Read Kissi 1Dɛnnda lemasalan 7 Bible Online

1Dɛnnda lemasalan 7 - Kissi bible

1Dɛnnda lemasalan 7

¹Poaa nda hiɔɔlu Isakar ndóò velu ni: Tola, Puva, Yasub a Simrɔn.

²Mí Tola vialu Usi, Refaya, Yeriɛl, Yamai, Yibsam a Semuɛl[16]. Haa yɔŋnun bolii lapangɛi o polale Tola len coo ni. Tuma David va masaa-o, má sɛva nda diolan, mí vanaa cɔvaa velun o yungula fula o polale Tola len nin-nda bɛnda vannda vaalan bidiin a latiɔn a kɛmɛ leŋɔmpum (22 600).

³Usi velu Yisrahia ni, mí Yisrahia vialu Mikaɛl, Abdia, Yɔɛl a Yisiya. Nda ŋuɛɛnu va ni, bolii lapangɛi nda kpow a yɔŋnun ni.

⁴Le tùú vanaa fula o polale ndalen nin a o yungula ndalan nin-nda va sɛ́lɛ́ taw-vo, má soli vanaa cɔwva vaalan beleyaa a laŋɔmpum (36 000). Kani laandaa ndaa a cuavaa ndaa va sɛ́lɔ́ɔ́ taw-taw.

⁵Ndáà ciiyo nda sɛvaa kpow, mí puapilɛa ndaa, á va vanaa cɔwva o yungula va o polale Isakar len nin-ndan-nda bɛnda faw-faw vaalan belaŋɔmaa a laŋɔmmɛw (87 000).

⁶Poaa nda yáá Bɛnyamɛn ndóò velu ni: Bela, Bekɛr a Yediaɛl.

⁷Mí Bela ndu vialu poaa nda ŋuɛɛnu: Ɛsbɔn, Usi, Usiɛl, Yerimɔt a Iri. Nda va bolii lapangɛi o yungula ndalan coo ni. Vanaa mayoomua nda va ni. Ndáà ciiyo nda sɛvaa kpow, má bɛnda vaalan bidiin a latiɔn a n'van beleyaa a vanaa hiɔɔlu (22 034).

⁸Poaa Bekɛr-a kpow yɔŋnun haa ni: Semira, Yoas, Eliesɛr, Elioenai, Ɔmri, Yeremɔt, Abiya, Anatɔt a Alemɛt.

⁹Ndáà ciiyo vanaa va simlacia, má yɔŋnun vanaa cɔwva o yungula ndala yɛ́-yɛ́lan nin-nda diolan sɛvaa, má bɛnda vannda vaalan bidiin a kɛmɛ lediin (20.200).

¹⁰Yediaɛl velu Bilan ni, mí Bilan vialu Yeus, Bɛnyamɛn, Ehud, Kenaana, Seitan, Tarsis a Ahisahar.

¹¹Haa kpow yɔŋnun poaa Yediaɛl-la ni, nda va bolii lapangɛi o yungula ndalan coo ni. Ndáà ciiyo nda diolan sɛvaa, mí vanaa ndáà tiw ba le cɔwvo tosaa o nda tɛɛn-nda bɛnda vaalan tɔ́ a laŋɔmmɛw a kɛmɛ lediin (17 200).

¹²Supim a Hupim yɔŋnun poaa Ir-a ni, Husim va po Ahɛr-o ni.

¹³Poaa Nɛftali-a va Yasiɛl, Kuni, Yesɛr a Salum ni. Nda yɔŋnun poaa imamaa Bilha-a[17] ni.

¹⁴Poaa Manase velu-a va haa ni: Asriɛl, ò sámá ndɔ aramiinɔɔ vilul ndu-o. Mí sámá ndɔ vialu vɛlɛ Makir, Makir kon yɔŋnun fuɲaa Kalaad ni[18].

¹⁵Mí Makir yil lanɔɔ pum le Hupim, mó yil vɛlɛ lanɔɔ o pilɛ le Supim. Makir ndóò nɔ yemaa diolan aa Maaka. Po diinndɔɔ ndóò velu-o diolan Selofad, kɛ cuavaa laandua kínɛí Selofad kon ndu ndóò velu ni.

¹⁶Mí Maaka, lanɔɔ Makir vialu poo o pilɛ, mó ke ndu diolan aa Perɛs. Perɛs kon, diola pɔmbɔ ndɔlan la va ni aa Serɛs. Serɛs kon yɔŋnun fuɲaa Ulam nda Rekɛm ni.

