Read Kissi Nehemi 10 Bible Online

Nehemi 10 - Kissi bible

Nehemi 10

¹«Le dɛnɛ yɔŋnun naa kon-ndo kpow, naa Israɛlla pɛɛn, mí n cua ciɛ́ɔn, mí n sɛva. Mí simlacia naa, leviia a vanaa-solia-lasálàà naa handu suon o sɛbɛ nda handu pondalen-ndo coo.

²Diola vanaa handu suon-nda la co lan ni: Nehemi va masa ibungaa-o, po Hakalia-o pɛɛn, Sidekia,

³Seraya, Asaria, Irmeya,

⁴Pasur, Amaria, Malkia,

⁵Hatus, Sabania, Maluk,

⁶Harim, Meremɔt, Abdia,

⁷Daniɛl, Kinetɔn, Baruk,

⁸Mesulam, Abiya, Miamin,

⁹Maasia, Bilkai a Semaya. Nda kpow vanaa-solia-lasálàá nda va ni.

¹⁰Handɔɔ o Yosue po Asania-o, Binnui fula o polale Henadad len nin-ndo a Kadmiɛl coo,

¹¹kɔ bii a puapilɛa ndaa Sabania, Hodia, Kelita, Pelaya, Hanan,

¹²Misee, Rehɔb, Hakabia,

¹³Sakur, Serebia, Sabania,

¹⁴Hodia, Bani a Beninu. Nda kpow leviia nda va ni.

¹⁵O simlacia tɛɛn, vanaa handu suon-nda yɔŋnun haa ni: Pareɔs, Pahat-Moab, Elam, Satu, Bani,

¹⁶Buni, Askad, Bebai,

¹⁷Adoniya, Bikvai, Adin,

¹⁸Atɛr, Esekia, Asur,

¹⁹Hodia, Hakum, Besai,

²⁰Harif, Anatɔt, Nebai,

²¹Mak-pias, Mesulam, Hesir,

²²Mesesabeɛl, Sadɔk, Yadua,

²³Pelatia, Hanan, Asaya,

²⁴Osee, Hanania, Hakub,

²⁵Hallɔhɛs, Pilha, Sobɛk,

²⁶Rehum, Hasabna, Maaseya,

²⁷Ahiya, Hanan, Anan,

²⁸Maluk, Harim a Baana.

²⁹Mí vanaa tɔ̀a kpow sɔɔnguu nda ikɛi, nda yɔŋnun haa ni: vanaa-solia-lasálàá, leviia, kpalilaa cumulaa ladioa, vanaa solia n'condua, Netiniaa va baalaa o Cɛi-Hala-o nin-nda a naa vanaa sɛyan a vanaa súúla celeŋaa lo icali o lɛŋnden nin telen nda kɔɛ a Israɛlla o biyɔɔ nin-nda-a, naa n lo a yiinannda a tɔŋ Mɛlɛka-o-a pɛɛn. Handɔɔ o laandaa naa, poaa naa a o cuavaa naa laandua nɔ nin kɔlkaloo-a,

³⁰kɔ bii niko a simlacia naa, mí n mɛnan po, le tɔŋ Hala yɔngu Moise vana ndɔ baalaa le naa-o biyɔɔ, le kelaa o tɔŋndo coo, o nɛilan a o silala ndɔlan coo.

³¹Mí yii kpemaa maa n bɛnda mì n kɛsi cuavaa naa laandua o nɔ̀lan vanaa súúla celeŋaa co o lɛŋnden nden nin-nda o ba le, n bɛnda vɛlɛ mì n cua cuavaa ndaa laandua o nɔ̀lan le poaa naa le.

³²Te vanaa súúla celeŋaa co o lɛŋnden nden nin-nda hin pɛ a ɲɛm ndan le pisio o paale pɛngiaalen coo, te kon te o paale kafolen coo, n bɛnda mi n pendu ɲɛ-ɲɛ nda o ba le. N malnin yondoo pɛngio o vɔsi ŋɔmmɛwndɔɔ, n suuku lɛnin vɛlɛ vanaa cua kueelan naa o ba-a le lan salaa le.

