Read Kissi 1Dɛnnda lemasalan 5 Bible Online

1Dɛnnda lemasalan 5 - Kissi bible

1Dɛnnda lemasalan 5

¹Rubɛn yɔŋnun po tasoo o poaa Yakɔb-a tɛɛn ni. Kɛ ndóò hinilan a lanɔɔ fuɲa ndɔ[10], mí fonda ikaasonyaa hialun ndu[11], mí fonda kon yɔngun polale Yosɛf len, po Israɛl-lo pɛɛn. O kon, Rubɛn cinnun-ndɛ maa po tase le.

²Nduyɛ, Yuda ndóò hiow puapilɛa ndɔa kpow kpaayaa, o polale ndɔlen nin masa bɛndu Israɛlla fula ni, kɛ le Yosɛf fonda ikaasonyaa va nin ni.

³Poaa Rubɛn-nda yɔŋnun haa ni, po tase Yakɔb-o pɛɛn: Henɔk, Pallu, Hɛsrɔn a Karmi.

⁴Poaa Yɔɛl-la yɔŋnun haa ni: Semaya, Kɔk, Simei,

⁵Mika, Reaya, Baal

⁶a Bɛera, o Tilkat-Pilnesɛr[12] masaa Asiri ndóò kɔɛ o cɛlen nin-ndo. Bɛera kon yɔŋnun simlacinɔɔ le vanaa fula o polale Rubɛn-nden nin-nda ni.

⁷Tofa vɔ mɛɛ puapilɛa Bɛera-a va a yungula ndalan o polalen yɛ, lende ndáà sɛva nda diolan o sɛbɛla vialaalan ni a lambilan ni: Yeiɛl yɔŋnun bolle pangale taselen ni, mí Sakari sɔɔnguu ndu ikɛi.

⁸Mí Yɔɛl vialu Sema, mí Sema vialu Asas, mí Asas vialu Bela. O tàndá Aroɛr-o nin polale Rubɛn-nden le va icali ni, keiyo a Nebo, kɔlan tiiyaa háá Baal-Meɔn.

⁹A ba paalen le can-ndo, a va icali kandɔɔ o peo Efrate háá o pɛɛngulan a lɛŋnde veselɛilen. Kani cɔlua ndaa va bɔɔ sɛ́lɛ́ o tàndá Kalaad-o nin.

¹⁰Telen Saul va masaa-o, má del Hakeriia coo a cɔwvo, má nɔla nda, má hialu lɛŋii va Kalaad a ba paalen le can-ndo-e kpow, má calnun niko lon.

¹¹Polale Kad len léè cɛɛlian a polale Rubɛn-nden ni. Polale Kad len le va icali kandɔɔ o lɛŋnde Basan-nden nin, kɔlan tiiyaa háá Salka. Nda va haa ni:

¹²Yɔɛl yɔŋnun bolle pangale taselen ni, o diinndɔɔ Safam, Yaenai a Safat, o lɛŋnde Basan-nden nin nda va ni.

¹³Puapilɛa ndaa yɔŋnun haa mɛɛ yungula ndalan la va yɛ ni: Mikaɛl, Mesulam, Seba, Yorai, Yaekan, Siya a Ebɛr.

¹⁴Vanaa va simlacia yungula lan-nda yɔngun poaa Abihayil-la ni, poaa kan fuɲaa ndaa mamaa yɔŋnun haa o polalen ni: Huri, Yaroa, Kalaad, Mikaɛl, Yesisai, Yado a Bus.

¹⁵Ahi po Abdiɛl-lo, po imama Kuni-o va bolle pangalen le yungula lan ni.

¹⁶O tàndá Kalaad-o nin, o tàndá Basan-ndo nin a o cieon va o tàndála lan nin-ndon polale Kad len le va icali ni. Vanaa kan va vɛlɛ icali o yondola bil puiyaalan Saron kpow nin, kɔlan tiiyaa háá o pɛɛngula lɛŋnde len.

¹⁷Tuma Yotam va masaa Yuda-o a telen Yeroboam va masaa Israɛl-lo nda sɛva nda kpow diolan o sɛbɛlan nin ni.

