Read Kissi O Kandɔɔ 36 Bible Online

O Kandɔɔ 36 - Kissi bible

O Kandɔɔ 36

¹Dɛnɛ yungu Esau-vo yɔŋnun hoo ni, Esau kon nɔ vɛlɛ diolan ni aa Edɔm.

²Mí Esau yil vanlaandua Kanannda nda yáá o nɔ̀u: Ada, cua Elɔn Hitiinɔ-o, Oholibama, cua Ana-o, o Sibeɔn Heviinɔ velu-o pɛɛn,

³a Basmat, cua Ismaɛl-lo, yemaa Nebayɔt.

⁴Mí Ada vilul Esau Elifas, mí Basmat vilul ndu Reuɛl.

⁵Mí Oholibama ndu vilul ndu Yeus, Yaelam a Kora. Poaa kan Esau velu o lɛŋnde Kanaan-nden nin ni.

⁶Mí Esau cua laandaa ndɔa, poaa ndɔa, cuavaa ndɔa laandua a vanaa va o ba ndɔɔ bɛngu-a kpow, handɔɔ cɔlua ndɔa a ɲɛm o sɔla o lɛŋnde Kanaan-nden nin-ndon kpow coo, mó faŋan Yakɔb pɔmbɔ ndɔ ikɛi, mó kɔannun o lɛŋnde celen nin polon.

⁷Kani cɔlua va nda o ba taw-taw, ndáà nɔla sulɔɔ o tàndà pilɛ nin te. Nduyɛ, lɛŋnde nda va icali nin-nden léè tiw lɛ nda le, bau cɔlua ndaa va bɔɔ sɛ́lɛ́.

⁸Le hee, mí Esau ndu kɔannun, mó kɔ cal o pembei Seir coo. Esau kon co Edɔm ni.

⁹Dɛnɛ yungu Esau-vo yɔŋnun hoo ni, fuɲa-mama Edɔmnda pɛɛn, ó va icali o pembei Seir coo-o.

¹⁰Diola poaa ndɔa la co lan ni: Elifas, po Ada laa ndɔ vilul ndu-o a Reuɛl, po Basmat laa ndɔ vilul ndu-o.

¹¹Poaa Elifas velu-a va haa ni: Teman, Omar, Sefo, Kaetam a Kenas.

¹²Elifas va tiɔmɔɔ nda cuaa pum diolan Timna. Mí ndu bɛɛ vilul ndu poo diolan Amalɛk. Cuavaa Ada lanɔɔ Esau-va yɔŋnun kan ni.

¹³Poaa Reuɛl velu-a yɔŋnun haa ni: Nahat, Sera, Samma a Misa. Poaa Basmat lanɔɔ Esau-va yɔŋnun kan ni.

¹⁴Mí Oholibama, lanɔɔ Esau, cua Ana-o, o yɔŋnun cua imama Sibeɔn-ndo-o ndu vialu Yeus, Yaelam a Kora.

¹⁵Háá yɔŋnun bolii lapangɛi o poaa Esau-va tɛɛn ni. Vanaa va bolii lapangɛi o polale Elifas, po tase Esau-vo coo-a yɔŋnun haa ni: Teman, Omar, Sefo, Kenas,

¹⁶Kora, Kaetam a Amalɛk. Nda va bolii lapangɛi o polale Elifas, po Ada-o len coo o lɛŋnde Edɔm-nden nin ni.

¹⁷Vanaa va bolii lapangɛi o polale Reuɛl po Esau-vo len coo-a yɔŋnun haa ni: Nahat, Sera, Samma a Misa. Nda yɔŋnun bolii lapangɛi o poaa Reuɛl-la tɛɛn o lɛŋnde Edɔm-nden nin ni, poaa Basmat lanɔɔ Esau-va pɛɛn.

¹⁸Vanaa va bolii lapangɛi o poaa Oholibama lanɔɔ Esau-va coo-a yɔŋnun haa ni: Yeus, Yaelam a Kora. Nda yɔŋnun bolii lapangɛi o poaa Oholibama cua Ana-o coo ni, Oholibama lanɔɔ Esau pɛɛn.

¹⁹Háá yɔŋnun poaa Esau-va ni, nda va bolii lapangɛi o yungula ndalan coo o polale Edɔm-nden coo ni.

