Read Kissi Condii lisai 11 Bible Online

Condii lisai 11 - Kissi bible

Condii lisai 11

¹Condii David-e, í fula o condun simlacinɔ vanaa n'condua nin-nde. «Mɛlɛka co nɛɛ nia viannannda ni. Le yɛɛ niaa co yɛ ya dimullo aa: ‹Ɲaanun maa yow, ma kɔɛnnun o pembon coo?›

²Tofa vɔ, vanaa kɔlvesɛiya co kpaasiaala ndalan kindɔɔ, a co kɔɔn ndan kindɔɔ o yoolen mà va vionnɔnndo o ɲumndan nin le vanaa dendu kɔltan-nda viɔw.

³Te vanacieeyɛi vannda cal coo-e cuu pɛ laasian, yɛɛ vana sandaa tiw yɛ ba tosaa?

⁴Mɛlɛka co o Cɛi ndɔ Diandaa nin, o halataala kpɛŋɛ ndɔ lemasaa co ni. O co lon mò va cuàà n'vanndacieea tofaa lɛŋ. Hɔlta ndɔlan la co nda mɛɛndanndo.

⁵Mɛlɛka co vana sandaa a vana kɔlvesɛiyo taasio dɔvɔɔ. Vana yeemaa dɛnɛ vɔɔndo-o nɛinun ndu.

⁶Mɛlɛka co dɛngulta biyaalan, yinnden a fungoo tuisio vanaa kɔlvesɛiya coo maa piɔɔ. Hoeyii tuw-tuwve ndi, ndi o co nda koesio ni, kɛ̀ ndaa vanin kon le lɔ́ɔ́-lɔ́ɔ̀ ni.

⁷Kani Mɛlɛka sandu, dɛnnda sandaalan la hɛnan ndu, vanaa sandaa canin hɔlaa ndɔa.»