Read Kissi Nehemi 11 Bible Online

Nehemi 11 - Kissi bible

Nehemi 11

¹Simlacia va vannda coo-a a va icali Yerusalɛm. Mí vanaa tɔ̀a mal siondei, haliko mi vana pilɛ o n'van tɔ́ oo n'van tɔ́ tɛɛn o hin calle o kobi diandaa Yerusalɛm nin, o kon mì vanaa ŋɔmahiɔɔlua tɔ̀a nda lo o kobila ndalan nin.

²Mí vannda dɔaw vanaa cɛl a kɔlta ndalan le calle Yerusalɛm-nda duaa.

³Tofa vɔ simlacia fula o kobila bɛndulan nin, má hun cal Yerusalɛm-nda. O vanaa fula o kobila co o tàndá Yuda-o nin-nda tɛɛn, mí vana-vana cal o kobi ndɔɔ nin, vana-vana o fonda ndɔɔ, vanaa kan yɔŋnun haa ni: Israɛlla, vanaa-solia-lasálàá, leviia, Netiniia-a a poaa buɛyaa Salomɔn-nda.

⁴Mí vanpiaandua fula o polale Yuda len nin-nda a vanpiaandua fula o polale Bɛnyamɛn-nden nin-nda cal Yerusalɛm. O polale Yuda len nin, poaa Perɛs-a va haa ni: Ataya po Osias-o, po Sakari-o, po Amaria-o, po Safatia-o, po Mahalalɛl-lo,

⁵a Maaseya po Baruk-o velun o polale Siloni len nin-ndo, Siloni kon velu Sakari ni, mí Sakari vialu Yoyarib, mí Yoyarib vialu Adaya, mí Adaya vialu Hasaya, mí Hasaya vialu Kɔl-Hose fuɲaa Baruk.

⁶Poaa Perɛs-a, a hun cal Yerusalɛm-nda va faw-faw, vanpiaandua mayoomua n'van kɛmɛ lehiɔɔlu a belaŋɔmpum a à ŋɔmaa (468).

⁷Poaa Bɛnyamɛn-nda co haa ni: Sallu po Mesulam-ndo, po Yoɛd-o, po Pedaya-o, po Kolaya-o, po Maaseya-o, po Itiɛl-lo, po Esai-yo.

⁸O ndu kɔɔli, Kabai nda Sallai, faw-faw, n'van kɛmɛ leŋɔmahiɔɔlu a bidiin a à ŋɔmaa (928).

⁹Yɔɛl po Sikri-o va nda bollen ni, Yuda po Senua-o va vana lebol diinndɔɔ o kobio nin ni.

¹⁰Vanaa-solia-lasálàá yɔŋnun haa ni: Yedaya po Yoyarib-o, Yakin,

¹¹Seraya po Hilkiya-o, po Mesulam-ndo, po Sadɔk-o, po Merayɔt-o, po Ahitub-o, nda va simndan dɛnndan laci o Cɛi-Hala-o nin ni,

¹²a puapilɛa ndaa va baalaa o Cɛi-Hala-o nin-nda, n'van kɛmɛ leŋɔmaa a bidiin a à ŋiɔn (822), Adaya po Yeroham-ndo, po Pelalia-o, po Amsi-o, po Sakari-o, po Pasur-o, po Malkia-o,

¹³a puapilɛa ndaa, bolii lapangɛi, n'van kɛmɛ lediin a belehiɔɔlu a à ŋiɔn (242), a Amasai po Asareɛl-lo, po Asai-yo, po Mesilemɔt-o, po Immɛr-o,

¹⁴a puapilɛa ndaa vanpiaandua nɔ tɔ́ɔ́-a, n'van kɛmɛ a bidiin a à ŋɔmaa (128). Sabdiɛl po Kedɔlim-ndo va nda bollen ni.

¹⁵Leviia yɔŋnun haa ni: Semaya po Hakub-o, po Asrikam-ndo, po Hasabia-o, po Buni-o,

¹⁶Sabetai a Yosabad nda va le baalala va o bɛ́ɛ̀ Cɛi-Hala-o lan tosaa ni.

¹⁷Matania po Misee-o, po Sabdi-o, po Asaf-o, ndu va condun lisan simndan laci o telen lepiɛiyo ni, Bakbukia va vana diinndɔɔ Misee ikɛi ni, a Abda po Samua-o, po Kalal-lo, po Yedutun-ndo.

¹⁸Leviia va o kobi diandaa nin-nda va faw-faw n'van kɛmɛ lediin a belaŋɔmaa a à hiɔɔlu (284).

¹⁹Kpalilaa cumulaa ladioa va haa ni: Akub, Talmɔn nda puapilɛa ndaa, vanaa cal o diolan sondoo le cumullo-a, a va faw-faw n'van kɛmɛ a belaŋɔmmɛw a à ŋiɔn (172).

²⁰Israɛlaa tɔ̀a, vanaa-solia-lasálàá, handɔɔ o leviia coo, nda va icali Yuda o cieon celen nin ni. Nda kpow vana-vana va icali o fonda co kɛ́ ndɔɔ-o.

²¹Netiniia nda va icali Yerusalɛm o bungɛi kobiei pum nin diolan Ofɛl, a va lon o ba simlacia ndaa bɛngu, Siha nda Kispa pɛɛn.

²²Vana va leviia bollen Yerusalɛm-ndo va Usi, po Misee-o, po Matania-o, po Hasavia-o, po Bani-o ni, fulaa o polale Asaf len nin. Polale len le va bollen le condon solio o Cɛi-Hala-o nin ni.

²³Vanaa solia n'condua va o tɔŋ masaa bɛngu, a va vɛlɛ baala ndáà bɛnda le tosaa lepalaa-lepala-o tosaa mɛɛ masaa ndóò dimi yɛ.

²⁴Vana va masaa ikɛi le sɔɔn vannda mulio-o va Petahia po Mesesabeɛl-lo ni, fulaa o poaa Sera, po Yuda-o-a tɛɛn.

²⁵Yungula Yuda lan lapum la va lasɛŋianndan o cieon va yondolan nin-ndon nin, mun co mun ni: Kiriat-Arba a cieon balu ndu-on, Dibɔn a cieon balu ndu-on, Yekabseɛl a cieon balu ndu-on,

²⁶a Yesua, Molada, Bɛt-Pelɛt,

²⁷Hasar-Sual a Bɛɛr-Seba a cieon balu mun-ndon,

²⁸Siklak, Mekɔna a cieon balu mun-ndon,

²⁹Ɛin-Rimɔn, Sorea, Yarmut,

³⁰Sanoa Adulam a cieon balu mun-ndon, Lakis a cieon balu ndu-on, Aseka a cieon balu ndu-on. Má cal kandɔɔ Bɛɛr-Seba a ba too, kɔ bii háá o bóllo Hinnɔm a ba luaŋ-ndo.

³¹Mí yungula poaa Bɛnyamɛn-nda kila calta ndalan kandɔɔ Keba, Mikmas, Aya a Betɛl a cieon balu mun-ndon,

³²Anatɔt, Nɔb, Hanania,

³³Hatsɔr, Rama, Kitaim,

³⁴Hadid, Seboyim, Nebalat,

³⁵Lɔd a Ono, handɔɔ o Ból vanaa baala labaa coo.

³⁶Mí kundala leviia lapum la faŋan vanaa fula o polale Yuda len nin-nda tɛɛn, má handun vanaa fula o polale Bɛnyamɛn-nden nin-nda coo.