Read Kissi 1Masaa 4 Bible Online

1Masaa 4 - Kissi bible

1Masaa 4

¹Mí masaa Salomɔn siŋnun masaa Israɛlla kpow coo.

²Diola vanaa bɛndua va ndu o ba bɛngu-a la va lan ni: Asaria po Sadɔk vana-solia-lasálàá,

³Elihorɛf nda Ahiya, poaa Sisa-a, nda va vanaa sɛvaa ni. Yosafat, po Ahilud-o va vana yondaa masaa[11] ni.

⁴Benaya, po Yehoyada-o va bolle vanaa cɔwva ni. Sadɔk nda Abiatar va vanaa-solia-lasálàá ni.

⁵Asaria, po Natan-ndo va bolle masaa n'bungaa ni, Sabud po Natan-ndo va vana-solia-lasálàá pilɛ, o va vɛlɛ caaŋoo masaa.

⁶Ahisar va simlacinɔ vanaa va baalaa o cɛi lemasaa nin-nda ni. Adoniram, po Abda-o va baala lepɔtɔllo bollen ni.

⁷Salomɔn ndóò nɔ vɛlɛ masaa n'bungaa tɔ́ a à ŋiɔn o lɛŋnde Israɛl-ten kpow nin. Nda va masaa Salomɔn pila a yungu ndɔɔ ɲɛdiaa yɔngoo ni. Masa ibunga oo masa ibunga va ɲɛdiaa kon yɔngoo le paangei pilɛ o vɔsio nin.

⁸Diola masaa n'bungaa kan la co lan ni: Po Hur-o, o tàndá n'pembu Efraim-ndo nin.

⁹Po Dekɛr-o, le tàndàá Makat, Saalbim, Bɛt-Siemɛs, Elɔn a Bɛt-Hanan.

¹⁰Po Hesɛd-o, le Arubɔt, Soko a lɛŋnde Hefɛr len kpow.

¹¹Po Abinadab-o ndóò nɔ tàndá n'pemboo Dɔr ni. Tafat, cua Salomɔn-ndo va laa ndɔ ni.

¹²Baana, po Ahilud-o ndóò nɔ lɛŋnde Taanak len, Mekido a tàndá va Bɛt-Sean co Sartan ikɛi Yiseɛl a ba too-o ni. Tàndá kon kandun Bɛt-Sean, mó kɔa Abɛl-Mehola, mó kɔ tiiyaa háá Yɔkmeam a maluaŋ.

¹³Po Kebɛr-o va Ramɔt o tàndá Kalaad-o nin ni, ndu óò nɔ sɔndɔkɔlta Yair la va o tàndá kon nin-ndan ni. Yair kon yɛ, o polale Manase len nin ndóò fula ni. Po Kebɛr kon koni ndóò nɔ vɛlɛ Arkɔb o dɛngbɛ Basan-ndo nin ni. Faw-faw, kobila bɛndula va o kpakilan nin-ndan belaŋɔmpum la va o tàndá kon nin ni. A sɔkɔma n'daɲan ndáà kinda kpakila lan ni.

¹⁴Ahinadab po Ido-o va o tàndá Mahanaim-ndo nin ni.

¹⁵Ahimaas va o tàndá Nɛftali-o nin ni. Basmat, cua Salomɔn-ndo Ahimaas kon bɛɛ ndóò yil o nɔ̀u nin ni.

¹⁶Baana po Husai-yo va o tàndá Asɛr a Bealɔt-o nin ni.

¹⁷Yosafat po Parua-o va o tàndá Isakar-o nin ni.

¹⁸Simei po Ela-o va o tàndá Bɛnyamɛn-ndo nin ni.

¹⁹Kebɛr po Uri-o va o tàndá Kalaad-o nin ni. Ndu koni tàndá Sihon masa Amoriia a Ɔk masaa Basan-ndo va o ba bɛngu ni. Handɔɔ o n'van tɔ́ a vanaa ŋiɔnda ha coo, masa ibungaa pilɛ va vɛlɛ o lɛŋnde len nin[12].

²⁰Vannda Yuda a vannda Israɛl a va sɛ́lɔ́ɔ́ taw maa mɛɛ sióónndon co o mɛmma ihɛllan kɔngɔ nuaa yɛ. A va dioo, a va kolɔɔ, a va ɲaaloo dɔwnɔnndo taw.