¹⁸Poaa Rubɛn-nda, poaa Kad-a a poaa fula o polale tálále Manase len nin-nda, ndáà nɔ kuubaa cɔwva vaalan belehiɔɔlu a lahiɔɔlu a kɛmɔɔ leŋɔmmɛw a belaŋɔmpum. Kuubaa kan ndáà caa kɔ̀ɔ̀ cɔwvo a mɔɛi cɔwve, te kon te kpaasiaa hiŋndo taw. Nda kpow ndáà nɔla kɔlan o cɔwvo.

¹⁹Má kuel Hakeriaa va Yetur, Nafis a Nodab-a a cɔwvo.

²⁰Telen nda va cɔw kon tosaa-o, má piɛi Hala. Le tiindan nda tiindan kon Hala, má ɲuna ndu-o, mí Hala mala nda. Má nɔla Hakeriaa kan a vanaa ndáà sɔɔnguu le nda mala-a kpow.

²¹Má hialu cɔlua ndaa: ɲɔɔmɛɛa vàálan tan ŋuɛɛnu, saa vaalan kɛmɛ lediin beleŋuɛɛnu, sofɛlɛa vàálan tan tiɔn a vanndacieea vaalan kɛmɛ.

²²Má diw vannda o cɔw kon taw, kani Hala va nda malaa. O kon, má calnun niko o lɛŋnde Hakeriaa kan nin háá telen nda kɔɛ a Israɛlla o biyɔɔ nin-ndo.

²³Mí polale tálále Manase len le kɔ cal o tàndá va kandɔɔ Basan háá Baal-Hɛrmɔn o pembei Senir-o nin. Poaa kan va sɛ́lɛ́ taw.

²⁴Diola vanaa va bolii lapangɛi ndɛi-ya la co lan ni: Efɛr, Yisei, Eliɛl, Asriɛl, Yeremi, Hodavia a Yadiɛl. Nda kpow ndáà nɔ yoomuan a tɔ́ɔ́ taw.

²⁵Kɛ a lo o lediom coo a Hala fuɲaa ndaa mamaa le, kani má baŋ vulan piɔmaa vanaa va o lɛŋnde len nin-nda o labɛngunin, vanaa Hala diw nda kan laci-a pɛɛn.

²⁶Le hee, mí Hala Israɛlla luei Pul nda Tilkat-Pilnesɛr va masaa Asiriia-a yiyanndo nin, má kɔ del poaa Rubɛn-nda, poaa Kad-a a poaa va o polale tálále Manase len nin-nda coo, má bii nda, má kɔa a nda o cɛlen nin o fonda nɔ diolan aa Hala-o, Habɔr a Hara a o peo Kosan kɔngɔ, a co vɔ icali lon háá paalen nden.

²⁷Poaa Levii-a yɔŋnun haa ni: Kɛrsɔn, Kehat a Merari,

²⁸Poaa Kehat-a yɔŋnun haa ni: Amram, Yisehar, Hebrɔn a Usiɛl.

²⁹Poaa Amram-nda yɔŋnun haa ni: Aarɔn, Moise a Miriam. Poaa Aarɔn velu-a yɔŋnun Nadab, Abihu, Eleasar a Itamar ni.

³⁰Mí Eleasar vialu Pineas, mí Pineas vialu Abisua.

³¹Mí Abisua vialu Buki, mí Buki vialu Usi.

³²Mí Usi vialu Seraya, mí Seraya vialu Merayɔt.

³³Mí Merayɔt vialu Amaria, mí Amaria vialu Ahitub.

³⁴Mí Ahitub vialu Sadɔk, mí Sadɔk vialu Ahimaas.

³⁵Mí Ahimaas vialu Asaria, mí Asaria vialu Yohanan.

³⁶Mí Yohanan vialu Asaria. Asaria kon va vana-solia-lasálàá o Cɛi-Hala Salomɔn ndóò tangul Yerusalɛm-ndo nin ni.

³⁷Mí Asaria vialu Amaria, mí Amaria vialu Ahitub.

³⁸Mí Ahitub vialu Sadɔk, mí Sadɔk vialu Salum.

³⁹Mí Salum vialu Hilkiya, mí Hilkiya vialu Asaria.

⁴⁰Mí Asaria vialu Seraya, mí Seraya ndu vialu Yehosadak.

⁴¹Telen Mɛlɛka vem Nebukanɛsar le vannda Yuda a haa Yerusalɛm biyɔɔ le kɔlan a nda o cɛlen nin-ndo, mó bii Yehosadak kon, mó kɔannun a ndu.