Read Kissi 1Dɛnnda lemasalan 24 Bible Online

1Dɛnnda lemasalan 24 - Kissi bible

1Dɛnnda lemasalan 24

¹Kundala poaa Aarɔn-nda la yɔŋnun ndan ni. Aarɔn ndóò velu poaa nda hiɔɔlu: Nadab, Abihu, Eleasar a Itamar.

²Mí Nadab nda Abihu sɔla piɔ́mndo fuɲa nda tase, a vilu n'cuaw le. Eleasar nda Itamar va baala vanaa-solia-lasálàá tosaa ni.

³Mí David piɔw poaa fula o polale Aarɔn-nden nin-nda, mó kɛsi nda a kundalan mɛɛ baalala ndalan la va yɛ, vanaa va ndu ikɛi o piɔw kon-nda a yɔŋnun Sadɔk, fulaa o poaa Eleasar-a tɛɛn nda Ahimelɛk, fulaa o poaa Itamar-a tɛɛn ni.

⁴Simlacia[37] fula o poaa Eleasar-a tɛɛn-nda ndáà hiow vaa sɛ́lɛ́ a á fula o poaa Itamar-a tɛɛn-nda. O kon má piɔw nda a kundalan. O poaa Eleasar-a tɛɛn, mí vanaa va bolii lapangɛi-ya bɛnda n'van tɔ́ a vanaa ŋɔmpum, mí a fula o polale Itamar len nin-nda bɛnda nda ŋɔmaa.

⁵Má mal siondei, má piɔw nda a kundalan a pilɛn-pilɛnnda, kani o poaa Eleasar-a a o poaa Itamar-a tɛɛn, vanaa bɛndua va le Fonda-Diandaa-a a á va le Hala-a ndáà fula ni.

⁶Semaya, po Netaneɛl fula o polale Levii len nin-ndo va vana sɛvaa ni, mó sɛva nda diolan vannda ha o hɔl: masaa, simlacia, Sadɔk vana-solia-lasálàá, Ahimelɛk po Abiatar-o, vanaa va bolii lapangɛi vanaa-solia-lasálàá-a a leviia. A cua pɛ vana pilɛ o polale Eleasar len coo, a cua vɛlɛ vana pilɛ o polale Itamar len coo.

⁷Vana tase sionnden le bii-yo yɔŋnun Yehoyarib ni, o diinndɔɔ Yeyada,

⁸o yàándɔɔ Harim, o hiɔɔlundɔɔ Seorim

⁹o ŋuɛɛnundɔɔ Malkiya, o ŋɔmpumndɔɔ Miyamim,

¹⁰o ŋɔmmɛwndɔɔ Hakɔs, o ŋɔmaandɔɔ Abiya,

¹¹o ŋɔmahiɔɔlundɔɔ Yosue, o tɔ́ndɔɔ Sekania,

¹²o tɔ́ a ò pilɛndɔɔ Eliasib, o tɔ́ a o diinndɔɔ Yakim,

¹³o tɔ́ a o yàándɔɔ Hupa, o tɔ́ a o hiɔɔlundɔɔ Yesebab,

¹⁴o tɔ́ a o ŋuɛɛnundɔɔ Bilka, o tɔ́ a o ŋɔmpumndɔɔ Immɛr,

¹⁵o tɔ́ a o ŋɔmmɛwndɔɔ Hesir, o tɔ́ a o ŋɔmaandɔɔ Hapisɛs,

¹⁶o tɔ́ a o ŋɔmahiɔɔlundɔɔ Petahia, o bidiinndɔɔ Esekiɛl,

¹⁷o bidiin a ò pilɛndɔɔ Yakin, o bidiin a o diinndɔɔ Kamul,

¹⁸o bidiin a o yàándɔɔ Delaya, o bidiin a o hiɔɔlundɔɔ Maasia.

¹⁹Nuaa ndáà kɛsi nda a kundalan le baala ndaa tosaa telen nda va luɛyɔɔ o Cɛi-Mɛlɛka-o nin-ndo ni, maa mɛɛ Mɛlɛka, Hala Israɛlla ndóò yɔngu Aarɔn, fuɲa nda mamaa tɔŋnda lan, mó sɛval nda lan yɛ.

²⁰Diola leviaa tɔ̀a la co lan ni: o poaa Amram-nda tɛɛn Subaɛl, o poaa Subaɛl-la tɛɛn Yedeyahu,

²¹o poaa Rehabia-a tɛɛn Yisiya yɔŋnun po tasoo ni.

²²O poaa Yisehar-a tɛɛn Selomɔt, o poaa Selomɔt-a tɛɛn Yahat.

²³Poaa Hebrɔn-nda a yɔŋnun haa ni: o tasoo Yeriya, o diinndɔɔ Amaria, o yàándɔɔ Yahasiɛl, o hiɔɔlundɔɔ Yekameam.

²⁴O poaa Usiɛl-la tɛɛn Misee, o poaa Misee-a tɛɛn Samir.

²⁵O poaa Yisiya puapilɛ Misee-o-a tɛɛn Sakari.

²⁶Poaa Merari-a yɔŋnun haa ni: Mahli a Musi. Beno yɔŋnun po Yaasia-o ni.

²⁷Poaa Merari-a yɔŋnun Yasia, Soham, Sakur a Ibri ni.

²⁸O poaa Mahli-a tɛɛn Eleasar ndu vilu po le.

²⁹Yerameɛl yɔŋnun po Kis-o ni.

³⁰Poaa Musi-a a yɔŋnun Mahli, Edɛr a Yerimɔt ni. Haa yɔŋnun poaa leviia mɛɛ yungula fuɲaa ndaa la va yɛ ni.

³¹Mí poaa leviia bɛɛ mal siondei maa puapilɛa ndaa, poaa Aarɔn-nda pɛɛn, masaa David, Sadɔk, Ahimelɛk, a vanaa va bolii lapangɛi o vanaa-solia-lasálàá a leviia tɛɛn-nda o hɔl. Mɛɛ nda tosal yungu po tasoo yɛ koni nda tosal vɛlɛ yungu vana va cuaambɔ-o ni.