṅwa, miya ichi kilonda cha kukoṅwa chizahona.

⁴Ngulu ngima izaolela iyo nyama na kuishentuka. Wazavika jiya zoka, kwa kuti jizainka ija nyama ufuṅwa, vituhu wazavika inu nyama angwe: Kuna mwefanana na inu nyama? Kuna mwedaha kuomana nayo?

⁵Ne ihoinkwa kanwa cha kulonga mbuli ndala za lukanko, izashungulwa kuγoshola ivyoho myezi milongo mine na mili.

⁶Izazuγula kanwa chakwe, imkanke Mulungu, izakanka zina jakwe na ikaile jakwe na waja weikala mwe lwingu.

⁷Kangi izashungulwa kuomanya waṅazi na kuwavota, izainkwa ufuṅwa wa makolwa na mbali na vilosi na wamzimu woshe.

⁸Ndiwo waivike, ni woshe weikala mwe inu shi washigondiγwewo aho, shi ikiumbiγwa, mazina yawe mwe kitabu cha nkalamo cha yuja ṅwangoto akomiγweye.

⁹Ati kuna mwena mashikilo neaive!

¹⁰Ati kuna mwetaha, yohe nezeatahwe; ati kuna mwekoma na shime, yohe shuti akoṅwe na shime, ne mizizimizize na mitozesheze ya waṅazi ivyomanyika.

¹¹Vikibinda nizaona nyama ntuhu yekwela uko shi, ina feya mbili, viya nizangoto;

¹²izalongaviya ni zoka itumikila ufuṅwa woshe wa iyo nyama ya bosi ikiolelwa ndiyo. Yaleka, shi na waja weikala mumowavike ija nyamaya bosi, ikibinda kuhona chiya kilonda chakwe cha kukoṅwa.

¹³Izaγo shola vilozo vikulu, izabuliza kulavya moto mwe lwingu na kuugwisha na shi, wantu waiolele.

¹⁴Izaazaγanya weikala mwe shi na viya vilozo, ishungulwevyo, kuviγoshola he mesho ya iyo nyama ntuhu; izalaγiliza waja weikala mwe shi, waγoshole kinyuwacha fikaya ijanyama, ndiyo iina kilonda cha kukoṅwa, kangi izauya moyo.

¹⁵Izashungulwa kugela chiya kinyuwa cha ija nyama muhuye, ichi kinyuwa cha ija nyama chidahelonga, chileke woshe, ndiwo washevike ichi kinyuwa cha ija nyama wakoṅwe.

¹⁶Kangi yadaha woshe, wadodo na wakulu, wazuli na wakiwa, wana vyale na watuṅwa, wakigele nyindi mwe mikono yawe ya kulume ao mwe vyeni vyawe,

¹⁷muntu ashezadaha kuγuzanya na kutaγizanya na weyae washinawo nyindi ja zina ja ija nyama ao du talo ja ijo zina jakwe.

¹⁸Ni unyanyi uwo! Mwena lutwi atalanye talo ja ija nyama! Hambu ni talo ja muntu. Shiji talo jakwe: Magana mtandatu na milongo mtandatu na mtandatu.