Read Kissi Condii lisai 13 Bible Online

Condii lisai 13 - Kissi bible

Condii lisai 13

¹Condii David-e, í fula o condun simlacinɔ vanaa n'condua nin-nde.

²Éé Mɛlɛka! Háá lɔ́ɔ́ kuɛɛ n lo yɛnin ya pɔɛɛnɔnndo ho nuaa? Háá telen kuɛɛ n lo yɛnin ya hɔlla faŋallo?

³Háá tuma kuɛɛ ya lo yɛnin buulanndo a sanga kɔllo sɔlaa lepalaa-lepala? Háá boondii kuɛɛ yaamɔɔ nuu lo yɛnin ya nɔlaa?

⁴Mɛlɛka Hala nuu, tofa ya, ma mulul-la. Cɔɔlu ya yoomuan luei yɔŋii hɔltan la kindan ya, mì lɔl lɔma piɔ́mndan,

⁵mì yaamɔɔ nuu dimi aa: «I nɔla ndu», mì vanaa nɔ nɛyɔn nuu-a dɔwnun ɲaale telen ya delnin-ndo.

⁶Kɛ i tiindan kaola nɔmndo, ɲaaloo co ya o kɔl le ciindiaa n ciindiaa ya-o. I solulnin Mɛlɛka condon le dɛnɛ kɛndɛ o tosal-la-o.