Read Kissi Yɔb 35 Bible Online

Yɔb 35 - Kissi bible

Yɔb 35

¹Mí Elihu hiaw laci a sɔɛi, mó dimi aa:

²«Dimi n co kon maa a sandu Hala o hɔl-lo, a co yiyanndo maa o nɛi n co lende ni?

³A co dimio maa taa kpakpala pɛ hakio, tɔnɔ yɛɛ ken yɔngu yɛnin nɔm?

⁴Ya co nɔm ken mulul ni, nɔm pila a caaŋaa nɔmnda.

⁵Tofa vɔ halataalaa mà mɛɛndan yumbuyumboo, mɛɛ o connun nɔm coo pɔ́-pɔ́ yɛ.

⁶Taa tosa pɛ hakio, mò va maa Hala n co pala ni? Taa kui pɛ dɛnnda vɔɔnndan tosaa, yɛɛ nɛ n co yɛ ndu Hala yɔŋ?

⁷Taa va pɛ vana sandaa, yɛɛ n co yɛ Hala yɔngu? Yɛɛ nɛ o sɔla yɛnin nɔm o ba?

⁸Vanndacieea maa nɔm pila kon kɔlvesɛi nɔmndo nɔla ni. Sandii nɔmnde bɛɛ, vanndacieea koni i nɛŋi mako ni.

⁹Masalen le hiw pɛ vannda kindilaa, a cɛn a simul ten, a yonda le malaa sɔlaa.

¹⁰Kɛ vana-vana dimi le aa: ‹Ɔ́ɔ̀ Hala toosiaa ya-o? Ndu tosa ni mì n soli condun kɔlkɛndɔn a di-tɛɛndo.

¹¹Ndu ke naa dɛnɛ sinaa ni, mí n hiaw visia yondoo nin, mó ke naa kɔlkaloo mí n hiaw yowva.›

¹²Vannda co yondaa nɛɛ-nɛɛ ka le malaa sɔlaa, le vanaa yongaa a vanaa yɔŋ vɔɔnda cɔlɔbaa, kɛ Hala co muli le.

¹³A toɲa, fondo fúú koni nda co koŋullo ni, kani Hala co tueyɔɔ le, Hala Vana-Kpaayaa co bɛɛ ken sondo vow le.

¹⁴Nɔm yɛ a co dimio maa a co ndu cɔ le, maa a cii ndu bahavɛi nɔmndo cɔm, a co ndu cumndo tuŋ?

¹⁵Sisa vɔ, kɔl ndɔ tuwvo cen-ndɔ le, o sina vɔ vɛlɛ simul vanacieo simul ndu-o le.

¹⁶Lelan Yɔb co sondoo kumbio ni le tombola fondoo. O co tombolaa kɛ kɔlkalu oo kɔlkalu co lenin te.»