Read Kissi Condii lisai 114 Bible Online

Condii lisai 114 - Kissi bible

Condii lisai 114

¹Telen Israɛlla va cɔnɔnndo Esipte-o, telen vanaa fula o polale Yakɔb len nin-nda a va faŋanndo o lɛŋnde isumialten nin-ndo,

²mí Yuda siŋnun Fonda-Diandaa Hala-o, mì lɛŋnde Israɛl-ten le siŋnun lɛŋnde ndɔlen.

³Mɛmma ihɛllan maa cɔu nda, mí ma ɲaanun, mí mɛnndan Yurdɛn o peelo ma muungu a makɔɔ,

⁴mí pembon n huuluu maa saa laandu, mí buubuuon n huuluu maa saa téndé.

⁵Nɔm mɛmma ihɛllan, le yɛɛ nɛ n ɲaanun yɛ? Nɔm Yurdɛn, vɛ muungoo a makɔɔ,

⁶mí niaa pembon va huuluuo maa saa laandu, mí buubuuon va huuluuo maa saa téndé?

⁷Nɔm lɛŋnden, ɲiiya Mɛlɛka o hɔl, ɲiiya Hala Yakɔb-o o hɔl.

⁸Hala mìngì pow kpovaa limnde-o pɛɛn, mò mìngì pow kpova kàlà-kálàá soon mamɛnndo.