²⁰Cuavaa-imamaa fula o polale Seir Horiinɔ len coo-a va haa ni, nda yɔŋnun vanaa tasea cal o lɛŋnde Edɔm-nden nin-nda ni: Lotan, Sobal, Sibeɔn, Ana,

²¹Disɔn, Ɛtsɛr a Disan. Nda koni yɔŋnun bolii lapangɛi o yungula Horiia, poaa Seir-a coo o lɛŋnde Edɔm-nden nin ni.

²²Poaa Lotan-nda yɔŋnun Hori nda Hemam ni. Lotan ndóò nɔ yema laandoo diolan Timna.

²³Poaa Sobal-la yɔŋnun haa ni: Alvan, Manahat, Ebal, Sefo a Onam.

²⁴Poaa Sibeɔn-nda yɔŋnun Aya[18] nda Ana ni. Ana kon saalun mɛnndan o lɛŋnde veselɛilen nin telen o va sofɛlɛa Sibeɔn fuɲa ndɔ-a keeliaa diólan-ndo ni.

²⁵Hɔ́aa Ana velu-a yɔŋnun haa ni: o piaandoo diolan Disɔn, o laandoo Oholibama.

²⁶Poaa Disɔn-nda yɔŋnun haa ni: Hɛmdan, Ɛsban, Yitran a Keran.

²⁷Poaa Ɛtsɛr-a yɔŋnun haa ni: Bilan, Saavan a Akan.

²⁸Poaa Disan-nda yɔŋnun Ut nda Aran ni.

²⁹Vanaa yɔŋnun bolii lapangɛi o yungula Horiia coo-a yɔŋnun haa ni: Lotan, Sobal, Sibeɔn, Ana,

³⁰Disɔn, Ɛtsɛr a Disan. Nda yɔŋnun bolii lapangɛi o yungula Horiia coo o lɛŋnde Seir len nin ni.

³¹Masaa tosa masalen o lɛŋnde Edɔm-nden coo-a yɔŋnun haa ni, telen kon, hali masaa ndu pilɛ ndóò tosa vɔ masalen Israɛl te:

³²Bela po Beɔr-o tosa masalen Edɔm, kobi ndɔɔ diolan Dinaba.

³³Mɛɛ o vi, mí Yobab, po Sera fula Bɔsra-o koma sul masaa o fonda ndɔɔ.

³⁴Mɛɛ Yobab vi, mí Husam fula Temanitea-o koma sul masaa o fonda ndɔɔ.

³⁵Mɛɛ Husam vi, mí Hadad, po Bedad-o koma sul masaa o fonda ndɔɔ. Ndu tiw yungoo Madian ba o tàndá Moab-o nin ni. O kobi nɔ diolan Avit-o nin ndóò fula ni.

³⁶Mɛɛ Hadad vi, mí Samla fula Masreka-o koma sul masaa o fonda ndɔɔ.

³⁷Mɛɛ Samla vi, mí Saul fula Rehobɔt o pee bɛndoo kɔngɔ-o koma sul masaa o fonda ndɔɔ.

³⁸Mɛɛ Saul vi, mí Baal-Hanan po Akbɔr-o koma sul masaa o fonda ndɔɔ.

³⁹Mɛɛ Baal-Hanan po Akbɔr-o vi, mí Hadar sul masaa o fonda ndɔɔ. Kobi ndóò fula nin-ndo diolan Pau. Ndóò nɔ lanɔɔ diolan Mehetabeɛl, cua Matred-o a cua imama Mesahab-o o va ni.

⁴⁰Vanaa va bolii lapangɛi o yungula cuavaa Esau-va nin-nda yɔŋnun haa a fondala nda va icali lan a á diola ndalan ni: Timna, Alva, Yetɛt,

⁴¹Oholibama, Ela, Pinɔn,

⁴²Kenas, Teman, Mibsar,

⁴³Makdiɛl a Iram. Nda yɔŋnun bolii lapangɛi Edɔm ni. A va o tàndàlan nin yɛ́-yɛ́ o lɛŋnde nda va icali nin-nden nin. Cuavaa-imamaa Esau-va yɔŋnun haa ni, fuɲa-mama Edɔmnda pɛɛn.