¹⁷Mí Ulam vialu Bedan. Haa yɔŋnun poaa Kalaad po Makir-o, po imama Manase-o velu-a ni.

¹⁸Mí Hamolekɛt yemaa Kalaad vialu Ishɔd, Abiesɛr a Mala.

¹⁹Poaa Semida-a va haa ni: Ahian, Sikɛm, Liki a Aniam.

²⁰Poaa Efraim-nda yɔŋnun haa o polalen ni: Sutela, Berɛd, Tahat, Eleada, Tahat,

²¹Sabad, Sutela. Mí Esɛr nda Elead, poaa celeŋaa Efraim-nda kɔa le cɔlua vanaa velun o lɛŋnde Kat len nin-nda hiɔlɔɔ, kɛ mí vanaa kan a diw nda.

²²Mí Efraim fuɲa nda tosa biisi ndaa palɛi taw. Mi vanayan ndɔn sɔɔnguu ndu ikɛi le ndu ɲɔɔloo.

²³O kon kɔɔli, mí Efraim mɔɔsa vɛlɛ kpeloo nda laa ndɔ[19], mó cua folio, mó vialu poo, mó ke ndu diolan aa Beria. Kani dɛnɛ palaa va o yungu ndɔɔ nin.

²⁴Mó sɔla vɛlɛ hɔ́ɔ́ laandoo diolan Seera. Seera kon ndóò tangul Bɛt-Hɔrɔn-o-dɛngbɔɔ-nin a Bɛt-Hɔrɔn-o-pembei-coo ni. Ndu koni tangul vɛlɛ Usɛn-Seera ni.

²⁵Poaa-imamaa velun o polale Beria len nin-nda va haa ni: Refa, Resɛf, Telah, Tahan,

²⁶Laedan, Amihud, Elisama,

²⁷Nun po ndɔ a Yosue po ndɔ.

²⁸Lɛŋnde vanaa fula o polale Efraim-nden nin-nda va icali nin-nden le va len ni: kandɔɔ Betɛl a cieon va Betɛl o ba bɛngu-on, keiyo Naaran co a ba paalen le can-ndo-o, kɔlan Kesɛr a ba paalen le del-lo a cieon va Kesɛr o ba bɛngu-on, kɔlan tiiyaa háá o tàndá co Sikɛm a Aya tɛɛn-ndo a sɔndɔkɔlta ndɔlan.

²⁹Poaa Manase-a ndáà nɔ kobilan Bɛt-Sean, Taanak, Mekido, Dɔr a cieon va lan o ba bɛngu-on kpow ni. O kobila lan nin poaa imamaa Yosɛf, po Yakɔb-o-a va icali ni.

³⁰Poaa Asɛr-a va Yimna, Yisva, Yisvi, Beria a Sera yema nda ni.

³¹Mí Beria vialu Hebɛr a Malkiɛl, Malkiɛl kelu kobio Birsait-o pɛɛn.

³²Mí Hebɛr vialu Yaflɛt, Somɛr, Hotam a Sua yema nda.

³³Poaa Yaflɛt ndu velu-a yɔŋnun Pasak, Bimhal a Asvat ni.

³⁴Poaa Semɛr-a va Ahi, Roheka, Huba a Aram ni.

³⁵Poaa Helɛm puapilɛ ndɔ-a yɔŋnun Sofa, Yimna, Selɛs a Amal ni.

³⁶Mí Sofa vialu Sua, Harnefɛr, Sual, Beri, Yimra,

³⁷Besɛr, Hɔd, Samma, Silsa, Yitran a Bɛera.

³⁸Poaa Yetɛr-a yɔŋnun Yefune, Pispa a Ara ni.

³⁹Poaa Ulla-a yɔŋnun Ara, Hanniɛl a Risia ni.

⁴⁰Haa kpow yɔŋnun poaa Asɛr-a ni. Bolii lapangɛi kɛndɛ-kɛndɛi nda va o yungula ndalan nin ni. Ndáà nɔ yoomuan taw, a va vɛlɛ simlacia kɛndɛ. Telen nda cii nda sɛva faw-vo, mí vanaa cɔvaa ndáà tiwba ɲɛm cɔwvon cuaa le kɔlan o cɔwvo-a bɛnda vaalan bidiin a laŋɔmpum (26 000).