Read Kishambala Mfumbulo 16 Bible Online

Mfumbulo 16 - Kishambala bible

Mfumbulo 16

¹Nizaiva kanwa kikulu chelawa vikiloi, chikilonga waja walau mfungate angwe: Ndokoi! Itilai izo ntungo mfungate za maya ya Mulungu na mwe shi!

²Yuja ywa bosi azahita, azaitila ntungo yakwe na mwe shi; ne vilonda vibada vyeifya viholawa kwa waja wantu wena nyindi ja ija nyama, ndiyo wakivika kinyuwa chakwe.

³Yuja ywa mbili azaitila ntungo yakwe na mwe bahali, ne ihoγalamuka mpome, viya ni ya muntu mwekoṅwa, vyoshe vye moyo vye mumo mwe bahali vizafa.

⁴Yuja ywa ntatu azaitila ntungo yakwe na mwe milo na mashoko ya mazi, yohe yazaγalamuka mpome.

⁵Nizaiva mlau ywa mazi akiγamba: Wazifya masa, iwe we haha, ndiye ui haho, iwe mṅazi, kuti uzalaha ivyoho!

⁶Hambu mpome ya waṅazi na ya wabilikizi ne wakiiitila, lushe nawe uzawainka mpome wainywe; waagiziγwa ni ivyoho.

⁷Vikibinda nizaiva kanwa chelawa he okelo ja ṅombe za mviko angwe: Ni vivyo, Zumbe Mulungu wena nguvu zoshe, milahile yako ni ya kweli, yaagiza.

⁸Yuja ywa ne azaitila lushe ntungo yakwe na mwe zuwa, ne jihoshungulwa kukasa wantu na moto.

⁹Wantu wakiisiiza kukasiγwa vikulu muno, wazakanka zina ja Mulungu mwena ufuṅwa na inu milaho, nkawavoteke wakimgimbika.

¹⁰Yuja ywa shano azaitila ntungo yakwe na mwe kiti cha ija nyama, ne uzumbe wakwe uhogwa lwiza, wazaluma wenye nyimi zawe kwa kulumilwa,

¹¹wazamkanka Mulungu ywa lwingu kwa mbuli ya kulumilwa kwawe na kwa mbuli ya vilonda vyawe, nkawavoteke wakileka miγoshwele yawe mibada.

¹²Yuja ywa mtandatu azaitila ntungo yakwe na mwe uja muto mkulu wa Oifulati, ne mazi yakwe yahohwa, kangwe wazumbe weiawa lwazu lwelawa zuwa watulilwe sila.

¹³Nizaona kuti: Mwe kanwa cha jiya zoka na mwe kanwa cha ija nyama na mwe kanwa cha yuja mubilikizi ywa ulongo mzalawa mpepo ntatu mbada, viya ni majula.

¹⁴Hambu kuna mpeho za mpepo zeγoshola vilozo, zehita kwa timila wazumbe wa ngulu ngima, wawaunganyanye, waomane nkondo, mushi uja mkulu wa Mulungu mwena nguvu zoshe ukizakinta.

¹⁵Shimi! Neniize viya ni mubavi; mwe nyemi ni yuja mwekiγojesha na kuγolokela vizwiko vyakwe, kangwe ashezaanga lushi, wantu wakiona vyakwe vye shoni.

¹⁶Azawaunganyanya hantu heitangwa Kiebuleyo Halimagedoni.

¹⁷Yuja ywa mfungate azaitila ntungo yakwe uko ulanga; ne kuholawa kanwa kikulu vikiloi he kitingwa angwe: Vizabontoka!

¹⁸Ne kuhomulika na kuγuγumuka na kubambaluka, kangi mdidimo mkulu uzazinka; aho kale wantu waandileho kuikala kunu shi, nkakwaoneke mdidimo wekula ivyoho.

¹⁹Uja muzi mkulu uzakipanga mafungu matatu, hata mizi ya wamzimu izachakuka. Uja muzi mkulu wa Babeli uzafukilwa lushe ha Mulungu, uinkwe kinywelo cha mvinyo wa maya na wa kileya chakwe.

²⁰Visiwa vyoshe vizaaγa, hata milima nkaioneke.

²¹Vikibinda mawe makulu ya fula yeinga sa nkonde yazalawa mwe lwingu, yazagwela wantu. Wantu wazamkanka Mulungu kwa mbuli ya unu mlaho wa fula ya mawe, hambu nkondo yakwe ni nkulu muno.