Read Kishambala Mfumbulo 7 Bible Online

Mfumbulo 7 - Kishambala bible

Mfumbulo 7

¹Vikibinda nizaona walau wane, waiγoloke he maheta mane ya shi, wakitoza ziya mpeho ne za shi, kangwe mpeho ishekunte mwe shi na mwe bahali na he muli muṅwe du.

²Nizaona mlau mtuhu, akwela uko kwelawa zuwa, aiokiγwe na Iunyindi lwa Mulungu mwe moyo, azabohela na kanwa kikulu wajawalauwane washungulwewo kubana shi na hahali,

³angwe: Mshezabana shi na bahali na miti, shuti tineoka wapuna wa Mulungu ywetu lunyindi he vyeni vyawe!

⁴Nizaiva talo ja waja waokiγwewo lunyindi: Ni makulijagana namilongo mine na mane waokiγwewo lunyindi wa makolwa yoshe ya wana Isilayeli.

⁵Wa kolwa ja Yuda waokiγwewo lunyindi ni makulija kumi na maili, wa kolwa ja Lubeni ni makulija kumi na maili, wa kolwa ja Gadi ni makulija kumi na maili,

⁶wa kolwa ja Aseli ni makulija kumi na maili, wa kolwa ja Nafutali ni makulija kumi na maili, wa kolwa ja Manase ni makulija kumi na maili,

⁷wa kolwa ja Simeyoni ni makulija kumi na maili, wa kolwa ja Lewi ni makulija kumi na maili, wa kolwa ja Isakali ni makulija kumi na maili,

⁸wa kolwa ja Sebuluni ni makulija kumi na maili, wa kolwa ja Yosefu ni makulija kumi na maili, wa kolwa ja Benyamini ni makulija kumi na maili waokiγwewo lunyindi.

⁹Vikibinda nizaolela, nizaona bumba kulu, muntu ashijodaha kutala, jianduka kwa wamzimu na kwe makolwa na kwe mbali na kwe vilosi vyoshe, wazaγoloka kamazu he chiya kitingwa na he yuja ṅwangoto, waizwikile nkazu zeṅala;

¹⁰waitozize masala na mikono yawe, wazakema na vyanwa vikulu angwe: Uvunizi u kwa Mulungu ywetu mweikaila kitingwa na kwa yuja ṅwangoto!

¹¹Ne walau woshe weγolokela icho kitingwa na kuchidenganila na waja watawa na ziya nyama ne wahokinila funi icho kitingwa na kumvika Mulungu,

¹²angwe: Amini; uṅazi na utana na viyuγo na ntogolo na ufuṅwa na nguvu na ukulu ni wa Mulungu ywetu kale na kale! Amini.

¹³Waja waγolokezi ṅwiyae ywawe muṅwe azaniuza, azaniti: Awa wazwikilewo shuke zeṅala ni wantu ani? Walawa na hi? Nizamuti: Zumbe ywangu, wataila.

¹⁴Azaniti: Awa ne welawa mwe ukiwa ukulu, wazafula shuke zawe, wazaziṅaza na mpome ya yuja ṅwangoto.

¹⁵Kwa ivyoho, waγolokela kitiugwa cha Mulungu, wamtumikila kilo na mushi mwe vikilo jakwe, kangi yuja mweikaila kitingwa nezeaikale kwawe.

¹⁶Nkezewakeona sala ao du nkilu, kangi nkezewakekasiγwa ni zuwa ao kiluke ani kiluhu,

¹⁷hambu yuja ṅwangoto mweikaila kilingwa atawalisha, atawaiγala kwe mashoko ya mazi ye nkaiamo, kangi Mulungu atahonola meshozi yoshe mwe mesho yawe.