³³Mí naa pila n kialu le voliei támáá o pilɛ, o nɔ kalamulan tan hiɔɔlu-o yɔngoo o vɔsio nin le baala Cɛi-Hala naa.

³⁴Volin mun vanin le bulula sálàla nda kɛ̀sì Mɛlɛka o hɔl-tan piondɔɔ, le sálàla loamaalan a le ɲɛm-kéan latɔlɔn yɔngun lepalaa-lepala-on, le sálàla vana soli o paale pɛngiaalen coo lan a le sálàla paangun sɛnɛilan, le sálàla solin o palɛi celeŋii kafoei coo lan, le ɲɛm-kéan celeŋun co le Hala-on a le sálàla Israɛlla yɔngu le hakio sɔlaa malɔɔ lan. Volin mun n vanin vɛlɛ le baalala bɛɛndiaa Cɛi-Hala lan.

³⁵Mí naa vanaa-solia-lasálàá, leviia a vanaa tɔ̀a n mal siondei le telennda yungula naala yɛ́-yɛ́lan la bɛnda le hunɔɔ iyɔmnde o Cɛi-Hala naa nin-ndan piɔvanndo maa mɛɛ o co o sɛvaa o tɔŋndo nin yɛ. O bɛnda mì n yɔngu yɔmnde vɔsi oo vɔsi le sálàlan lomɔɔ o fonda-loamaa-lasálà Mɛlɛka Hala naa coo mɛɛ o co o sɛvaa o tɔŋndo nin yɛ.

³⁶Vɔsi oo vɔsi n hunnin vɛlɛ a kɔmnde tasele fula o ciɛɔn naan nin a tɔlɔɔla naalan nin-nden.

³⁷Maa mɛɛ o co o sɛvaa o tɔŋndo nin yɛ, n hunnin a poaa naa tasea, navaa tovaa naa tasea, a saa kóndóa naa tasea, a cuinaa toovia naa tasea o Cɛi-Hala naa nin, mì n yɔngu nda vanaa-solia-lasálàá co baalaa tosaa o Cɛi-Hala-o nin-nda.

³⁸N yɔngunin nda vɛlɛ kpeyan naa tasoo, ɲɛm-kéan naa n cua o tɔlɔɔla koamaalan nin-ndon, mɔima sɛnɛiyan a cuɛiyan, mì n kɛsi ɲɛm mun kpow o cɛila pɔmbɔla holnun Cɛi-Hala-o lan nin. O kɛ́-kɛ̀ naa n sɔla pɛ o ɲɛm vaan nin, n yɔngu leviia o-tɔ́ndɔɔ. Leviia pila kɔanin nɛɛ naa n vanin baalaa tosaa-a le o-tɔ́ndɔ kon cuaa ni.

³⁹Vana-solia-lasálàá pilɛ, fulaa o yungu Aarɔn-ndo nin liilanin leviia telen nda kɔanin le o-tɔ́ndɔ kon cuaa-o ni. Leviia hunnin a o-tɔ́ndɔ fula o o-tɔ́ndɔɔ nin-ndo o cɛila pɔmbɔla holnun Cɛi-Hala-o lan nin ni.

⁴⁰Israɛlla nda leviia nda hunnin a ɲɛm-kéan ndan nda cua o maalon nin-ndon, a mɔima sɛnɛiyan a á cuɛiyan o cɛila pɔmbɔla holnun Cɛi-Diandaa lan nin. O cɛila lan nin ɲɛm baalan n co ni, lenin vanaa-solia-lasálàá, kpalilaa cumulaa ladioa a vanaa solia n'condua sim ni. Lelan n melnin Cɛi-Hala naa le few.»