Read Kissi Condii lisai 111 Bible Online

Condii lisai 111 - Kissi bible

Condii lisai 111

¹La lisa Mɛlɛka. I yeema mì biilu Mɛlɛka a kɔl nuu kpow, vanaa dendu kɔltan-nda a vannda tɛɛn.

²Dɛnnda Mɛlɛka tosa lan la co la bɔɔ, vanaa kaola lan-nda co kɔllo keelaa lecoo.

³Dɛnnda ndɔlan la co bɔɔbɔɔyɛi ndɔɛi a biilu ndɔɔ cɔmndo, sandii ndɔɛi vanin le fɛɛn a fɛɛn.

⁴Mɛlɛka yeema mì n va dɛnnda kaamaala ndɔlan loonɔnndo. O nɔ kɛndɛi, o nɔ vɛlɛ ɲííye.

⁵O co vanaa nɔ siòòŋii ndɔɛi-ya baloo keo, o co loonɔnndo a kpema ndɔɔ o kɔɔ lɔ́ɔ́-lɔ́ɔ̀.

⁶O cɔm vanaa ndɔa kpaaya ndɔɔ o dɛnnda o tosa lan nin telen o ke nda lɛŋii vanaa-mangalaa-isɔɔa kɛ́ɔ-vo.

⁷Ɲɛ-ɲɛ o tosa pɛ, ndu cɔm maa Mɛlɛka lo o lediom coo-o a Mɛlɛka sandaa o co ni. Silala ndɔlan kpow, silala toɲalan la co ni.

⁸La mangalannin lɔ́ɔ́-lɔ́ɔ̀ le, kani la sandu, toɲaa la co ni.

⁹O tosa mí vanaa ndɔa sɔla baŋaa, mó yiilu nda kpema fɛɛn-fɛɛndo. Mɛlɛka dendu, vana lakaamaa o co ni.

¹⁰O siòòŋii Mɛlɛka-e nɔu nin kɔlkaloo kandùn ni. Vanaa co silala ndɔlan biyɔɔ-a kpow a nɔ kɔlkaloo. Biilu ndɔɔ vanin le fɛɛn a fɛɛn.