Read Kissi Condii lisai 116 Bible Online

Condii lisai 116 - Kissi bible

Condii lisai 116

¹I kaola Mɛlɛka, kani o co diom nuu a cɛɛŋɔnnda nilan tueyɔɔ.

²Le tùú o co ya nilan yaŋɔɔ-o, i vanin ndu piɛiyo háá mì vi.

³Yooei piɔ́mnde ndíì cii ya nin kayakaya, ciee-piɔ́m ndóò cii ya nin miolɔɔ, mɔnɛi a somisominndo ndóò cii ya nin biyɔɔ.

⁴O kon, mí piɛi o diola Mɛlɛka lan aa: «Éé Mɛlɛka! Ciindiaa ya!»

⁵Mɛlɛka nɔ kɛndɛi, o sandu, Hala iɲííyo Hala naa co ni.

⁶O co vanaa nɔla nda pila kandan te-a kandaa, yáà nɔ lɛ mayoomu le, mó ciindiaa ya.

⁷Kɔl nuu sɔla vɛlɛ pɛngio, kani Mɛlɛka tosal-la dɛnɛ kɛndɔɔ.

⁸A toɲa, Mɛlɛka baŋa yoomu nuu o piɔ́mndo nin, mó vɔɔsuu ya mɛmɛan o hɔl, o soli ya pelon o pɔwlan nin.

⁹Lelan mɛɛ mì kela ndu o hɔl o lɛŋnde ɲaa yoomaa co coo len coo.

¹⁰O kon, mí laalan, mí dimi aa: «Kuɛi co ya coo taw.»

¹¹I va o sangaa nin mí dimi aa: «Vannda kpow, còòlan nda dimi ni.»

¹²Vɛ̀ɛ̀ ya looku yɛnin Mɛlɛka sala le dɛnnda kɛndɛla o tosal-la lan kpow?

¹³I heelunin taala kólaa coo, mì mel ndu balika.

¹⁴I peelunin ciɛ́ɔn ya cua o Mɛlɛka lo-on vanaa ndɔa kpow o hɔl.

¹⁵Piɔ́m vanaa lo o lediom coo-a saangiaa bɔɔ Mɛlɛka kɔllo.

¹⁶Éé Mɛlɛka! Vana baala nɔmndo ya co ni, po vanalanɔ yɔŋnun buɛi nɔmndo-o pɛɛn, o n tiimbuu o yɔlɔn-ndo.

¹⁷I solulnin nɔm sálà-malaa-balikaa, mì piɛi o diola nɔmndan.

¹⁸I peelunin ciɛ́ɔn ya cua a nɔm-ndon vannda kpow o hɔl

¹⁹o bɛ́ɛ̀ Cɛi-Hala-o nin Yerusalɛm tɛɛn déŋ. La lisa Mɛlɛka!