Read Kissi Condii lisai 1 Bible Online

Condii lisai 1 - Kissi bible

Condii lisai 1

¹Dɛnɛ kɛndɔɔ co le vana kon, vana kela o silala vanaa kɔlvesɛiya coo loo, vana sim o nɛi vanaa lahakia coo loo, vana cel o kunda vanaa mamaa n'vannda tɛɛn too.

²Kɛ o dɔawnun ɲaale o tɔŋ Mɛlɛka-o nin-ndo, o keela kɔllo lecoo paalen a ɲumndan-ndo.

³Vana kon co macoaa maa yɔm tɔlnun o peo kɔngɔ-o, ó koam a telen o bɛnda le komɔɔ-o-o, o pei ndɔɛi ɲɔfɔliaa lɔ́ɔ́-lɔ́ɔ̀ loo. Ɲɛ-ɲɛ vana vaa lende tosa pɛ, o biinun bila ndu o ba.

⁴Kɛ ɲɔɔ co lende le vanaa kɔlvesɛiya le. Nda nda, maa foeeŋii hoeiye saŋ fásàn-nde nda co ni.

⁵Lelan, nda simulnin o paale kɔɔsɔlen te, vanaa lahakia bɛɛ a venin o kunda vanaa sandaa nin te.

⁶Kani Mɛlɛka sinà nɛi vanaa sandaa, kɛ o tambei nin nɛi vanaa kɔlvesɛiya yaa vana ni.