Read Kissi Condii lisai 129 Bible Online

Condii lisai 129 - Kissi bible

Condii lisai 129

¹Condii vannda keì solio nɛi-tɛɛn o kɔlan-nde. Kabi o felengiyɛi nii nin, vannda co ya dɛnnda vɔɔnndan tosallo taw. Israɛlla la mingi sondo aa:

²«Kabi o felengiyɛi nii nin, a co ya dɛnnda vɔɔnndan tosallo taw,» kɛɛ a co ya tiwba le.

³Vanaa vàá cii ya kɔɔ tɛɛndiaa a tindima vilɛiyan mɛɛ vana váà ciɛi nuaa yɛ.

⁴Vanaa yɔŋ vɔɔnda ndáà cii ya nin kayakaya. Kɛ, vana sandaa Mɛlɛka co ni, o cii yɔlɔn ndan kilikili.

⁵Màá vanaa nɔ nɛyɔnndo a Siɔn-nda kpow mulin, mà muungu a siɛmbulan!

⁶Màá a siŋnun maa bil vul o yindɔlan coo-o, lɔ́ɔ́ pá o sul, o vesan!

⁷Vana kiolu ndu bɛɛ, o pe vana ba le, vana mɔɔsiaa bɛɛ ndu, o sul tumbu le.

⁸Vana hiavan-ndo diminin te aa: «Màá Mɛlɛka dɔw nɔm duaa!» O diola Mɛlɛka lan naa n co niaa duaa dɔvɔɔ nuaa ni.